# Meng ini tal thun 2020, Raja-ei daok brei ramik  patagok jien bilan tối thiểu bhum, pasiam sarak ka jien bilan, bảo hiểm xã hội piah meng thun 2021 tuh nao urang ngak meda grap tanat hu rai diuk tối thiểu ka drei haong manuac urang dalam sang meng jien bilan. Bruk ini hu Phaok Thủ tướng Vương Đình Huệ khan brei thau tuk hu mbaok di danak dak Tết sum vầy kayua Tổng Liên đoàn Lao động Việt Nam peih ngak di Gia Lai, Kon Tum.

# Pambuak tal Quyết định di  UBND ban raya HCM ka bruk brei padeih salih bruk pandar 7 mblang taneh di Novaland, Kapul nyaom ni bahrau hu harak brei thau lac, khik kajap abih quyền lợi di tuai. Novaland JENG hu panuac likau  UBND ban raya HCM pasang iek veik bruk brei padeih peih ngak dom Quyết định salih bruk pandar taneh di  7 mblang taneh nan, saong samar peih talaik dom tavak tavaiy dok ngak duh hatai piah khik  quyền lợi njauk hukum di urang  đầu tư jang yau urang blei sang.

# Dalam tuk dom gilang pariak brei thau jeng oh ka thau hagait ka jien bahrau piah salih ka khách hàng bhian randap ye di darak pasar chợ đen online, bruk salih jien bahrau hu dom po blah web ba tabiak dahlau di nan labaih 1 bilan ngan haong rilo yaom jien karei di gauk.  Phí salih jien bahrau ka dom mệnh giá bier biak glaong. Tui nan, di sa blah web vak cambaih meyah salih jien bahrau ala 5 triệu đồng ka dom blah jien hu yaom meng  2.000 đồng tal 20.000 đồng ye jien phí meda hu kuhria  meng 10% - 12% angaok taong abih jien salih; meng 50.000 đồng tagok ye phí salih nan lac 7% - 9%. 

# Kayua ribuk ka sa 1 gam song ia tagok glong ngak ka yaok pluh  ha tamekai di urang nong Cà Mau dauh ia trak, urang nong kuhria lahik Tết. Bilan tamekai ni daok labaih  20 harei tra lac paik bo. Ribuk ka sa ngak ka rilo urang pala tamekai di  Cà Mau lahik abih.

# Biar harei 7/1, rilo mikva di palei Sút M'đưng, xã Cư Suê, huyện Cư M'gar, tỉnh Đắk Lắk hu van uan raok baoh bingu di puk palei, Hoa hậu hoàn vũ Việt Nam H’Hen Niê. Ini lac mbang taom gaok akaok meti kuhria meng tuk anai hu mbaok tame top 5 saong mai veik meng mbang pakacah Hoa hậu Hoàn vũ dunya.  H’Hen Niê hu taom gaok urang pal akaok tỉnh Đăk Lăk, ndom biai haong sinh viên Đại học Tây Nguyên saong pok brei pok jien bac di dom sang bac dalam huyện Cư Mgar.

-Nhạc cắt

Patui di ni dom khau tin dunya

# In-đô-nê-xi-a brei dui atah tukvak ka bruk   khẩn cấp di labik gaok riyak khang  di eo biển Xun-đa (Sunda) tal harei  19/1  piah pabak dom jalan ngak siam lagaih jang dalam bruk pasiam veik hadei di mbang bala. Ni lac mbang ka 3 dom urang jakar   In-đô-nê-xi-a brei dui atah tuk vak bruk  khẩn cấp meng di tuk rah tabiak mbang riyak meng bruk ceik pui pruh tabiak di eo biển Xun-đa ,  gah timun In-đô-nê-xi-a harei 22/12. Tui kuhria mboh,  urang metai kayua riyak MENG sa mbang  pruh ceik pui di  eo biển Xun-đa lac 437 urang, urang njauk rambuac lac labaih 14 ribau urang. Langiu di nan,  47 ribau urang di takai tasik tỉnh Ban-ten (Banten) song  Nam Lam-pung (Lampung) njauk panduan nao daok di labik karei.

# Hadei di 3 bilan ngak iek mboh jeng, karja bal Sydney, Australia hu ba công nghệ camera pasang iek bruk nao mai angaok jalan mbak akaok meti angaok dunya tame pandar, piah duah mboh dom urang peih radaih pandar phone tangin tuk nduac radaih. Dom radar cảm biến meda thaot veik urang peih radaih tapa kareih anak, saong thaik binguk ini hadei di nan hu sa thiết bị pandar trí tuệ nhân tạo phân tích. Dom urang halei ngak suan meda hu đánh dấu saong brei thau angan je. Kuhria meng bilan 10/2018 tal ini hu 11 ribau urang peih radaih negar ini njauk taong phạt kayua pandar phone tangin dalam tuk peih radaih angaok jalan. 

# Akaok gilang pariak dunya  Dim Dong Kim (Jim Yong Kim) harei 07/01 likau padeih ngak avar jang  3 thun dahlau DI tuk  nhiệm kỳ di ong tamat di thun  2022. bruk likau padeih di ong Kim mong lac hu pagam tal dom bruk oh njauk gauk ka  biến đổi khí hậu song BRUKi pabak dom pren patagok song rajaei tổng thống Mỹ Đô nan Trăm (Donald Trump).

         Krít-xta-li-na Gioóc-di-ê-va (Kristalina Georgieva), urang hu pok ngak  Giám đốc điều hành di gilang pariak dunya  thun  2017, hu pal bruk  chủ tịch tuk ong Kim padeih bruk.