Piah ngak hu bruk cak rok patagok kinh te-xa hoi dalam vaktu anak tal, TPHCM hu padang ngak saong mbaoh tangin brei ngak dom danak dak patagok dom ha tang, Ban raya ba biak bruk lac dalam sa thun hu peih praong veik labaih 652 km jalan radaih, 212 km jalan pasei, BRT, labaih 365 km jalan kraong ribaong dalam ban. Gam haong nan, peih ngak hu 18 danak dak tatua praong, 51 labik jalan canah praong, 13 danak dak caik radaih, labik pasiam radaih…Ban raya jeng hu peih ngak 7 danak di danak dak đô thị thông minh saong buh jien tame ngak pasiam dom jalan peih drah samar, jalan pambuak TPHCM saong dom tỉnh dalam Bhum kinh tế hu makna praong gah Barah.

UBND tỉnh Đồng Tháp bahrau brei thau bruk pablei tapa negar langiu lô caraih chính ngạch tapa darak pasar Japon. Lô caraih pablei tapa darak pasar Japon hu 15 tấn akaok caraih ngak la-an, yaom jaik 1 tỷ đồng. Tui kuhria dalam thun ini, meda hu 8 container caraih yaom 7 tỷ đồng hu pablei tapa Japon. Bruk ini brei mboh takai yam tagok ka bruk cakrok di gah caraih Đồng Tháp, peih tabiak jalan nao tal rilo darak pasar dunya saong brei mboh jalan patagok di caraih Đồng Tháp pamaong tal dom yaom hijao, cakrok hijao, langik tasik hijao saong ilamu hijao 

Urak ini daok tame bilan tabung glong pandiak bhang, bruk pablei baoh la-u that di tỉnh Tiền Giang daok hu yaom, urang pablei oh hu ginup la-u piah pablei. La-u di bein pablei hu meng 100 – 110 ribau đồng sa pluh (12 baoh), tagok jang bilan dahlau labaih 30 ribau đồng sa pluh. Ngan haong yaom nan, yaok pluh la-u urang nong laba hu 40 ribau đồng. Tui dom doanh nghiep pablei salih la-u that, bilan pandiak bhang, bruk menyum ia li-u biak ralo, yau nan ye la-u paik tal halei pablei abih tal nan. Tỉnh Tiền Giang urak ini hu labaih 20 ribau ha la-u yaok janih; pataom tame ralo di dom huyen Chợ Gạo, Châu Thành, Ban Mỹ Tho.

Kayua bilan thu thun ini dui atah, hajan takik gam haong pandiak thu nan ye bruk kurang ia pandar di puk palei meda khang jang dalam vaktu anak tal. Urak ini halau ia di dom craoh trun daok takik. Anak tal, meyah oh hu hajan, dom labik dalam tinh meda kurang ia pandar biak rilo. Sở Ngak nong saong Patagok palei pala tinh Ninh Thuan hu tacei Pasak Ia hacih saong Sa-at alam palei pala tỉnh padang jalan pabak ia cambaih laih ka yaok sang mac, jalan pabak ia pambuak gauk di dom sang mac piah samar ba ia tal bhap bini pandar hu tani tanat. 

Hu baoh bruk duk iek pandap mbang dalam bruk njauk jru mek banh mi di Ban Long Khánh. Sở Y tế tỉnh Đồng Nai brei thau, ralo mau mek meng urang ruak, mau pandap tamo mek meng tiem banh mi njom vi khuan Salmonella. Langiu di nan, dom mau karei njom khuẩn E.coli saong dom vi khuan karei. Dahlau di nan, Bac si chuyen khoa II Lê Quang Trung, Yam ndoc Sở Y tế tỉnh Đồng Nai brei thau: Tapa dut iek darah di dom uraniah njauk jru mek ruak trak brei mboh njom E.coli. Urak ini dom hồ sơ pasang iek camereip ka tiem banh mi ini hu payua tal Jabat Cảnh sát pasang iek - Kong an Ban Long Khánh piah pasang iek ngak brei cambaic laic tui hukum.

Hạ viện Philippines daok jhul patagok bruk brei tapa Hukum pasiam veik gah kak je brah (RTL), piah tani tanat yaom kaom saong labik pabak brah dalam taneh ia. Tui nan, brei adat ka Jabat padai brah negar Philippines (NFA) hu adat blei brah meng urang ngak nong saong hu pablei tapak ka urang blei mbang, abih di nyu lac ka urang kan kathaot haong yaom mbiah lap. Tui hukum urak ini, bruk ngak di NFA tok lac khik kajap bruk khik piah brah caga tuk hu bala meng langik tasik.

Điện Kremlin brei thau, hadei tuk tuyen the taduan bruk harei kabroi, Tổng thống Nga Vladimir Putin hu mbaoh tangin tame “ Harak Sắc lệnh bilan 5” ngan haong kadha “Dom bruk kham merat ngak brei cak rok patagok taneh ia di Liên Bang Nga mbiah tal thun 2030 saong pamaong tal thun 2036”. “ Harak Sắc lệnh bilan 5” birau brei mboh bruk cak rok patagok kinh te, ilamo, patagok dan so saong paglong raidiuk ka bhap bini…ong Putin jeng ndom lac taneh ia Nga hu khang kadang jang saong peih ngak hu dom bruk suai lavik saong praong kayua kein laba di bhap bini.

Apple bahrau yaih khan drei chip bahrau hu angan ieu lac M4 – drei chíp hu maong lac ba mai siam lagaih khang kadang saong hu prein langyah trí tuệ nhân tạo (AI) ka dom mac tính patui di nan. Apple jeng hu yaih khan dom iPad Air bahrau haong yaom mbiah, urak ini hu mbaok màn hình 13 inch praong jang haong yaom 800 USD, jeng yau mbaok man hinh 11 inch dahlau daih hu yaom 600 USD. Dom mẫu ni nao gam haong chip M2 di Apple, chip ini mbang camereip hu ba tabiak darak pasar angaok MacBook di Apple di thun 2022.