UBTVQH brei iew pataom biai Mbang nyaom oh hu caga dahlau mbang ka 7, QH mbang XV piah pasang iek dom asar kadha ka bruk urang jakar ngak bruk ini. Mbang nyaom hu peih tabiak dalam biar harei ini, 2/5/2024 di Sang QH, Ban ine Ha Noi.

Harei ini, anek saih dalam taneh ia hu tut angan tame pakacah tamat THPT thun 2024 angaok hệ thống khik ramik pakacah di Mintri pato Megru. Tui adat di Mintri Pato Megru, taong abih urang pakacah lac anek saih daok bac tal 12 thun bac 2023-2024 brei tut angan tui jalan online angaok hệ thống khik ramik pakacah di Mintri pak di labik: http://thisinh.thitotnghiepthpt.edu.vn. Urang pakacah tự do tut angan tapak di dom labik taduan mek harak gar hồ sơ kayua Sở Pato megru ba tabiak. Tukvak puac abih piah tut angan  pakacah tamat THPT thun 2024 di mon 5 biar harei 10/5 tal. Mbang pakacah tamat THPT thun 2024 hu peih tabiak dalam 2 harei lac harei 27 saong harei 28/6 haong 5 bài pakacah.

Pambuak tal bruk patuh ging lò hơi di Kong ty THHH kayau Bình Minh, tỉnh Đồng Nai ngak ka  6 urang metai, Thu tuong Rajaei birau hu panuac iew brei samar chip ngak brei cambaic laic, pasiam bruk hadei di mbang patuh ging lò hơi ini. Tui So LĐ, TB saong XH tỉnh Đồng Nai, D.N hu labaih 200 urang ngak, tukvak rah tabiak bala hu 42 urang daok ngak bruk. Dalam tuk ngak bruk, kong ty mboh gaok kan kandah gah ky thuat. Doanh nghiep nan hu ieu labik pablei mac jamraih mai pasang iek, pasiam veik di harei 30-4. Yau nan min, tal page harei 1/5, urang ngak bruk ky thuat di kong ty tame pasang iek, peih mac ye ging hơi patuh, ba tal bala biak trak.

Tui Mintri Công an, dalam 5 harei padeih lễ (meng harei 27/4 tal harei 1/5/2024), dalam negar hu 347 mbang radaih ginuh gauk angaok jalan, ngak brei 138 urang matai, 285 urang njauk rambus. Dalam 5 harei padeih lễ, gah CSGT CA dom tinh ban hu ba taong abih urang jakar, urang lin tabiak khik ramik sron mbon ka bruk nao mai angaok jalan, daong ka bruk nao mai di bhap bini hu siam mekre, salamat. 

Anak bruk rah tabiak sraw kadau di langik tasik, Akok UB bhap bini tỉnh Bạc Liêu hu tacei pato brei patagok dom jalan ngak khik kajap bruk pala drak saong pasiam veik bruk glut jaleih taneh. Dom bhum palei kakei, tacei ba bhap  bini  brei ngak njauk tui panuac kakei, brei thau dahlau ka gah pala oh trun pajaih padai bilan Hè thu 2024 di dom bhum taneh oh hu ia taba tani tanat; brei pala drak tuk hu hajan khang pambak praong atau labik hu halau ia ginup. Akok UB bhap bini tỉnh jeng hu tacei ba huyen Hồng Dân brei jak ba manuac urang  daong bhap bini pasiam veik bruk khut khat kayua glut jaleih jeng yau peih ngak dom jakan khik brei salamat ka bhap bini di labik gaok kan kandah kayua glut jaleih.

Thủ tướng Ấn Độ Narendra Modi hu jak ba tranh cử di bang Gujarat, palei di ong. 25 dalam 26 labik bầu cử di Gujarat hu peih bruk buh phiếu di harei 7/5 tal. Đảng cầm quyền BJP di Thủ tướng Modi caong lac hu jak jeng veik yau dua mbang pilih ruah dahlau nan di thun 2014 saong 2019, tuk đảng ni mek hu taong abih 26 khagaiy nghị sỹ lambaok ka mbang Gujarat.

Meng Myanmar tal Philippines, rilo bhum taneh paraong di châu Á daok dang anak mbang pandiak biak khang. Di Thái Lan, urang jakar ngak praong kakei dahlau ka bruk mbuan gaok bala kayua langik pandiak biak khang. Dalam tuk nan, karja Campuchia, Myanmar, Việt Nam, Ấn Độ saong Bangladesh jeng kuhria mboh dahlau lac langik pandiak glong jang tanutr 40 độ C. Philippines saong Bangladesh brei padeih dom tal bac pato tapak. Pak di Ấn Độ daok pasang iek pandiak hu ngak kan kandah tal bruk urang nao phieu dalam dom mbang palih ruah pakat negar ha-oh.

Meng thun bac bahrau anak tal, sinh viên dunya tui bac di Canada tok hu ngak bruk rilo abih lac 24 mon dalam sa adit di gah langiu sang bac, tui dom adat bahrau piah pasiam veik saong patagok bruk hacih patih di hệ thống pilih ruah anek saih dunya di taneh ia ini. Akaok Mintri Nhập cư, tị nạn saong quốc tịch Canada Marc Miller ndom lac, ini sa bruk salih salih karei njauk hu, piah daong ka sinh viên taneh ia langiu pataom tame bac ta-a./.