Melam 5/5, Tatua papar binguk biak karei "Mala hala dok jayah” pahadar 70 thun Jayah Điện Biên Phủ (7/5/1954 - 7/5/2024) kayua Ban Tuyên giáo Trung ương pato tacei peih ngak. Gah papar binguk Việt Nam peih ngak di 5 labik tatua, dalam nan sân khấu nan lac Rup patau Jayah Điện Biên Phủ di mbuan ceik D1, ban Điện Biên, tỉnh Điện Biên; 4 labik tatua daok veik lac Quảng trường Ba Đình (Hà Nội), Quảng trường Lam Sơn (TP. Thanh Hóa, tỉnh Thanh Hóa), Sang rông Kon Klor (TP. Kon Tum, tỉnh Kon Tum) saong Labik inem mek got hala dok Thủ Ngữ (Quận 1, TP Hồ Chí Minh). Di danak dak, manuac sia hu taom gaok saong ba drei tame gam haong dom urang maong mboh sajarah, maong iek veik dom đoạn phim meng kan ndem ka jayah "danei angan di dunya” hu peih tabiak atah di ini bak 70 thun.

Di tuk pahadar 70 thun harei jayah Điện Biên Phủ, tỉnh Tiền Giang hu padang kapul nao ravang, alin hadiah pandap brei ka dom urang dahlau daih ngak lin hu mbaok tame bruk mesruh haong Prang. Urak ini tỉnh Tiền Giang daok hu 125 urang dahlau daih ngak lin saman taong Prang daok diuk. Di tỉnh Bến Tre, meng ini tal harei 7/5, mBan Chấp hành Kapul urang dahlau daih ngak bol lin tỉnh saong Kapul urang dahlau daih ngak bol lin dom huyện, ban sit meda nao ravang saong alin hadiah pandap brei ka 111 urang dalam kapul urang dahlau daih ngak bol lin hu mbaok tame bruk mesruh haong Prang, yaok [pok pandap yaom 1 triệu đồng.

Di nyaom biai Hội đồng rami ramik tacei jalan bhum Đông Nam Bộ mbang ka 3 ngan haong asal kadha “peih ngak Quy hoạch bhum Đông Nam Bộ tukvak 2021-2030, pamaong tal thun 2050” hu peih tabiak di harei 5/5 pak tỉnh Tây Ninh, Thủ tướng Phạm Minh Chính kakei dom bhum palei pak gah Đông Nam Bộ: Peih ngak siam lagaih Sarak ka 24 di Mintri Chính trị ka jalan cak rok patagok KTXH, tani tanat bruk quốc phòng, an ninh bhum Đông Nam Bộ tal thun 2030 saong Sarak ka 154 di Rajaei ba tabiak Danak dak bruk ngak di Rajaei peih ngak Sarak ka 24; roh duah bruk padang ngak dom kadung jien, dom harak jalan ngak piah daong ka dom danak dak praong, hu makna di bhum Đông Nam Bộ…

Melam 5/5, di Pasak ilamu ngak bruk tỉnh Bình Dương hu peih bruk “Bilan ngak ka salamat, hacih sa-at ngak bruk saong bilan urang ngak thun 2024”, kayua LĐLĐ tỉnh peih ngak. Ini lac tuk piah pok meyaom dom rik daong oh padeih di urang ngak, ba tabiak dom jalan ngak cambaih laih piah khik caga prein yava saong raidiuk di urang. Tapa nan, LĐLĐ tỉnh hu alin hadiah yaok pluh pok pandap ka urang ngak gaok kan kandah  alin harak meyaom saong pok angan 26 “Doanh nghiệp hadah krah kayua urang ngak”, brei harak meyaom ka 30 urang mek hu angan “ urang ngak hadah krah tỉnh Bình Dương thun 2024”.

Nyaom darak Công Thương bhum Taneran kraong Cửu Long - Đồng Tháp thun 2024 hu peih tabiak meng harei 15 tal harei 19/5, di ban Cao Lãnh. Nyaom darak hu labaih 250 gian pandap parang dom pandap panda meng pala drak, raong glang, dom pandap panda di caraih, pandap kaya nong angan je, dom pandap panda angan je di bhum palei, dom pandap OCOP di dom tinh, ban. Tapa nyaom darak Đồng Tháp caong mayaih khan dom prein khang, dom jak jeng kinh tế, xã hội di bhum palei mek hu dalam dom thun tapa.

Langik daok pandiak tagok glaong di grauk labik dalam bhum Nam Á saong Đông Nam Á. Menuac sia di bang Maharashtra, Ấn Độ ba gauk nao tal dom labik pablei ia menyum piah patrun pandiak tuk nhiệt kế tacei 41 độ C. Bilan 4 meng blaoh, Ấn Độ rah tapa bilan pandiak khang di abih, ngak brei takik di nyu 9 urang matai. Bangladesh brei kreik pabah mbang taong abih dom sang bac 2 mbang dalam 2 adit tapa tuk langik pandiak tagok jaik 43 độ C. Dom labik di Myanmar langik pandiak tal 46 độ C. Di Philippines brei kreik pabah mbang yaok rabau sang bac tuk rilo labik langik pandiak tagok tal 43 độ C.

Hajan khang kayua ribuk tuh trun bang gah maraong Rio Grande do Sul di Brazil ngak ka 57 urang metai. Labaih 70 urang jeng daok lahik saong takik di nyu 17.000 urang njauk nao daok di labik karei kayua ribuk. Di dom ban sit, jalan mbak nao mai ia tuh jeng kraong, jalan mbak saong tatua njauk khut tayah tayaic. Mbang ribuk daok ngak glut jaleih taneh saong ngak jaleih dom labik binek di sang mac thủy điện sit. Tổng thống negar ini hu nao rivang dom labik njauk khut saong ginum biai daong bala haong kanja bang.

Tui gah padai brah saong ngak nong di Liên hợp quốc (FAO), yaom padai brah kaya mbang di dunya dalam bilan 4 tgaok 0,3% duk haong bilan 3. Ini lac mbang camereip yaom padai brah yaka mbnag di dunya tagok gam dalam 2 tháng. FAO brei thau, dalam bilan 4, yaomk ralow tagok khang abih di tanut 1,6%. Makna lac kayua ralow menuk ada hu blei rilo di Trung Đông. Yaom ngũ cốc saong dom janih asar, tagok rilo abih dalam Chỉ số yaom kaya mbang, tgaok 0,3% kayua huac ka bruk sản xuất di châu Âu saong klaih klaoh pajeng ba kayua bruk mesruh gauk di Ukraine. FAO brei thau, yaom tỷ giá hối đoái lac sa dalam dom makna ba tal bruk laik trun ini./.