# Jabat chức năng tỉnh Bình Thuận hu duah mboh makna ngak brei phun glai di Khu Bảo tồn thiên nhiên Tà Cú metai thu lac kayua njuak urang tuh jru hareik tame. Min tal urak ini, kol kaoh mek kayau saong tuh jru ngak metrai kayau jeng oh ka hu xử lý.Ong Huỳnh Hiếu, Phó akaok Chi cục Kiểm lâm tỉnh Bình Thuận brei thau , ini lac bruk palai glai hu menuac dang akaok. Dom glai njauk kol nyu palai pajoa lac  1,3 ha dalam 1 bilan. Kayua yau nan ye, tui ông Hiếu, tok hu duah thau, langyah catang dom urang nan meng jhul kadun likuk hu bruk palai pajoa glai di Khu Bảo tồn thiên nhiên Tà Cú. 

# Urang pal akaok Công an huyện Khánh Sơn, tỉnh Khánh Hòa brei thau  hadei di rilo tuk  dong urang gaok bala, 3 urang gaok bala  di  gah dalam ala  thác Tà Gụ (xã Sơn Hiệp) hu ba tagok. 3 urang nan, lac  trung sĩ Chử Văn Bình (22 thun), hạ sĩ Nguyễn Đức Định (21 thun), urang lin nghĩa vụ daok ngak bruk di Kapul cảnh sát pacang khuah padam khuah  di  huyện Cam Lâm song saai  Nguyễn Thị Hạnh Phúc (22 thun , dok di  tỉnh Bình Định). Tui  ong Mẫu Thái Cư, Bí thư Huyện ủy Khánh Sơn, dahlau di nan, harei  22/1, harei 3 urang ranaih ni eng drei nao  du lịch, tabiak meng huyện Cam Lâm nao tame dalam gah angaok tabung thác Tà Gụ. Ni lac labik thác, dalam rilo mét, patau jangar biak kan kandah. Dalam tuk main song menei ia thác ye 3 urang ni  blait takai laik trun thác dalam .

# Phòng Cảnh sát giao thông jalan mbak, jalan pasei, Công an tỉnh Quảng Bình bahrau taong phạt hành chính  urang peih radaih angan Lương Ngọc Anh (31 thun, palei daok di tỉnh Quảng Nam) layua pandar chất ma túy. Meng harei 21/1 - 20/2, lgah Cảnh sát giao thông Công an tỉnh Quảng Bình peih bruk pasang iek radaih ôtô pajeng menuac, pajeng pandap piah khik siam mekre salamat dalam tuk Tết Nguyên đán Kỷ Hợi. dalam nan, jhul khang bruk pasang iek urang peih radaih pajeng tuai,radaih container pandar ma túy.

# Đồn Biên phòng Sông Đốc (ban sit  Sông Đốc, huyện Trần Văn Thời, Cà Mau) bahrau peih bruk alin brei  1 tấn brah ka dom boh sang kan kandah. Dom pok pandap ni dok dalam pok jien abih tih 100 triệu đồng bo Đồn Biên phòng Sông Đốc jak ba piah dong ka dom boh sang kathaot, sang sarak karja mbang Tết hu siam jang. Thun ni, langiu di bruk alin brei 100 pok pandap, đơn vị jeng hu padang ngak sa boh sang, daong ngak sa boh tatua song pasiam veik sa mbaik tatua ka bhap bini bhum kan kandah 

# Kapul urang njauk jru mek klik kruac ban sit Đà Nẵng bahrau peih bruk alin labaih 400 pok pandap Tết brei ka dom sang hu urang njauk jru mek klik kruac daok dalam ban sit. Yaok pok yaom 500.000 đồng, dalam nan hu jien 200.000đ saong brah, ia masin, saradang, ia tasau….  Tuk Tết thun ini, kapul urang njauk jru mek klik kruac ban sit Đà Nẵng hu jak ba dom urang ngak pahala, dom doanh nghiệp daong labaih 1.5000 pok pandap tết alin brei dom urang njauk jru mek klik kruac.

Patui di ni dom khau tin dunya

# Cảnh sát bang Ri-ô Đờ Gia-nê-rô (Rio de Janeiro), Bra-xin brei thau, meda peih ngak iek dom camera nhận dạng mbaok meta dalam tuk rah tabiak  harei pataom hóa trang Ca-ni-van (Carnival) di  mbang ni dalam bilan  3thun ni . Tui urang dang akaok cảnh sát mbang Ri-ô Đờ Gia-nê-rô, bruk ngak iek ini yau sa binah di bruk pacang tội phạm. Tui nan, dom ca-mê-ra nan meda nhận dạng hu mbaok meta song biển số ô tô, song hu ba tabiak caik di labik pandiak du lịch Cô-pa-ca-ba-na (Copacabana) di mbang Ri-ô Đờ Gia-nê-rô dalam akaok bilan 3 tal tuk rah tabiak harei pataom hóa trang Ca-ni-van (Carnival) di thun ni.

# Mintri ngak nong saong Môi trường Indonesia daok ginum biai haong karja ban Đông Nusa Tenggara ka bruk kreik pabah mbang pulao inegirai Komodo dalam mblang bein  Komodo dalam 1 thun piah patagok dom inegirai Komodo. Dalam dom thun jaik ini, taneh riya di pulao inegirai Komodo daok sit nao saong dom drei inegirai jeng daok takik nao. Urang jakar ngak praong brei thau, tok kreik dalam sa tukvak pabah mbang pulao Komodo, daok dom pulao karei dalam mblang bein Komodo daok hu peih pabah mbang ka tuai du lịch. Tui kuhria, yaok thun hu labaih 100.000 mbang tuai mai ravang pulao ini.

 # Mintri Sinh thái song  Môi trường Trung Quốc brei thau, negar ni meda tagok bruk xử phạt dom ban oh mek hu tanut  ka  chất lượng không khí dalam bilan barak kayua thur mun biak sit  PM 2,5 di rilo labik  tagok  9,2%. Langiu di nan, Trung Quốc jeng ngak catang jang dom tanut thải khí pandar dalam gah ngak pasei, kham merat jang dalam bruk jhul patagok bruk pandar  năng lượng saat song patrun bruk pandar dhang./.