Kayua daok veik Hàn Quốc tui hatai suan hukum hadei di tuk abih tukvak ngak bruk, 3.190 urang ngak Viet Nam meda njauk langyah jien payua di kadung jien karja 100 trieu dong, meyah oh mai javap jalei brei thau. Ini lac khaw tin kayua Pasak urang ngak negar langiu brei thau, ndem ka bruk pasang iek langyah jien payua nan ngan haong urang ngak negar langiu di Hàn Quốc tui Danak dak brei adat ka urang ngak negar langiu di Hàn Quốc ( daok eiw lac Danak dak EPS), min daok veik lac suan hukum. Hàn Quốc dui pachreih hu rilo urang ngak Viet Nam mai ngak bruk, ini jeng lac negar hu urang ngak dauk klak nao saong daok veik suan hukum ralo abih. Tal bilan 11.2023, hu 12.245 urang dauk klak bruk pambuak sarak saong daok veik suan hukum di Hàn Quốc.

Bruk glut jaleih di TP.HCM rah tabiak trak damak, tukvak tapa hu 2 labik glut jaleih samar saong 40 labik karei glut jaleih suai jang. Abih tih mbaoh taneh labik glut jaleih tagok tal jaik 7.200 ha. Labik glut jaleih rilo abih duk hu 28mm. Tui Sở padang ngak TPHCM, dom hạ tầng kỹ thuật haong hạ tầng xã hội ngan saong labik dom quận dalam ban, prein pabak trun kayua bruk patagok hạ tầng oh samu haong bruk tagok dân số saong sang daok. Langiu di nan, bruk patagok hạ tầng kỹ thuật haong hạ tầng xã hội jeng oh ka tui samu bruk cakrok đô thị...

Tỉnh Bà Rịa - Vũng Tàu birau brei ramik veik 2 danak dak jalan tapen tasik ĐT 994, brei pabak tame 230 tỉ đồng piah peih bruk mek veik taneh ngak jalan. Hadei di tuk ngak salah blaoh, jalan ĐT 994 meda salih ka jalan urak ini, pambuak taong abih dom bhum kinh te dulich tasik di gah Timur, tapa dom labik dulich tapen tasik mekre abih di Bà Rịa - Vũng Tàu lac Long Hải, Phước Hải, Hồ Tràm, Bình Châu, tui nan hu labik dang praong, ngak jeng prein khang saong lagaih cak rok patagok bruk dulich padeih padei sinh thái tasik di tỉnh.

UBND tỉnh Tiền Giang bahrau ieu dom gah pambuak tal patagok pasang iek, khik ramik brei val huan mbaok kraong, ribaong dalam tỉnh. Dalam nan, Sở Tài nguyên & Môi trường pambuak bruk haong dom puk palei oh caik brei rah tabiak veik bruk njam baok theik bak angaok dom mbaok kraong, ribaong, peih bruk tui iek, duah mboh, langyah saong taong phạt bruk ngak suan piah khik siam halau ia. Meyah labik halei caik ka njam baoh seik bak veik kraong ribaong, pandar jru piah pametai njam baok, ngak brei nerak tachauk ia, brei taduan trách nhiệm anak akaok UBND tỉnh.  

Dalam huyen Thạch Trị, tỉnh Sóc Trăng hu 9.410 baoh sang urang bangsa takik. Huyen hu 39 labik pato bac, dalam nan 16 sang bac dalam bhum urang bangsa takik hu patao sap Khmer; raidiuk mbang ngui di bhap bini dak harei dak tagok; jien mek tame kuhria tui akok manuac lac labaih 68 trieu dong sa urang sa thun. Vaktu tapa, huyen ba tame pandar 225 danak dak dalam bhum urang bangsa takik, padang ngak birau saong ramik pasiam 868 baoh sang jum pataom…Huyen hu taong abih 8 xã hu tanut chuan palei pala birau, xã Vĩnh Lợi mek hu angan palei pala birau paglong.

Hãng jru AstraZeneca daok brei pataom mek veik vaccine Covid-19 di mangaok dunya kayua “kandaong labaih dom vaccine janih cập nhật hu blaoh” kuhria meng hadei di jit praong. AstraZeneca jeng brei thau lac meda brei mek veik harak adat Marketing vaccine Vaxzevria (AZD1222) hu ngak tui bruk pambuak gauk haong Đại học Oxford (Anh), bhian hu ieu lac "vaccine Covid-19 AstraZeneca" di châu Âu. Vaccine di AstraZeneca hu tui iek catang dalam dom bilan jaik ini kayua sa tác dụng phụ biak kan si gaok, ngak brei khal darah saong dom tiểu cầu dalam darah biar.

Indonesia hu ngak salah sa Pasak pasang iek dom mac jamrah viễn thông, ky thuat so lac praong abih di bhum ĐNA. Pasak hu 12 duk bilik praong, hu rilo mac moc jamraih siam pakat dunya piah dut iek dom pandap ky thuat so. Tổng thống Indonesia Joko Widodo taong yaom ini lac labik ngak iek, taong yaom asal siam, salih birau dom pandap viễn thông, ky thuat so praong abih saong siam abih di Đông Nam Á.

Dunya bahrau rah tapa bilan 4 pandiak khang di abih, dui atah dalam 11 bilan, dalam nan yaok bilan jeng pandiak khang tagok. Gah tui iek bruk salih karei khí hậu di Liên minh Châu Âu brei thau, kuhria meng bilan 6 thun 2023, yaok bilan jeng lac bilan pandiak abih di baoh taneh, duk haong bilan nan dom thun dahlau. Kuhria abih bilan 4, nhiệt độ kuhria rah tapa di dunya lac glaong di abih dalam 12 bilan, glaong jang 1,61 độ C duk haong dahlau saman ngak kong, lac meng thun 1850-1900./.