Meng page harei kabroi, dom anek saih pakacah tamat THPT thun 2024 tame tut angan pakacah tamat THPT thun 2024 angaok blah web online di Mentri Pato megru. Kuhria mbiah tal mon 17 tuk biar harei kabroi, He thong khik iek pakacah di Mentri Pato megru hu 196 ribau 319 anek saih tut angan online, meblah labaih 20% kuhria taong abih anek saih  hu pakacah THPT thun ini. Mentri Pato megru brei thau, He thong khik iek pakacah peih tani tanat, khik brei ka dom anek saih  tut angan tame pakacah hu siam mekre.

Ndom ka bruk yaok ratuh menuac njauk jru mek hadei meng mbang bánh mỳ di TP. Long Khánh, tỉnh Đồng Nai, urak ini gah chức năng mboh hu 328 urang tame sang iek ruak. Dalam nan hu 2 adei sit ruak biak trak, oh daok suak yava hu, saong daok hu sang iek ruak kham merat taong ruak. Anak bruk nan, Sở Y tế tỉnh Đồng Nai hu panuac ieu Yam ndok sang iek ruak Đa khoa Long Khánh, Yam ndok sang iek ruak Nhi đồng Đồng Nai, pataom abih prein yava tame, kham merat daong taong ruak ka dom urang njauk jru mek nan. Chi cục An toàn vệ sinh thực phẩm tỉnh Đồng Nai daok pasang iek, duah thau makna ba tal bruk njauk jru mek nan, brei thau dahlau di harei 9/5.

Pabah ribaong pacang ia mbak Nguyễn Tấn Thành di tỉnh Tiền Giang hu iek yau pabah brong pacang ia mbak praong ka 2 di bhum Pei negar, hu brei peih veik hadei 2 bilan kakeih piah pacang ia mbak, caga ia taba. Dahlau di nan, gah ngak nong tỉnh Tiền Giang hu pok tagok Mban Khik iek bruk buh jien tame saong padang ngak kraong ribaong 10 kakeik pabah ribaong pacang ia mbak Nguyễn Tấn Thành meng harei 1 bilan 3 piah khik caga bein phun mbang baoh saong khik ia taba dalam ribaong. Mbiah tal ini, tui duah thau di gah chưc nang tinh Tien Giang, ndo mbak  tagok glong saong trun paje, meda oh ngak jhak tal ia ribaong Nguyễn Tấn Thành nduac trun gah ala.

Dalam 2 harei 29-30/4 meng blaoh, di TP. Cần Thơ hu 4 bruk glut jaleih di quận Thốt Nốt saong huyện Phong Điền, ngak kan tal 6 baoh sang di rahra. Dom bruk glut jaleih oh nan oh hu thei njauk hagait. Quận Thốt Nốt daok hu panuac ieu ban daong 30 triệu đồng ka 2 baoh sang khut dalam bruk glut jaleih di kraong Cái Sắn piah ba drap ar nao, samar tani tanat raidiuk. Meng akaok thun tal ini, TP. Cần Thơ hu 9 mbang glut jaleih katai kraong, ribaong. Dalam bilan 4 meng blaoh, hu 8 mbang, ngak kan kandah tal 20 baoh sang saong 1 kho brah, khat lahik jaik 12 tỷ đồng.  

Pasak Kuhria mboh dahlau langik -tasik pakat negar mboh lac, TPHCM saong ĐNB daok pandiak catang abih harei ini tra nhiet ndo glong abih meng 36- 37 ndo C. Meng harei paguh, nhiet ndo Nam bộ  trun hasit, pandiak cadu meda hu hajan. Pandiak  di Nam bộ  daok dui atah dalam 20 harei akaok bian 5. Mbiah tal 10 harei puac bilan 5, hangin Tay Nam di gah Meraong meda ngak bruk rilo jang, bilan hajan mai tal, pandiak meda oh daok catang yau urak ini.

Jaik abih labik dalam châu Á urak ini daok dang anak bruk pandiak bhnag biak khang haong langik pandiak glaong di abih, kayua  mai meng biến đổi khí hậu, abih di nyu lac bruk El Nino. Philippines brei thau langik pandiak di taneh ia ini meda tagok tal tanut  jhak di abih lac 57 độ C. Di Thái Lan, langik meda tapa 40 độ C di Bangkok. Hu takik di abih lac  30 urang matai kayua mebuk pandiak dalam thun ini. Dalam adit blaoh, rilo labik di Myanmar langik pandiak tal 46 độ C, lac glaong di abih kuhria meng dahlau mai. Mintri ia saong langik tasik Campuchia khan lac langik meda tagok tal 43 độ C dalam adit tal. 

Danak dak  Patagok LHQ birau khan brei thau kuhria mboh dahlau njauk brei abih labaih 80 thun piah ramik pasiam taong abih dom đơn vị snag daok palai tayak  abih di dải Gaza. Yau nan min, kuhria caga siam abih meyah pandap pandang  ngak hu pabak samar 5 mbnag dut saong bruk sraw kadau  rah tabiak  di thun 2021, ye bruk pasiam veik hu ngak salah  di thun 2040. Dom mbang taong tame di Israel ngak tayak labaih 80.000 baoh snag saong metai yaok pluh ribau bhap bini taneh ia ini.

Gilang pariak patagok châu Á (ADB) ba tabiak dalam pathau khan brei mboh lac, dom menuac umo mangaok 60 thun di dom taneh ia châu Á - Thái Bình Dương tui kuhria mboh meda tagok rilo jang 2 mbang, jeng 1,2 tỷ menuac di thun 2050, nan ye brei hu dom salih bharau abih gah piah daong phúc lợi di urang praong thun. Tui pathau khan, 40% dom menuac umo mangaok 60 thun di châu Á - Thái Bình Dương oh hu jien bilan padeih hưu, dalam nan urang kumei lac rilo di abih kayua urang bhian ngak bruk ging gaok, lisei ia  atau daong bruk sang./.