# Mesup harei 12-3, dalam mbang nyom di Ủy ban Thường vụ Quốc hội  ginum biai ka labik dang praong di bruk padang Hội đồng kiến trúc negar – sa asal kadha di dự án Hukum Kiến trúc, dalam nan, kiến trúc di Sang Quốc hội ngan saong rup binguk “bánh chưng bánh dày” hu dom urang pan akaok Quốc hội ndom tal. Amuk Nguyễn Thị Kim Ngân, urang dang akaok Quốc Hội langyah lac, Sang Quốc hội hu ngak tui mô hình “bánh chưng bánh dày”, takai sang lac bánh chưng 4 meta, phòng họp Diên Hồng gah angaok lac bánh dày tròn. Tui urang dang akaok Quốc hội, sang hu pacang camin jangaih gam brei mboh jabat quyền lực glaong abih di taneh ia gam lac jabat rahra pok ngak, piah jaik rahra jang, saong tapa nan brei mboh makna lac tantu, cambaih laih bruk ngak di Quốc hội. 

# Kuhria tal urak ni, tỉnh Sóc Trăng hu 32 dalam 80 xã mek hu chuẩn Palei pala birau. Tui kuhria di Mban tacei jalan ngak  dom danak dak bruk ngak negar, dalam 3 thun tapa, raidiuk bhap bini dak harei dak hu patagok, kuhria rah tapa yaok thun baoh sang kathaot trun labaih 3%, baoh saong kathaot urang bangsa Khmer trun 4,5%, jien mek tame tagok 6,48 trieu dong sa urang sa thun. Daok gah jalan mbak, 3 thun tapa, tỉnh hu peih bruk padang ngak 554 danak dak, atah abih tih labaih 702 km, 114 baoh tatua atah labih 3,5km. Urak ini, jalan radaih oto  hu tame tal 79 dalam 80 pasak xã.

         
      # Gah An ninh điều tra (Mintri Công an) harei 11/3 brei thau lac bahrau ngak salah harak kết luận điều tra bruk ba tangin tame, patagok điểm trắc nghiệm dalam mbang pakacah Trung học phổ thông pakat negar di tỉnh Hòa Bình. Tapa nan mboh lac, 140 dalam 210 bài thi di 56 thí sinh hu tẩy xóa, ngak veik đáp án, 56 thí sinh hu patagok điểm takik di abih meng 0,2 điểm tal glaong di abih lac 9,25 điểm ka sa môn thi.

# Dom  doanh nghiệp jalan pasei dok peih ngak rilo danak dak patrun yaom  vé radeih pasei  tập thể dalam thun  2019, glong di abih tal  12% ngan song  vé tập thể song 50% ngan song vé cá nhân. Tui nan , rilo danak dak patrun yaom vé radeih pasei hu peih ngak dalam dom tuk vak meng harei  1/3-10/4, meng 16-24/4, meng  2-22/5, meng  19-28/8 song meng  3/9-31/12. Bruk blei vé brei peih ngak dahlau di tuk radeih pasei peih takik di abih 5 harei . Dalam tuk vak meng harei  23/5-18/8, bruk trun yaom  vé takik jang kayua lac tuk vak tabung glong bilan hè, tuai damuai nao mai rilo . 

# Công an huyện Bình Chánh, TPHCM hu ba rilo kapul urang saong jamriak, pandap panda nao tal dom sang bac trung học dalam huyện piah daong ka anek saih ngak thẻ căn cước công dân. Ini lac bruk ngak piah ba mbuan lagaih ka dom adei anek saih hu harak gar pabak ka dom mbang pakacah anak tal. Di huyện Bình Chánh - TPHCM thun ini hu jaik 2000 anek saih ginup 14 thun hu gah công an nao tal sang bac piah daong ngak thẻ căn cước. 

Patui di ni dom khau tin dunya:

# Tui sa pathau khan bahrau hu  Văn phòng Liên hợp quốc ka bruk pacang  Ma túy song Tội phạm brei thau, bruk sản xuất ma túy đá dok tagok biak samar di bhum  Đông Nam Á. Dom ma túy đá hu chap mek jeng rilo di abih dalam thun bloh. Yaom ma túy đá trun daok ngak brei patagok bruk pandar  janih  ma túy ni. Taeng di Thái Lan, 515 triệu asar ma túy đá hu khik mek dalam thun 2018, tagok 17 mbang dut song abih tih dom ma túy khik mek dalam 10 thun dahlau di 13 negar  Đông Nam Á pataom veik.

# Tal urak ini hu 20 taneh ia hu jit tả pabui châu Phi, dalam nan njauk trak damak di abih lac Trung Quốc. Jit tả pabui châu Phi lac ruak tabiak darah mbuan njom mbak di pabui oh lac praong atau sit. Virus biak jhak, ngak brei pandiak glaong, klaak mbang tabiak darah klik saong dalam tung pruac. Pabui njom ruak meda metai abih mbong. Min oh ka mboh urang ruak halei njom mbak meng pabui tapa menuac..

   # Tổng thống Mỹ Donald Trump hu ba tabiak piah pasang iek kadung jien  tài khóa 2020 song Quốc hội Mỹ, dalam nan hu panuac ieu cakak dom kadung jien dong ka negar langiu song mintri  Ngoại giao, saong daok hu panuac ieu tagok kadung jien ka  quân đội song padang ngak danieng tapen negar  di Mỹ song  Mexico. Tui panuac nan, Tổng thống Trump caong hu yaom jien 8,6 tỷ USD ka bruk padang ngak danieng tapen negar gah merong haong Mexico, jien ka bruk quốc phòng tagok tal labaih  750 tỷ USD. Min, panuac ieu nan di Tổng thống Trump meda njauk  Quốc hội tah klaak./.