1# Ong Nguyễn Thành Phong, urang dang akaok UBND TP.HCM bahrau ba kaok kapul urang jakar TP nao ravang saong tadhau ayuh Tết dom đơn vị di tuk tame Tết thun sak pabui 2019. Nao ravang Bộ Tư lệnh TP.HCM, ong Nguyễn Thành Phong ndom lac dalam bruk patagok di TP.HCM hu bruk rik daong biak praong di dom tapon nyom bol pan phao kraong, dalam nan hu Bộ Tư lệnh TP. Kapul jeng hu nao ravang Tiểu đoàn thiết giáp (Bộ Tư lệnh TP.HCM), ravang Phòng Ngoại tuyến (PA07) Công an TP.HCM saong dom sang sarak karja daok di quận 1, quận 10. 

2  # UBND ban sit  Trảng Bom, huyện Trảng Bom, tỉnh Đồng Nai pambuak bruk song  Đền  Sơn Lâm đệ nhất Chúa Bà bahrau peih bruk alin labaih  200 pok pandap  Xuân ka urang kathaot mbang  Tết.  Jeng dalam mbang ni, Đền Sơn Lâm đệ nhất Chúa Bà dok hu jak ba dom urang ngak pahla brei pandap ka dom sang kathaot, sang hu rai duik biak kan kandah, urang njauk jru mek klik kruac dok di ban sit  Biên Hòa.

3# Thanh tra Bộ Nội vụ bahrau brei thau ka bruk pasang iek peih ngak dom paka gah khik ramik biên chế công chức; pilih ruah, pok ngak công chức, viên chức; urang dang akaok, pakat phó dalam jabat ngak bruk karja di UBND tỉnh Đồng Nai tukvak meng harei 1/1/2016 tal harei 30/6/2018.Tui nan, tỉnh Đồng Nai daok hu rilo bruk ngak suan gah khik ramik biên chế, pilih ruah công chức, viên chức.

   4  # Harei kabroi  23/1, angaok jalan roya  1A, labik nao tapa  huyện Diễn Châu, kapul pasang iek hu ieu radeih pajeng tuai kik ndih  BKS 29B  -194.02 peih jalan  Hà Nội - Nghệ An piah pasang iek. Tapa test samar, mboh urang peih radeih angan  Tô Hoài Bắc (ndih tapui thun 1981, dok di  huyện Anh Sơn) dương tính song ma túy.  Công an tỉnh Nghệ An brei thau, hadei di 3 harei tabiak mbaok ngak bruk, dom kapul ngak bruk mboh hu 3 urang peih radeih dương tính song ma túy, dok ngak harak  hồ sơ piah langyah catang tui adat hukum.

5# Meng 1 tuk mesup harei 24-1, yaok ratuh cổ động viên di TP.HCM tapa melam nao tal mblang kapal haoh ngak harak gar tabiak Hà Nội piah patui jalan nao tal Dubai  pachreih kapul dit blong Việt Nam caoh haong Japon di tứ kết Asian Cup 2019. Ini meda lac mbang dit biak kan kandah di saih saong gru HLV Park Hang Seo tuk kapul caoh mbanh Japon biak naih gheih di tukvak 20h harei 24-1. Piah pachreih kapul dit blong di VN drei, yaok ratuh cổ động viên meng TP.HCM njauk tabiak Hà Nội piah nao tal Dubai, pachreih kapul caoh mbanh Việt Nam dalam mbang dit tứ kết Asian Cup 2019. Dahlau di nan, rilo cổ động viên jeng hu tagok jalan tapa Dubai piah pachreih ba kapul VN. 

Patui di ni dom khau tin dunya:

6 # Ngoại trưởng Ôxtraylia Ma-ri-sơ Pây-nơ (Marise Payne) bahrau brei thau lac, meda ieu  Trung Quốc duah thau,  langyah bruk chap  mek sa urang hu  quốc tịch Ôxtraylia  “tui jalan tantu cambaijh laih”. Dahlau di nan, dom urang jakar  Ôxtraylia ndom lac ong  Dương Hằng Quân (Yang Hengjun) sa  nhà văn hu  2 quốc tịch Ôxtraylia – Trung Quốc oh daok ieu phone taom gaok hu  tuk ong ni tal  Quảng Châu, Trung Quốc di adit dahlau . Diuk di ong Dương Hằng Quân song rilo ayut karei di ong ni jeng khan lac ong njauk chap kreik di Quảng Châu. Min, mbiah tal harei ni , gah  Trung Quốc oh ka hu panuac halei ka bruk cap kreik ong Dương Hằng Quân.

7# Gah ngak kong pablei rai di Thái Lan hu kuhria mboh dahlau lac tagok hu 3% dalam thun ini meng hu danak dak daong bayar veik je tuk Tết Nguyên đán Kỷ Hợi (meng 01-15/02/2019) saong bruk bầu cử meda peih tabiak di bilan 3 anak tal.  Urak ini gah pablei rai di Thái Lan tagok biar jang tanut patagok GDP di taneh ia ini saong biar jang tanut patagok trung bình 10% di gah pablei rai dalam khu vực.

8# Hãng thông tấn karja  Triều Tiên KCNA bahrau brei thau ka bruk  Triều Tiên biak njauk hatai hong dom bruk  ginum biai di dom urang jakar pakat glong  Mỹ - Triều Tiên adit bloh piah caga ka mbang taom gaok pakat glong mbang ka 2 di 2 negar. Hãng KCNA jeng hu ba panuac di urang pal akaok  Tiều Tiên Kim Jong-un brei thau, ong jia tame bruk taom gaok di  Tổng thống Mỹ Donald Trump song halan hatain hong  Mỹ duah hu  bruk  siam  mekre dalam mbang taom gaok anak tal./.