1# Urak ini, dom tỉnh di bhum Tây Bắc, bhum kreh negar,Tây Nguyên saong Đông Nam bộ daok dalam tukvak tabung glaong mbuan khuah glai. Jaik abih dom glai di dom puk palei biak mbuan si khuah saong di pakat V (lac pakat biak mbuan si khuah di abih). Tổng cục Lâm nghiệp, Mintri ngak nong saong patagok palei pala hu công điện khẩn, pandar Chi cục Kiểm lâm, dom po glai brei menuac khik iek luac harei melam dalam luac bilan thu piah pasang iek catang menuac tame dom labik mbuan khuah, patakik bruk pandar pui; duah mboh samar labik pui khuah; ba jalan tuai du lịch di dom labik mbuan si khuah glai. 

2 # Harei 12-2, tong abih dom hạng mục angaok tuyến metro ka 1 (Bến Thành - Suối Tiên) daok hu ngak veik hadei di tuk padeih Tết Kỷ Hợi, bruk tabiak mbaok ngak akaok thun hu peih tabiak  piah ba chreih chrai bahrau di labik ngak.  Dalam thun  2019, Ban khik ramik jalan pasei  đô thị TP.HCM  daok pamaong ngak hu  18% bruk ngak, patagok bruk ngak  di  dự án metro ka 1 tagok  80%. Urak ni dom tavak tavaiy dok hu duah jalan lang talaih piah ka danak dak patagok, dar ka tuk vak puac thun 2020 yau bruk batabiak.

3 #Hadei di 9 harei padeih tết Nguyên đán thun sak pabui 2019, ban sit Đà Lạt (Lâm Đồng) oh daok bruk gar radaih, kurang labik ndih daok, mbang menyum min tuai mai tal labik ini jeng daok hu rilo. Dalam dom harei Tết meng bloh, yaom lac hu bruk gar radaih, gar jalan di pasak saong dom jalan tame tabiak ban sit min abih dom bruk ngak di tuai du lịch di Đà Lạt jeng rah tabiak dalam siam mekre, salamat.

4 # Cảnh sát giao thông, Công an tỉnh BR-VT brei thau, tui bruk pasang iek  ma túy ngan song urang peih radeih  angaok jalan roya dahlau , dalam song hadei tết nguyên Đán 2019 gah  chức năng hu pasang iek labaih  1.000 radeih song duah mboh 5 urang  dương tính song  ma túy. Bruk pasang iek hu dui atah tal abih harei  30/2/2019.

 5 # Kadung jien daong yam tapa kan kandah sa hatung hatian tỉnh Sóc Trăng bahrau peih bruk jao jien backa anek saih, sinh viên yam tapa kan kandah bac da-a siam di tỉnh Sóc Trăng. Mbang ini, kadung jien  daong yam tapa kan kandah sa hatung hatian  hu jao 9 pok jien bac ka dom anek saih, sinh viên, abih tih lac 54 triệu đồng. Dom adei anek saih, sinh viên hu jao jien bac mbang ini lac dom anek saih sih vien sang kan kandah, min thau yam tapa piah patagok, jien bac lac bruk pachreih ba ka dom adei kham merat jang piah hu jak jeng dalam bac da-a.

-Patui di ni dom khau tin dunya

6 # Đặc phái viên Liên hợp quốc  ka  Yemen Martin Griffiths song urang iek gah bruk dong chip di  LHQ, ong Mark Lowcock harei 11/2 khan lac pandap mbang menyum daong ka yaok  triệu urang Yemen urak ni daok khik piah di gilang prong di  Biển Đỏ daok mbuan si khut. Dom menuac cứu trợ di LHQ oh nao tal hu labik ni piah pajeng ba pandap mbang menyum tabiak gah langiu kayua bruk di pak nan biak nguy hiểm.

7# Melam 11/2, 2 đảng Cộng hòa saong Dân chủ di Mỹ hu njauk gauk ka nguyên tắc dalam dom bruk ginum biai ka an ninh biên giới piah plaih rah tabiak sa mbang kreik pabah mbang rajaei.

8 # Mintri Ngoại giao Ba Lan harei kabroi brei thau,  hu 11 negar  Trung Đông hu mbaok di nyaom biai  dunya ka  Trung Đông, tui kuhria hu rah tabiak di harei  13-2 di ban ine  Vác-xa-va (Warsaw). Dalam tuk  Pháp oh ka brei thau kapul hu mbaok ye  Nga- negar hu angan je dang akaok di  khu vực khan lac oh hu mbaok tame nyaom biai ./.