# Miuyim mbang menyum palei Quảng saong dinh trấn mì Quảng bahrau hu brei adat, hu peih tabiak di tapen jalan roya 1A labik nao tapa xã Điện Minh, Điện Bàn, Quảng Nam. Miuyim ini kayua Công ty Cổ phần Nhà Việt Nam peih ngak piah pok meyaom, paglaong angan dom pandap mbang di palei Quảng.

# Labik du lịch Suối Tiên, TPHCM bahrau buh tame labaih 200 tỷ đồng piah padang ngak 3 công trình praong saong pasiam veik mbaok meta piah salam uan Tết thun sak pabui 2019.  Nan lac công trình “Kỳ hoa thượng uyển cung” praong abih tih labaih 18.000m2;  “Quá khứ vị lai cung” biak gheih ngan saong yaok ratuh blah “chân dung” dom urang hu angan je dalam gah thể thao, ilamu di Việt Nam saong di dunya, hu ngak abih 4.000m2; “Tứ phước môn hồng phúc dinh” hu padang ngak biak gheih, biak mekre.

# Hãng kapal haoh Vietnam Airlines, Jetstar Pacfic saong Vietjet Air bahrau brei thau, meda pajeng bingu mai, bingu đào tui jalan payua pandap angaok dom mbang par dalam tuk Tết thun sak pabui saong yaom meng 350.000 tal 450.000 đồng sa paok. Tui nan, yaok urang tuai hu pajeng rilo di abih lac 2 paok bingu tui jalan pandap payua. Dom hãng taduan pajeng bingu mai, bingu đào meng harei 15-1-2019 tal abih harei 14-2-2019 (nan lac meng harei 10 bingun bilan mat thun sak sau tal abih harei 10 bingun bilan 1 thun sak pabui), oh taduan pajeng janih bingu ini hu phun atau hu chậu, hu haluk

# Daok 3 adit tra lac tal harei Tết thun sak pabui 2019, rilo bein pala bingu di quận 12, huyện Hóc Môn (TP Hồ Chí Minh) daok jar var iek glang dom janih: Cúc pha lê, mào gà, hướng dương… piah ka nyu rak tuk jaik Tết. Tui dom urang ngak bein, jien pah menuac ngak, jien pajaih, jien khak jeng glaong jang thun dahlau. Thun ini, lingik tuk pandiak tuk hajan ngak ka bruk iek glang saong kaoh bingu gaok rilo kan kandah. Yaom sa cặp bingu cúc hu pablei pak di bein urak ini yaom labaih 100.000 đồng.

# Mban peih bruk pakacah Hoa hậu dunya Việt Nam - Miss World Việt Nam bahrau tabiak panuac brei thau bruk taduan mek hồ sơ tame pakacah di thí sinh. Bruk pakacah piah duah tabiak lambaok Việt Nam nao pakacah urang klumei siam binai di dunya. Dom urang kumei rahra Việt Nam umo meng 18 - 27 oh ka hu pasang, oh ka ndih tapui anek, oh hu tiền án tiền sự, glaong meng 1m65 tagok… , hu quyền tut angan tame pakacah. Tukvak tut angan di bhum gah meraong tal harei 10-4 saong bhum gah barak tal harei 9-5. Urang kumei tame pakacah oh tapa chỉnh sửa.

# Dom urang khảo cổ Argentina hu duah mboh sa hóa thạch hươu saman tiền sử daok jaik tamo di ban gah brak San Pedro, tỉnh Buenos Aires. Bruk njuak biai nan lac labik talang takuai saong talang raong di drei hươu jeng daok tamo khớp nối. Hóa thạch hươu nan, lac pajaih Morenelaplus tuyệt chủng. Urak ini, janih athur ini tok hu thau tapa dom candaih talang daok veik. 

# Gah cảnh sát Đức bahrau cap mek sa urang pambuak tal bruk tấn công mạng saong tiết lộ thông tin cá nhân. Urang ini, lac sa urang likei umo 20 thun, daok di gah pai taneh ia Đức haong amaik saong oh ka hu tiền án. Dahlau di nan, bruk tấn công mạng ngak rò rỉ thông tin cá nhân di jaik 1.000 chính trị gia Đức, dalam nan hu gam thủ tướng Angela Merkel, lac sa dalam dom bruk rò rỉ dữ liệu praong abih dalam sajarah taneh ia ini. Yaok ratuh chính trị gia di dom đảng phái jeng gaok kan kandah dalam bruk ini. Urang likei ini taduan bruk drei ngak swaong brei thau lac ngak sa drei./.