Mentri LĐ, TB - XH hu ba tabiak bruk brei salih birau sarak jien bilan, meng  harei 1/7 anak tal patagok jien daong urang hu buh prein yawa ngak bruk cách mạng. Tui nan, jien daong meng 2.055.000 đồng tagok 2.655.000 đồng. Tanut chuan jien daong nan hu pandar piah kuhria jien daong trợ cấp, phụ cấp saong dom jien daong ưu đãi ngan haong urang hu buh prein yawa tame  daong bruk cách mạng saong gauk gar di urang hu buh prein yawa ka cách mạng. Langiu di nan, urang hu buh prein yawa  ngak bruk cách mạng  daok hu mbang tui dom bruk daong  jien blei BHYT; sangka iek pabak prein yawa di sang…

Tui Cục Thủy lợi kayua pandiak bhang dui atah, di dom tỉnh Trung bộ, Tây nguyên saong Nam bộ hu labaih 40.000 ha phun pala daok kurang ia. Tui kuhria, taneh thu lagu daok tagok tuk pandiak bhang daok dui atah tal kreih bilan 5. Di bhum ĐBSCL, kayua ia mbak njaom tame, nan ye hu jaik 4.642 ha kruac aik saong phun mbang baoh mbuan trun năng suất; 43 ha padai di Sóc Trăng oh yuak hu hagait. Tui kuhria dalam dom harei tal, ia mbak daok njaom tame ngak kan kandah tal dom mbalng taneh phun pala di bhum ĐBSCL.

Meng mon 4 tuk meteh page ini, rilo labik di Ban raya HCM hu hajan dui atah tal dah page. Mbang hajan subuh page ini gam haong hajan biar harei kabroi daong ngak ladam trun langik pandiak dui atah dom bilan di Ban raya HCM. Dom tỉnh Bà Rịa - Vũng Tàu, Bình Dương jeng hu “hajan ameh” ngak trun pandiak biak catang dui atah rilo bilan. Tui Rayo duk iek langik tasik bhum Nam Bộ, thun ini hajan di Nam Bộ suai mai. Tui kuhria mboh dahlau meteh bilan 5 dalam bhum meda tame bilan hajan. Yau nan min, meng ini tal puac bilan 5 langik trun takik pandiak, u ang.

Brei thau veik ka bruk njauk jru mek bánh mỳ di Long Khánh, Đồng Nai ngak brei labaih 480 menuac njauk jru mek, urak ini gah chức năng tỉnh Đồng Nai hu trun tal labik ngak bánh mì Băng, labik dom urang njauk jru mek bhian blei bánh mì mbang dahlau nan, piah mek mẫu pandap mbang piah taong yaom, duah tabiak makna ba tal njuak jru mek. Ong Nguyễn Hùng Long, Phaok akaok Cục Salamat pandap mbang, ieu dom gah khik ramik di Đồng Nai maong veik bruk khik iek gah salamat pandap mbang, patagok pasang iek dom labik ngak saong pablei pandap mbang, labik halei ngak suan brei langyah catang tui hukum.

Biar harei kabroi, Sang eik ruak đa khoa huyện Vĩnh Hưng, tỉnh Long An hu taduan sa urang metai kayua cakla klak. Urang nan angan P.V.C daok di  Ban sit Gò Công, tỉnh Tiền Giang hu ba tame sang iek ruak mboh klaoh suan paje, rup pabhap sak juk rilo labik kayua cakla klak. Tui dom urang nao gam sa-ai C, mon 15 tuk meteh, tuk urang daok chap mek kiew di xã Thái Bình Trung ye langik hajan hangin khang, cakla klak trun taong tame sa-ai C labuh trun di labik nan. Tuk ba tame sang iek ruak ye sa-ai C metai blaoh.

Rajaei Tây Ban Nha khan lac brei klaak bruk pakacah limo pakat negar hu peih tabiak yaok thun. Bruk ini hu meneing menuac sia Tây Ban Nha saong dom kapul khik caga athur pok meyaom, min gaok bruk cagar veik meng dom menuac pachreih tui janih thể thao – hu maong lac ilamu siam mekre meng kan di taneh ia ini. Dom kapul khik caga quyền athur pok meyaom bruk nan di rajaei. Min dom menuac pachreih tui bruk pakacah yau ye sa ilamu meng kan di palei bò tót, ba gauk cagar veik.

Takik di nyu 20 urang matai saong 21 urang karei njauk rambus tuk sa sruh radaih buýt blait tabiak truh jalan cao tốc Karakoram di Pakixtan blaoh par trun mala ceik. Bruk nan mai meng urang peih radaih buýt brei radaih nduac biak samar tapa tốc độ brei adat.. Dom menuac matai meda hu rilo jang kayua daok hu rilo menuac njauk rambus trak daok mbuan matai. Thủ tướng Pakistan hu tacei karja pabak abih janih piah daong gah y tế ka dom urang njauk rambus. Gam haong nan, brei mboh hatai pandik harao saong payua panuac klah rabha pandik harao tal dom sang hu urang njuak bala.

Akaok Mintri Y tế Indonesia brei thau, rajaei Indonesia brei salih vaccine pacang Covid-19 blei meng negar langiu meng vắc-xin ngak dalam taneh ia takik hu dom tác dụng phụ jang. Bruk nan hu ba tabiak hadei di tuk hu dom pathau khan ka vaccine AstraZeneca ba tal huyết khối tĩnh mạch saong trun tiểu cầu. Taong yaom ka pathau khan dom tác dụng phụ di vaccine AstraZeneca bahrau ini, akaok mintri Y tế Indonesia brei thau, bruk pandar vaccine di Indonesia dalam jit praong Covid-19 hu rah tapa tukvak roh duah kayua dom urang ilamu gah klauk jru caga ruak di Indonesia peih ngak. Dalam tuk ngak iek, ong Budi mboh lac vaccine AstraZeneca hu dom bruk oh siam oh lagaih min bruk ini daok iek tui prein yava di yaok anek menuac./.