# Tal tukvak ini, rilo sang bac dalam negar hu brei thau ka jalan palih ruah tuyển sinh hệ chính quy thun 2019. Tui jalan tuyển sinh hu ba tabiak, jalan palih ruah xét tuyển jeng oh hu salih bahrau hagiat dut haong thun 2018, dalam nan jalan palih ruah xét tuyển hu rilo sang bac palih ruah nan lac xét tuyển tui điểm pakacah trung học phổ thông negar, xét tuyển tui kết quả bac megru di pakat bac phổ thông saong palih ruah tapak. Dom sang bac jeng palih ruah xét tuyển pambak tui kết quả di mbang pakacah taong yaom năng lực kayua Đại học Quốc gia bal raya Hồ Chí Minh peih ngak; pambuak haong xét tuyển điểm pakacah năng khiếu haong kết quả pakacah trung học phổ thông negar;... Ndom ka ngành nghề đào tạo, rilo sang bac hu ramik veik ka nyu siam nan lac brei padeih bruk tuyển sinh dom ngành nghề bo hatai caong khin ka manuac urang ngak di xã hội takik atau oh hu thí sinh tut angan xét tuyển dalam thun 2018 piah peih tabiak dom ngành bac bahrau njauk haong jalan cakrok patagok, ngak tagok jalan palih ruah ka anek saih.

# Mintri Pato megru bahrau hu công văn ka 793/BGDĐT-KHTC pandar Nhà xuất bản Giáo dục Việt Nam anak meta oh ka brei tagok yaom tapuk giáo khoa klak dalam thun bac 2019-2020. Tui công văn, Mintri Pato megru pandar Nhà xuất bản Giáo dục Việt Nam pasang iek veik giá thành, jalan ramik veik yaom saong brei thau tui panuac di Phó Thủ tướng rajaei saong văn bản di Mintri Jien padai, pathau khan ka Mintri Pato Megru thau piah pasang iek, brei panuac. Mintri Pato Megru jeng pandar Nhà xuất bản Giáo dục Việt Nam hu jalan pathau khan praong dalam tal bhap bini, dom urang gaok tal bruk nan piah thau saong pachreih tui panuac tacei di Phó Thủ tướng rajaei saong di Mintri Jien padai,mbiah tal tuk mboh siam lagaih meng tagok yaom tapuk tui quy định.  

# Piah pacang cakak jit tả pabui Châu Phi daok rah tabiak, gah thú y, khik iek darak pasar saong cảnh sát giao thông di bal raya HCM daok patagok bruk pasang iek dom balai đầu mối giao thông meng dom tỉnh nao tame saong dom canah jalan meng bal raya nao tabiak dom tỉnh. Jabat chức năng di bal raya jeng patagok bruk pasang iek di dom labik thik riah, di dom darak đầu mối saong pandar dom ghing thik riah oh taduan mek pabui meng dom tỉnh gah Barak hu njaom jit ruak. Taphia di nan, Sở ngak nong saong patagok palei pala bal raya HCM pambuak bruk haong dom  ban ngành kapul nyaom saong dom phương tiện truyền thông patagok bruk pathau khan piah ka bhap bani thau cambaih laih, oh pa-yeng mbaok haong raloaw pabui. Urak ini, yaok harei bal raya HCM blei pandar jaik 10 ribau drei pabui ralaow, dalam nan hu labaih 80% blei tame meng dom tỉnh, bal karei.

# Pasak y tế dự  phòng tỉnh Phú Yên daok peih bruk brei saoh kamo ndih ka bhap bini daok di bhum hu ruak pandiak dom. Ini lac bruk ngak praong abih dalam thun ini kayua Dự án RAI daong. Dalam mbang ini, pasak y tế dự phòng tỉnh Phú Yên pambuak bruk haong dom puk plaei brei saoh 77.500 baoh kamo ndih ka bhap bini daok di 45 xã  di 6 huyện, ban dalam tỉnh Phú Yên. Thun 2018, tỉnh Phú Yên hu 200 mbang urang ruak pandiak dom, rilo jang 3 mbang dut saong tukvak ini thun dahlau. Sở Y tế Phú Yên jeng hu tacei dom puk palei patagok bruk pathau khan, jak ba bhap bini pacang caga pandiak dom, kak kamo tuk ndih, abih di nyu nan lac di dom bhum hu ruak pandiak dom

