Di Nyaom biai patagok pambuak bruk khang kajap dalam chuoi gia tri padai brah peih tabiak page ini 2/5 di  Cần Thơ, tiến sĩ Trần Minh Hải, Phó akok sang bac Sarak karja saong Patagok palei pala ndem lac, urang blei lac sa binah oh kurang hu dalam bruk ngak tabiak pandap pablei salih kaya nong di bhum taneran kraong Cuu Long. Urang blei nan lac urang pambuak pagam haong urang ngak tabiak saong doanh nghiep. Urang blei njauk khang hatai dalam bruk rik daong saong kham merat jang tame chuoi gia tri janih kaya nong. Nan ye, urang blei nan lac urang pambuak bruk haong urang ngak nong, HTX saong D.N. 

Akaok UBND tỉnh Trà Vinh bahrau hu harak pathau tagaok Thủ tướng rajaei brei taong yaom, mbaoh tangin brei tapa pathau khan, roh duah bruk meda ngak hu danak dak padang ngak tatua Cổ Chiên 2 pambuak 2 tỉnh Bến Tre saong Trà Vinh. Tatua Cổ Chiên 2 praong 4 jalan radaih, atah abih tih 5.000m, yaom jien buh tame ngak lac 3.500 tỉ đồng meng phun jien TW. Akaok UBND tỉnh Trà Vinh mboh lac, bruk padang ngak jalan radaih tapen tasik meng Long An tal Cà Mau, kuhria gam dom jalan radaih nao tapa tỉnh Bến Tre saong tỉnh Trà Vinh lac njauk ngak samar drah, piah pabak prein jhul patagok, salih bahrau kinh tế, tani tanat an sinh xã hội di bhum saong di Trà Vinh. 

Tây Ninh hu 21 bangsa adei ngan haong labaih 5.551 baoh sang, rilo abih lac bol  bhap bangsa Khmer labaih 2.392 baoh sang. Mikva bangsa tuk halei jeng ngak nyauk jalan ba di Đảng, sarak, hukum di Karja, daong gauk sa hatai haong gauk ngak brei patagok kinh tế, paglong raidiuk ilamu, jalan sahaneng. Meng akok thun, UB bhap bini tỉnh hu peih rilo bruk piah khik dom ilamo siam gheih, jalan sahaneng  ka mikva urang bangsa  di bhum taphia negar; abih di nyu nan lac Tet Chol Chnam Thmay…Mikva tuk halei jeng jia tame bruk tacei di Đảng, Karja, jum pataom gauk, dak padang palei pala, taneh ia dak harei dak patagok.

Yaom lac daok dalam tukvak pandiak bhang khang min di tỉnh Tiền Giang dom bein njam jeng daok hijao siam. Piah ka bein njam tamuh siam dalam bilan pandiak, ia njaom mbak, urang ngak nong hu khik piah ia taba dalam dom ribaong dalam bein, kuac raok bingun njuk pabak ia gam gam ka bein njam patam. Pagap yau di bhum “ia taba Gò Công” rilo urang nong kuac raok bingun khik ia taba. Urak ini, njam patam daok hu yaom, yau ye baoh paya yaom 20.000 đồng/kg, ngò gai, cần nước yaom 30.000 đồng/kg; lasun hala 25.000 đồng/kg… nan ye mikva urang pala hu jien mek tame rilo.

Piah khik salamat  ka tuai damuai di glai tram Trà Sư di tỉnh An Giang, jabat chuc nang daok kham peih ngak rilo jalan pacang caga apui khuah glai. Sa dalam dom bruk ba tabiak hu makna praong  brei ngak tui lac “Pakauk njuk pakao” ngan haong taong abih tuai damuai tuk tame glai rivang ma-in. Langiu di nan, oh ba dom pandap cuh pui saong oh brei chap mek danko di labik glai tràm Trà Sư. Tukvak rivang ma-in tamat meng mon 17 tuk yaok harei. Dalam labaih 3 bilan tapa, dom mac njuk pruh ia brei ngak bruk luac harei melam piah pabak ia sumu. Meng hu bhap bini pambuak tui jeng tuai damuai dalam bruk pacang caga apui khuah, padam khuah, mbiah tal tukvak ini glai jeng daok khik hu salamat.

Rajaei Indonesia meda pabak brei 2 quốc tịch ka dom urang asal Indonesia piah dui pachreih rilo urang ngak naih joi jang tame taneh ia ini. Akaok Mintri Điều phối dom bruk Hàng hải saong Đầu tư Indonesia Luhut Pandjaitan brei thau lac meda ta-a urang Indonesia daok di taneh ia langiu saong brei quyền rahra hu 2 quốc tịch ka dom urang nan. Bruk ini meda daong ba dom rahra Indonesia naih gheih mai veik taneh ia. Tui Tổng cục Di trú Indonesia, jaik 4.000 urang Indonesia jeng rahra di Singapore meng thun 2019 tal thun 2022. 

Ia dauk ia sua  saong glut jaleih taneh di grauk taneh ia Kenya  ba tal 181 urang metai kuhria meng bilan 3 tal ini, dalam tuk yaok ratuh ribau urang brei panduan ba nao labik karei. Hajan khang saong ia sua ngak khut tayak sang danaok, jalan mbak, tua ribaong saong dom danak dak karei dalam bhum. Dom menuac metai  di Kenya rilo jang urang metai kayua langik El Nino di puac thun  2023. Nhà Trắng hu payua panuac klak rabha pandik harao tal dom baoh sang urang gaok bala saong khan lac Mỹ daok kham rik daong tame dom bruk pacang caga bala tapa Jabat Patagok  Dunya Hoa Kỳ./.

Trung Quốc brei cuh tagok langik ahaoh Hằng Nga-6 dalam harei pagaiy (3/5). Tên lửa jhul Trường Chinh-5 Y8 brei ngak bruk ini. Ini lac bruk cuh ka 2 dalam danak dak roh duah Ia bulan di tên lửa đẩy Trường Chinh-5. Ahaok thăm dò Hằng Nga-6 hu tên lửa ba tagok langik di labik kreh baoh taneh saong Ia bulan piah mek mẫu blaoh ba mai baoh taneh. Ini meda lac bruk kham merat camereip abih di dunya piah pataom mek pandap meng bhum sup di ia bulan ba mai baoh taneh roh duah./,.