Pahadar 70 thun Jayah Điện Biên Phủ (7/5/1954 - 7/5/2024), dah page ini urang pan akaok Ndang, Kanja tame kalan sirah Chủ tịch Hồ Chí Minh, hadei di nan hu nao caik bingu saong cuh gilau, pahadar dom Anh hùng liệt sỹ di Rup patau dom Anh hùng liệt sỹ di jalan Bắc Sơn, Hà Nội. Jayah sajarah Điện Biên Phủ miat miat lac jayah hadah mbaok mata, lac prein khang biak praong glaong piah dui pachreih dalam Ndang, dalam rahra, bol lin drei tabiak prein kham marat peih ngak jayah Cương lĩnh dak padang taneh ia dalam zaman tagok chủ nghĩa xã hội (pabak saong cak rok di thun 2011), Sarak nyaom roya đảng pakat negar mbang ka XIII, pamadeih tgaok saong peih ngak hu jeng biak hatai caong cak rok patagok taneh ia kaya mada, haniem phul, hadah hadai.

Hội Chữ thập đỏ tỉnh Sóc Trăng bahrau ba tabiak Bilan ngak pahla saong pahadar 161 thun tabiak rai Chữ thập đỏ saong Trăng lưỡi liềm đỏ dunya. Ngan haong kadha “Jalan ngak pahla – Brei taduan anit ranam”, bilan ngak pahla thun ini piah ieu abih menuac sia kham merat jang dalam bruk ngak pahla. Tỉnh Sóc Trăng kham merat dalam bilan ini jak ba daong brei meng 1.000 - 1.200 mbang urang sang kan kandah. Tapa nan, rilo kapul nyaom, menuac urang hu brei jien, brei pandap daong ka Bilan ngak pahla, daong 40 pok jien bac, 30 sruh radaih juak, xe lăn ka urang jaok jo, yaom abih tih lac labaih 3 tỷ đồng.  

Bilan urang ngak kong saong Bilan ngak ka Salamat, siam mekre ngak bruk thun 2024 bahrau hu UBND tỉnh Trà Vinh ba tabiak. Dalam bilan ini, Liên đoàn Lao động Trà Vinh brei ngak jeng biak 10 bruk ngak hu makna saong 4 bruk ngak tantu cambaih laih. Dom bruk ngak piah pamadeih hatai hadah mbaok mata di bangsa, hadah mbaok mata ka ilamo meng kan di rairah urang ngak kong saong Công đoàn Việt Nam … Liên đoàn Lao động tỉnh jeng hu buh alin labaih 1.200 paok pandap, yaok paok yaom 500.000 đồng ka urang ngak kong gaok kan kandah. Tapa nan, UBND tỉnh Trà Vinh jao alin 30 harak pok mayaom ka urang ngak kong naih gheih.

Kapul dam dara dom mban ngành di TP HCM pambuak bruk haong Bộ Tư lệnh bhum Cảnh sát tasik 3, Công an TP HCM alin hadiah 2.000 bình ia menyum ka dom sang bhap bini daok di huyện Bình Đại, tỉnh Bến Tre. Dom pandap ini samar daong pabak ia menyum ka mikva dalam tuk pandiak bhang, ia njaom mbak. Di huyện Bình Đại, ia mbak njaom tame dalam mblang hamu ngak kan kandah tal raidiuk saong bruk ngak mbang ngak huak di rahra. Yaom lac mikva hu kuhria caga blaoh, min ia mbak njaom tame aval, tame dalam saong dui atah ngak brei bruk khik ia taba piah pandar, piah menyum di mikva gaok biak rilo kan kandah.

Urak ini, bein durain pak tỉnh Tiền Giang daok tame bilan paik baoh. Mbang paik baoh praong ini, po bein takik bui kayua baoh durain hu takik, yaom jeng trun bier. Di huyện Cai Lậy, yaom durain Monthong saong Ri6 jeng trun meng 55-100 ribau đồng/kg. Ngan haong yaom ini, po bein hu laba ka oh ka tal 15 ribau đồng/kg. Oh lac trun yaom bo baoh durain di bein di dom huyen jeng trun daok takik. Piah ginup baoh durain pablei tabiak negar langiu, rilo doanh nghiệp njauk nao tal dom tinh, ban gah pai negar piah pataom blei baoh durain.

Hadei di tuk Cuba peih ngak sarak klaak visa ka urang Trung Quốc, gah du lịch Trung Quốc brei mboh bruk duah dom panuac pambuak tal Cuba yau ye hotel, harak vé kapal haoh tagok labaih 40% yaok harei duk haong bilan dahlau. Akaok Mintri Du lịch Cuba khan lac urang Trung Quốc hu passport phổ thông oh cang ngak visa jeng meda tame hu Cuba, saong daok brei thau Trung Quốc lac tuai da-a di harei pataom du lịch Cuba thun 2025 saong dom mbang par tapak di Cuba haong Trung Quốc hu pambuak veik di harei 17/5 ini.

Mintri Ngak nong Mỹ bahrau brei thau,  virus kum manuk ada meda njom pambak blaoh di limo ia tasau meng 4 bilan dahlau di tuk kanja Mỹ duah mboh saong brei thau lac janih virus ini lac janih H5N1 jru mek biak glaong. Roh duah jeng tacei lac, dom athur gaok ruak oh hu asal cambaih di nyu, nan ye brei thau lac jeng daok dom tapon limo njom virus ka oh hu duah mboh. Bahrau ini, sa urang jakar Y tế dunya (WHO) hu ba tabiak panuac kakei ka bruk mbuan njom virus kum manuk ada H5N1 njom tapa limo di dom taneh ia gah langiu di negar Mỹ tapa dom janih cim brim di cư.

Sa kapul jaing ngak bánh mì di Prang bahrau padang kỷ lục Guinness dunya haong baoh ahar bánh mì baguette atah labaih 140 mét, atah jang jaik 235 mbang dut haong baoh har bánh mì meng kan. Kapul jaing ngak ahar hu 18 urang ba gauk jaik tapung ngak ahar meng mon 3 sabuh 5/5 (tui mon pak nan), dahlau di tuk ba ahar tame sa ging am hu padang ngak karei. Sa binah di baoh ahar ini, kapal takik di abih lac 5 cm, hu kaoh tabiak brei ka rahra. Binah daok veik hu aln hadiah ka urang daok ban glai ban klo, oh hu sang danaok./.