1# Thun ini, dom doanh nghiệp rilo meng khai trương ngak bruk meng harei 13-2 (lac harei 9 bingun tết) kayua hu maong lac harei siam. Rilo doanh nghiệp praong hu đơn hàng saong pambuak bruk pablei tabiak negar lingiu. Dom doanh nghiệp dalam danak dak khik tani tanat yaom kaom darak pasar hu caga ginup pandap, pabak ka bruk blei pandar di urang ngak, hu gam bruk trun yaom, pachreih urang blei, ba pandap pablei tal tangin urang blei, oh caik ka darak pasar kurang pandap, tagok yaom hadei di Tết. 

2 # Harei 10-2, lac harei  6 bingum bilan sa, rilo lễ hội prong di gah brak hu peih tabiak, peih akaok ka yaok ribau rija, roya prong sit rah tabiak tal abih bilan 3 saka ia bilan. Yaok ribau tuai di grauk labik mai hu mbaok  tuk peih hội chùa Hương 2019 di mblang baha  Thiên Trù, labik inem krung pakat negar quần thể Hương Sơn, xã Hương Sơn, huyện Mỹ Đức (Hà Nội). Langiu di bruk gar jalan  dalam dom harei akaok thun peih hội chùa Hương, bilan hội thun  2019 ni hu salih bahrau dalam bruk peih ngak di pak ni. Bruk dui ieu tuai damuai dut song dom thun dahlau hu patrun. 

3 # Sở Ilamu, Thể thao saong Du lịch tỉnh Bình Thuận bharau pambuak bruk haong huyện Hàm Thuận Nam peih Harei pakacah ndik ceik Tà Cú peih praong mbang ka 23. Harei pakacah thun ini hu mbaok 309 vận động viên di 39 kapul mai meng 6 tỉnh: Lâm Đồng, Bình Phước, Đồng Nai, Bình Dương, Bà Rịa - Vũng Tàu saong Bình Thuận. Harei pakacah ndik ceik Tà Cú hu peih tabiak meng thun 1996. Dom vận động viên brei ndik tagok tabung ceik Tà Cú (huyện Hàm Thuận Nam) glaong 649 m ngan saong 1.000 takai kanyan.

4 # Harei pataom kalang nghệ thuật di Long An 2019 rah tabiak meng harei  10/2 mbiah tal harei 12/2 (harei 8 bingun tết) pataom hu labaih 300 drei klang  prong song yaok rituh  drei kalang  rilo janih karei di gauk mai pakacah tài năng di Khu du lịch Happyland, huyện Bến Lức, tỉnh Long An. Meng di tuk peih tabiak, dom drei klang gheih, mekre  par tagok di angaok langik, dui pachreih biak rilo menuac sia, tuaiu damuai ba gauk mong iek. Dalam nan, rilo janih kalang di dom bhum palei  kayua dom nghệ nhân  meng dom kalup kapul kalang  nghệ thuật di grauk labik dalam negar ba mai, hu tuai damuai , chuyên gia negar langiu tong yaom glong, dong yaik khan inem krung ilamu kalang  Việt Nam.

5 # Dalam 9 harei padeih Tết thun sak pabui, dalam negar hu 525 urang njuak ruak tangin, takai, cambuai, rilo meng mboh di dom tỉnh ban gah meraong. Jeng dalam tukvak ini, dalam negar hu labiah.600 urang njauk ruak pandiak tabiak darah, dalam nan hu 1 urang metai di Bà Rịa - Vũng Tàu. Lingiu di nan, daok hu 664 urang njauk ruak sởi di dom tỉnh, ban saong hu 1 urang njauk sau gila kaik daok iek ruak di sang iek ruak Nhiệt đới Trung ương.

 Patui di ni dom khau tin dunya:

6 # Dom Mbang ginum biai ka  an ninh tapen negar  Mỹ oh ka hu jalan tabiak hadei di tuk gah lập pháp 2  đảng Cộng hòa song  Dân chủ oh ka njauk gauk ka sarak cap mek urang nhập cư, ngak brei rajaei Mỹ oh ka biak biai tabiak truh bruk kreik pambah mbang.  Sa ủy ban ginum biai đặc biệt di Quốc hội dok kham merat vmek hu sa  thỏa thuận dalam harei 11/2, piah ka 2  viện Quốc hội brei tapa jang yau Tổng thống Mỹ Donald Trump mbaoh tangin brei tabiak suai di abih lac dalam harei 15/2, dahlau di tuk kadung jien  tạm thời ka mintri  An ninh nội địa Mỹ song dom jabat  liên bang karei abih tuk vak.

7 # Tổng thư ký Liên hợp quốc (LHQ) Antonio Guterres brei thau, LHQ halan hatian ba Tổng thống Venezuela Nicolas Maduro saong urang dang akaok gah đối lập Juan Guaido daok la ginum biai dalam siam mekre. Urak ini hu jaik 20 taneh ia dalam Liên minh châu Âu (EU), dalam nan hu Anh, Đức, Pháp saong Tây Ban Nha gam saong Mỹ công nhận ông Guaido lac Tổng thống lâm thời, saong daok kateik greik Tổng thống Maduro brei peih bruk bầu cử bahrau. Dalam tuk nan, rilo taneh ia karei yau Cuba, Mexico, Thổ Nhĩ Kỳ, saong Nga jeng daok pachreih tui rajaei di Tổng thống Maduro, saong daok lên án bruk đảo chính. 

8 # Melam 10/2, gah  chức năng Campuchia tong tayah sa bruk daok kuhria tong  bom di sa labik main  mbia  jiak tapen negar song Thái Lan. Dahlau di nan, dalam beir harei 10/2, sa urang likei tuk tame main mbia hu mboh sa kadung  nilon caik dalam phòng vệ sinh, urang ni ieu  nhân viên an ninh mai pasang iek  song duah mboh baoh bom. Gah  an ninh di  sòng bạc hadei di nan bik  bom tame  ống cống anak Casino bloh khan brei gah chức năng thau./.