Page ini, di Ha Noi, Mban Tuyên giáo T.Ư peih ginum biai  Mban  tacei jalan mbang ka 2 Ginum biai “Makna di negar, makna ilamu, makna baoh sang saong tanut chuan manuac sia Viet Nam dalam samar birau” meda peih ngak di harei 29/11 anak tal. Mbiah tal ini, hu 87 kadha ginum biai di dom urang ilamu, roh duah hu payua mai. Dalam tuk peih njaom biai  meda hu parang iek tapuk saong tài lieu ngan haong kadha “Padang ngak saong patagok makna ilamu, prein khang manuac sia Viet Nam”. Tapa nan piah taduan hu dom asar kadha ilamu, ngak brei makna dalam jang  ka jalan sahaneng di Ndang, di Chu tich Ho Chi Minh  ka gah ilamu, piah tui nan peih ngak hu ginup abih.

Ndom biai Mekong Connect 2022 ngan saong kadha "Caga paglaong asal pambuak gauk, pataom veik piah cakrok khang kajap" bahrau rah tabiak di Cần Thơ. UV Mintri Chính trị, Phaok Chủ tịch Thường trực Quốc hội Trần Thanh Mẫn taong yaom lac ndom biai thun ini haong asal kadha nan, hu rilo tỉnh, ban dalam taneh ia jeng yau bhum ĐBSCL biak caik hatai sangka. Meyah ngak siam asal kadha ini, meda ngak jeng prein khang, ba KTXH dom tỉnh ban saong abih bhum tagok khang hadei di jit praong COVID-19 tui sarak, jalan ngak di Đảng, karja.

 Mentri GTVT brei thau hu pok panuac tagok Thủ tướng brei ramik pasiam tukvak peih ngak, parabha phun jien saong jien padai peih ngak jalan peih drah samar  Bến Lức - Long Thành. Yau ye ramik pasiam tukvak peih ngak tal harei 30 bilan 9 thun 2025, salih ka harei 31/12/2023, kayua tavak tame phun jien dom paok thầu pandar phun jien Jabat pambuak bruk dunya Nhật Bản saong ngak harak gal mek jien meng kadung jien kajar buh tame ngak danak dak. Gam haong nan, kayua tukvak  padeih  cang ngak danak dak biak suai yau nan ye dom po đầu tư padeih pambuak bruk, meriak pathau po đầu tư lac Tổng công ty Đầu tư patagok jalan peih drah samar Việt Nam tagok tòa. Urak ini VEC daok peih bruk đấu thầu piah palih ruah po thầu birau ngak danak dak.

Sở Tài nguyên Môi trường TP.HCM bahrau payua brei dom po đầu tư dom tài liệu pathau khan, jak ba bruk bayar jien daong tái định cư danak dak Vành đai 3. Tui nan, mbaok taneh njauk mek piah ngak danak dak di TP lac jaik 398ha, gam tal 1.670 sang danaok, labik daok. Hu 663 sang njauk yah klaak abih, dalam nan hu 410 sang hu ginup paka piah hu tái định cư. Tui kuhria, yaom bayar yaok mét vuông taneh daok lac meng 18 triệu 720 rabau đồng tal 40 triệu 190 rabau đồng. Jeng tui kuhria, jalan Vành đai 3 hu peih tabiak ngak meng kreh thun 2023.

Dalam quý 3 saong quý 4 thun 2022, Đồng Nai hu 100 D.N hu takik  đơn hàng, brei ramik veik bruk ngak ba tal 200.000 urang ngak gaok kan kandah dalam ngak bruk, jeng yau jien mek tame. Dom D.N daok kham merat peih ngak dom jalan piah khik takai urang ngak piah yam tapa tukvak kan kandah nan, khik brei kein laba ka urang ngak yau: brei padeih dom harei phep dalam thun, bayar jien padeih bruk, thỏa thuận tui harak pambuak bruk..Tui kuhria yaok tapa, meng bilan 6 tal bilan 10 thun 2022, dom D.N biak kan kandah brei cakak trun labaih 20.000 urang ngak.

Tổng thống Mỹ Joe Biden daok hu panuac ieu salih bahrau adat khik ramik phao ndao hadei di tuk taneh ia ini rah tabiak rilo bruk cuh phao tukvak jaik di ini, bahrau di abih lac di bang Colorado saong Virginia, ngak brei takik di abih 12 urang metai saong yaok pluh urang karei njauk rambus. Kuhria meng thun 2021, taneh ia Mỹ tagok khang dom bruk cuh phao rilo, hu tal 690 mbang, lac tagok rilo duk haong 610 mbang di thun 2020 saong 417 mbang di thun 2019. Daok kuhria meng akaok thun tal ini hu labaih 600 mbang.

 Dom taneh ia Trung Âu dalam nan hu Cộng hòa Czech, Slovakia, Áo saong Hungary birau peih  nyaom biai Akok mentri Nội vụ piah duah jalan peih ngak jeng yau sa jalan sahaneng ka bruk di cư sraw kadau yau urak ini. Lambaok dom taneh ia njuak gauk  brei pasang iek labik tapen negar dalam dom taneh ia di bhum taneh anak meta saong oh bhian, njauk brei duah jalan tapen negar gah langiu Schengen salih ka bruk pasang iek labik tapen negar dalam khoi; gam haong nan ba tabiak jalan langyah  bruk nan di pakat châu Âu saong hu pambuak tal taong abih dom taneh ia Lien minh chau Au.

Mintri jien padai Thái Lan daok peih bruk brei padang kadung jien patak pataom bắt buộc piah caga ka urang ngak dalam negar dalam tuk dom kadung jien patak pataom tự nguyện oh ginup mbang hadei di tuk padeih hưu. Tui kuhria, taneh ia ini meda jeng sa taneh ia taha di thun 2023 tuk dom menuac umo 65 thun hu tal 20% menuac sia dalam taneh ia. Tui Hội đồng Patagok XH saong KT negar Thái Lan, urang ngak njauk patak pataom takik di abih  86.400 USD tuk padeih hưu atau 240 USD sa bilan dalam 30 thun, oh kuhria jien iek glang prein yava hu daong meng Rajaei./.