       #  Dalam tỉnh Hậu Giang hu jaik 3.000 ha glai; dalam nan glai đặc dụng jaik 1.500 ha. Anak bruk langik tua riya pandiak bhang dalam dom harei tapa, tỉnh Hậu Giang gam paglaong bruk pacang caga khuah glai meng pakat biar tal pakat glaong di taong abih mblang taneh glai dalam tỉnh.  Ong Trần Chí Hùng, Akaok Sở Ngak nong saong patagok palei pala tỉnh Hậu Giang brei thau, tui kuhria dahlau di jabat khí tượng thủy văn Nam Bộ, bhum taneran kraong Cửu Long urak ini hu nhiệt glaong di abih dalam negar, nhiệt độ di jala pandiak meng 32°C - 34°C saong daok tagok jang. Dom po glai saong puk palei hu glai njauk abih hatai pathau khan, jak ba, brei thau dahlau ka bhap bani dalam labik paglaong akaok saneng ka bruk pacang caga khuah glai; khan brei thau ka dom quy định pakauk oh brei tame glai saong dom jalan taong phạt meyah thei ngak suan.

Patui di ni dom khau tin dunya

# Tổng thống Hàn Quốc Mun Chê In bahrau ba tabiak sa dự án ngak haong Trung Quốc pandar hajan menuac ngak piah ngah hacih không khí di taneh ia ini daok njom nerak trak. Tổng thống Hàn Quốc jeng hu tacei brei jhul samar bruk kreik pabah mbang dom sang mac điện klak cuh meng dhang. Hàn Quốc daok gaok kan kandah anak bruk njom nerak không khí tagok glaong bo dom chuyên gia mboh lac mai meng dom bruk ngak kong meng Trung Quốc saong khí thải radaih ôtô dalam taneh ia. Thur mur biak rilo dalam adit bloh ngak ka rilo menuac njauk cuh khẩu trang tuk tabiak jalan. Javap jalei báo chí ka bruk ba tabiak di Tổng thống Hàn Quốc, urang brei panuac di Mintri Ngoại giao Trung Quốc Lục Khảng brei thau pambuak bruk lac siam min tah klak panuac lac njom nerak nan mai meng Trung Quốc.

  # Ngoại trưởng Anh Jeremy Hunt brei thau gah Anh saong Liên minh châu Âu daok jhul pakhang bruk ginum biai taong abih gah saong caong khin meda hu đột phá ka Brexit dalam puac adit ini. Panuac khan di ong Jeremy Hunt hu ba tabiak tok takik tukvak harei di tuk hãng tin Anh BBC brei thau ka thông tin lac EU pok sap iew raja-ei Anh ba tabiak bruk ngak khả thi dalam 48 tuk meyah caong khin mek hu dom kadha pasiam veik siam laghaih dalam harak sanya Brexit. Tui jalan ngak, harei 12/3 tal Hạ viện Anh meda buh phiếu sa mbang tra ka kadha sanya Brexit ba raja-ei Anh hu ginum biai haong EU. Meyah bruk sanya ini patui veik njauk tah klaak, raja-ei  Anh njauk likau haong EU brei hoãn veik vaktu peih ngak Brexit dalam harei 29/3 piah hu jang ka tukvak duah jalan ngak bahrau.

  # Tổng thống Ucraina Pô-rô-sen-cô (Poroshenko) saong Thứ trưởng Ngoại giao Mỹ Đa-vit Hây (David Hale) bahrau hu mbang taom gaok di Ki-ép, ginum biai ka dom bruk di dua gah. Tapa ginum biai, Tổng thống Ucraina taong yaom glaong bruk pambuak gauk di 2 taneh ia dalam 4 thun tapa, abih di nyu nan lac dalam gah an ninh, quốc phòng, pablei salih saong pambuak bruk kinh tế. Gah drei, Thứ trưởng Ngoại giao Mỹ Đa-vit Hây sanya lac Mỹ meda pachreih tui Ucraina. Dua gah jeng hu ginum biai dom jalan nao haong gauk piah patrun  bruk daok catang tagok di eo biển Kớt (Kerch) saong hu ndom tal dom bruk bầu cử Tổng thống, Quốc hội dalam thun ini di Ucraina./.