1# Harei 12-2, harei pataom “Sắc xuân angaok yaok bhum palei taneh ia” thun 2019 hu peih tabiak di Palei Ilamu - Du lịch dom bangsa Việt Nam (Đồng Mô, Sơn Tây, Hà Nội), hu mbaok di lambaok 25 bangsa daok di 17 tỉnh lambaok ka 54 bangsa daok dalam taneh ia.

Harei pataom piah pok meyaom ilamu dom bangsa Việt Nam saong daong khik ramik, patagok dom yaom glaong ilamu ilamu, patagok bruk jum pataom bangsa. Tapa nan jeng lac tuk piah pok meyaom, pachreih ba dom urang hu rilo rik daong saong hu angan je dalam bhap bini dom bnagsa. Rah tabiak meng harei 12 tal harei 13-2, Harei pataom “Sắc xuân angaok yaok bhum palei taneh ia” thun 2019 hu rilo bruk ilamu brei mboh veik dom rija, roya meng kan di dom bangsa.

2 # Tỉnh Kon Tum  harei kabroi peih bruk padang ngak palei pala bahrau akaok thun 2019. Jalan ngak di danak dak padang ngak palei pala thun ni lac padang ngak jalan mbak palei pala gam song bruk pasiam veik puk paga, khik caga môi trường palei pala song patagok bruk  sản xuất, paglaong jien mek tame ka bhap bini.

3# Tui Viện Khoa học thủy lợi Miền Nam, meng kreh bilan 2, ia mbak meda njom dalam tame dom bhum di taneran kraong CL, kayua yau nan ye dom palei njauk khik piah ia taba meng di tuk ini, tuk ia taba di kraong daok hu rilo, saong brei hu jalan caga pacang pandiak, ia mbak. Dalam bilan 3- bilan 4, meyah meda tathuak ia thượng lưu, ia mbak meda trun yau bilan 1, bilan 2. Daok dalam bilan 5, meyah oh hu hajan ye ia mbak angaok dom kraong jeng daok glaong yau bilan 4 saong meda dui atah tapa bilan 6.

4 #  Hadei di mbang padeih tết, hu labaih  70% dom doanh nghiệp dalam  tỉnh Vĩnh Long hu ngak bruk veik. Tui kuhria, dom  doanh nghiệp dok veik di dom  khu- tuyến công nghiệp hu ngak bruk veik meng harei  13-2. Tuk vak tapa, gah công đoàn, po doanh nghiệp tuk halei jeng sangka tal urang ngak, rik dong padang talei pambuak bruk ngak siam mekre, tani tanat patagok dalam  doanh nghiệp, yau nan ye hadei di  tết, jaik abih dom urang ngak jeng mai ngak bruk veik  .

5# Yaom bingu hồng dom janih di tuk Lễ Tình nhân (Valentine) hu pablei di bein pak ban sit Đà Lạt (Lâm Đồng) daok tagok khang, gam saong sản lượng glaong nan ye urang pala binguk pak ini biak bui sambai, chreih chrai. Tui nan, urak ini yaok dhar bingu hồng hu urang ngak nong pablei pak di bein ka dom thương lái tagok jang 3 mbang duk saong dom harei karei, dalam nan bingu hồng nhung hu yaom pablei glaong di baih, meng 5.500 đồng tal 6.000 đồng sa bingu. Ban sit Đà Lạt hu 390ha bingu hồng dom janih, hu pala rilo di palei bingu Vạn Thành. Lingiu di bruk pabak ka darak pasar di  TPHCM, bingu hồng di Đà Lạt daok hu pablei tapa darak pasar Campuchia.

Patui di ni dom khau tin dunya

6 # Tổng thống Mỹ Đô nan Trăm (Donald Trump) harei  12-2 brei thau, ong oh njauk hatai song thỏa thuận nguyên tắc ka bruk di cư bahrau mek hu kayua  ủy ban lưỡng viện. Min, ong jeng brei thau oh cong khin rajaei liên bang njauk kreik pabah mbang gilac veik.  Ong Trăm brei thau lac meda  hu sa bruk ginum biai  ka  nguyên tắc bahrau mek hu di melam 11/02 meng bloh, saong daok duah thau cambaih laih jang dom đề xuất dalam  văn bản ni. Urak ni, Nhà Trắng song  Quốc hội Mỹ hu tuk vak tal harei  15/02 piah brei tapa sa dự luật kadung jien karja ka thun  tài khóa 2019. Meyah oh brei tapa hu , 1/4 rajaei  Mỹ njauk kreik pabah mbang.

7# Nga bahrau peih tabiak bruk ngak piah padang sa mạng lưới in-tơ-nét eng ka taneh ia ini, piah daong khik kajap bruk ngak di drei meyah njauk cakak tabiak truh mạng in-tơ-nét di dunya, dalam tuk daok patagok hu bruk pasang iek di Karja.

8  # Bruk “tập trận  Hổ mang vàng” mbang ka  38 dok rah tabiak di gah brak  negar Thái Lan song hu mbaok di 7 negar. Ni lac mbang ka 38 bruk pasram ni hu peih ngak. Di harei peih mbaok, ong Pi-tơ Hay-môn (Peter Haymond)  - ĐẠI BIỆN  lâm thời Đại sứ quán Mỹ di Thái Lan ndom lac, Mỹ song Thái Lan daok dang tabiak peih bruk pasram quân sự rilo taneh ia suai lavik abih di dunya kayua 2 negar ni hu talei pambuak bruk meng kan song kak kajap. Rah tabiak meng harei 12 tal harei 22 bilan  2, bruk  pasram  Hổ mang vàng  hu mbaok di jiak  10 ribau urang lin , dalam nan Mỹ song Thái Lan hu rilo lin di abih ./.