# Pahadar Harei dunya urang kamei 8/3 thun ini, dom pakat Kapul urang kamei di dom tỉnh ban hu peih ngak rilo bruk biak chreih chrai, hu makna:

# Di bal sit Kon Tum, kapul urang kamei tỉnh Kon Tum peih Harei urang kamei padang mbang angui thun 2019 hu mbaok labaih 300 urang lambaok nan lac adei sa-ai kamei daok hu hatai saneng peih bruk ngak mbang pablei salih. Ngan haong kadha “urang kamei Kon Tum saong harei hadei di nền kinh tế hijao”, dalam harei urang kamei padang mbang angui thun 2019, Kapul urang kamei tỉnh Kon Tum hu pok brei 550 triệu đồng daong ka adei sa-ai kamei peih ngak hu 7/14 hatai saneng  padang mbang angui, peih bruk ngak mbang pablei salih; pok brei harak chứng nhận di Sở Kế hoạch saong Đầu tư tỉnh ka 3 tác giả hu hatai saneng padang mbang angui hu Hội đồng tư vấn daong bruk  padang mbang angui tỉnh palih ruah. 

 # Hội LH urang kumei Việt Nam tỉnh Hậu Giang peih 5 bruk ngak praong, lac pambuak bruk haong Hội Chữ thập đỏ tỉnh saong kapul ngak pahla thiện Minh Tâm nao iek ruak, brei jru, iek glang pren yava urang kumei metian saong cakak mbuk brei saoh ka 400 urang kumei, uraniah kan kathaot daok di xã Lương Tâm, huyện Long Mỹ; peih bruk pachreih tui kadha thun 2019 kayua Trung ương Hội LHPN Việt Nam peih tabiak “Siam mekre ka urang kumei saong uraniah” ngan saong kadha “Urang likei nao dahlau dalam bruk pacang bạo lực, taong paoh urang kumei, uraniah”;  Parang iek dom pandap ngak meng padang mbang ngui di urang kumei, pambuak pandap ngak meng padang mbang ngui di urang kumei, peih bruk mbaoh tangin tame harak pambuak bruk blei veik pandap saongjao phun jien daong ka 32 bruk urang kumei padang mbang ngui… 

# 200 urang kamei jakar ngak gah khik iek, urang ngak naih gheih bhum kinh tế langiu Karja dalam bal sit  Long Xuyên, tỉnh An Giang bahrau hu mbaok dalam van pataom mbaok, pok meyaom dalam harei Dunya urang kamei. Tapa nan, Ban Chấp hành Liên đoàn Lao động bal sit Long Xuyên hu pok meyaom 30 “baoh bingu” urang jakar ngak bruk khik iek saong urang ngak naih gheih tuk halei jeng hadah krah, paglaong trách nhiệm dalam bruk ngak; abih hatai brei ka bruk cakrok patagok kinh tế - xã hội di bal sit, bruk cakrok patagok khang kajap di doanh nghiệp, brei ka rai diuk, bruk ngak di urang ngak.

  #Patui di ini, lac dom khau tin karei karei njauk caik hatai:  Biar harei 7/3, Đại sứ Hà Lan di Việt Nam Elsbeth Akkerman hu nao ravang, ngak bruk haong rayo sap ndom Việt Nam (VOV) piah jhul patagok bruk pambuak gauk di 2 gah. Tapa nan, Đại sứ Elsbeth Akkerman caong khin pambuak bruk haong VOV piah pathau khan dom bruk chính trị, ilamu, nghệ thuật di Hà Lan jeng yau mbang ravang di Thủ tướng Hà Lan Mark Rutt di bilan 4/2019. Tổng Giám đốc Nguyễn Thế Kỷ jeng hu panuac caong Đại sứ daong jhul patagok jang talei pambuak bruk di VOV saong pasak pato papar sap Hà Lan (RNTC). Lingiu di bruk pambuak gauk haong RNTC, Tổng Giám đốc Nguyễn Thế Kỷ jeng caong Đại sứ quán Hà Lan di Việt Nam daong ka VOV peih praong talei pambuak bruk jang haong dom jabat truyền thông di Hà Lan, dalam nan hu gam gah papar sap, papar binguk saong truyền thông đa phương tiện.

      # Harei ini (8/3) 63 tỉnh, bal dalam negar hu peih ngak kadha “Dom urang ruak akaok meti taduan mek hu jru ARV meng  bảo hiểm y tế” piah meyaih khan bruk ngak ini tal rilo bhap bani. Labaih 10 thun tapa, jien jru ARV piah pacang caga virus ka urang ruak njaom mbak HIV nan lac meng jien daong brei di dunya. Urak ini dalam negar hu labaih 115 ribau urang njaom mbak HIV daok hu ek ruak meng jru ARV saong manuac urang ruak dak haei dak mboh rilo. Dalam tuk nan, jien daong brei di dunya oh daok hu meng di thun 2018. Kayua yau nan ye, raja-ei hu tacei pandar jien bayar jru ARV tapa Kadung jien Bảo hiểm y tế piah patrun naong trak ka urang ruak saong ngak brei khang kajap bruk pacang cakak HIV/AIDS.

# Ông Nguyễn Hoàng Phước - Phó Giám đốc Sang mac saradang An Khê, ban sit An Khê, tỉnh Gia Lai brei thau: “Hadei di tuk taduan hu panuac khan ka bruk khuah 25ha tabau di bhap bini xã Kông Lơng Khơng, huyện K’bang, Gia Lai, sang mac hu ba menuac saong radaih trun blei tabau daong ka bhap bini”.  Hu thau, tukvak 13 tuk harei 6/3, rilo bhap bini mboh sa puh tabau di bhap bini huyện Đắk Pơ daok jaik puh tabau di bhap bini huyện K’bang khauh khang nan ye khan brei urang jakar thau piah mai padam pui. Min kayua langik pandiak thu saong hu ngin khang ngak ka pui khuah samar, mbang abih labaih 25ha tabau di 9 sang bhap bini xã Kông Lơng. Urak ini, gah chức năng doak duah thau makna ba tal khuah.

Patui di ni dom khau tin dunya

# Urang kumei ngak prong dalam Mentri Ngọai giao Đức hu mboh rilo dalam thun tapa min bruk ini di dom phái bộ ngọai giao negar karei jeng daok biar. Dalam harei Dunya urang kamei 8/3, Ngoại trưởng Đức Hai-cô Ma-át (Heiko Maas) bahrau brei thau Mentri Ngoại giao Đức daok kham merat piah ngak brei tagok dom urang kamei ngak prong dalam Mentri saong Đức caong khin nao dahlau dalam dom taneh aia Liên minh châu Âu ka bruk likei kumei samu gauk saong jao brei quyền ka urang kamei. 

# Thủ tướng Nga Đ-mi-tờ-ri Mét-ve-đép (Dmitry Medvedev) bahrau brei bruk ka Tập đoàn vũ trụ negar Nga (Roscosmos), ban Mát-x-cơ-va (Moscow) saong Mintri Jien padai dang tabiak padang Pasak Vũ trụ negar di puac thun ini. Pasak hu dom jabat dang akaok gah tên lửa saong vũ trụ, jabat thiết kế, dom jabat roh duah saong pato pakai chuyên ngành. Dahlau di nan, dalam Thông điệp Liên bang thun 2019, Tổng thống Nga V-la-đi-mia Pu-tin (Vladimir Putin) hu tacei brei dom jabat ini padang Trung tâm vũ trụ negar dahlau di harei 15/01/2020.