# Thiếu tướng Bùi Trọng Quỳnh, Phó tư lệnh - Tham mưu trưởng Bộ Tư lệnh ban ine Hà Nội brei thau, hu ngak harak pathau khan tagok Thường trực Thành ủy Hà Nội ka bruk cuh pháo bingu melam giao thừa Tết Nguyên đán 2019, tui kuhria lac 30 labik, dalam tukvak 15 minit. Thun ini hu 6 labik cuh glaong gam saong cuh biar di hồ Hoàn Kiếm, Tây Hồ, Nam Từ Liêm, Hai Bà Trưng, Hà Đông saong Sơn Tây, yaok labik cuh 500 baoh pháo glaong saong 60 baoh biar. Dalam nan hu 3 labik cuh hỏa thuật lac Hoàn Kiếm, Tây Hồ saong Nam Từ Liêm.

# Meng harei 14 tal harei 17/2, di  xã Hiệp Hòa, ban sit Biên Hòa, tỉnh Đồng Nai hu peih Lễ hội chùa Ông mbang ka VII. Kadha njauk biai di adat ini, lac bruk pambuak gauk di ilamu Việt - Hoa, hadar tal dom công thần buh pren peih bhum taneh Biên Hòa. Lễ hội thun ini hu peih bruk cuh gilau, daoh tamia salam uan thun bahrau, tamia lân - sư - rồng, pulao gom bingu angaok kraong Đồng Nai, me-in võ thuật saong hoạt cảnh sân khấu.

# Raok Tết Nguyên đán thun sak pabui 2019,  dalam dua harei 6 saong 7/2, Pasak parang iek ilamu Cam, tỉnh Bình Thuận hu peih ngak rilo bruk ilamu piah pamere bhap bini saong tuai damuai. Dom bruk ngak nan, hu daoh tamia, parang iek khan ao ngui cuk meng kan di urang Cam, yaih khan dom pandap mbang huak di 3 bangsa Kinh, Cam, Hoa.

# Di sang bac Đại học Văn hóa Hà Nội bahrau rah tabiak harei pataom “Tết Mông xuống phố 2019”. Ini lac tuk piah ka bhap bini urang Mông daok bac megru saong ngak mbang di Hà Nội raok Tết haong gauk, lac tuk brei ka dom dam dara yaih khan, pasang tabiak dom ilamu di bangsa drei. Urang Mông lac sa dalam dom bangsa hu adat mbang Tết meng kan hu khik ramik lavik saman. Tết di urang Mông dahlau Tết Nguyên đán 1 bilan, jeng lac tuk yuak kuak bloh.

# Di Văn Miếu Quốc Tử Giám, Viện Hàn lâm Khoa học xã hội Việt Nam pambuak bruk haong Pasak ngak bruk ilamu Khoa học Văn Miếu Quốc Tử Giám saong Hội đồng gia tộc Nguyễn Cảnh Việt Nam peih ginum biai “Sajarah- Ilamu but pajaih Nguyễn Cảnh Việt Nam”. But pajaih Nguyễn Cảnh hu asal meng tỉnh Quảng Ninh, tame padang mbang ngui di Nghệ An meng akaok abap 14. But pajaih Nguyễn Cảnh lac sa but pajaih praong di palei Nghệ, tapa rilo rai hu rilo menuac ngak tướng hu angan, ngak ong praong dalam saman patao, ngak lương y, gru pato… hu rilo rik daong ka puk paga palei negar. Bhap bini meng kan hu pok meyaom lac but pajaih ini naih gheih yau Yuan lac văn võ song toàn.

# Tapa dom mbang pakacah sơ khảo di 150 thí sinh, 30 thí sinh gheih abih hu tame chung kết bruk pakacah “Urang siam binai Kinh Bắc 2019”. Bruk pakacah ini, lac sa dalam dom bruk ngak kayua UBND tỉnh Bắc Ninh peih tabiak dalam danak dak yaih khan Festival “Về miền Quan họ - 2019” saong pahadar 10 thun ragu daoh bhap bini Quan họ Bắc Ninh hu UNESCO brei angan lac inem krung ilamu phi vật thể. Melam chung kết bruk pakacah Urang kumei siam binai Kinh Bắc hu peih tabiak di Pasak Ilamu Kinh Bắc harei 20/2 tal.

# Di Đông A Gallery, Hà Nội daok peih parang iek Blah rup cih Tết thun sak pabui saong yaih khan 57 blah rup cih 30 họa sĩ đương đại Việt Nam. Parang iek hu dom blah rup cih ndom tal “Pabui” anek sak di thun 2019 yau sa panuac salam uan linh vật bahrau. Parang iek jeng brei mboh bruk peih akaok di sa thun siam mekre, salamat, lac kadha praong gah nghệ thuật ka bilan xuân ban ine. 

# Taduan panuac da-a di mBan tổ chức harei pataom dunya dom sang daoh mbang ka 11 - Kerala 2019, di Thrissur, Ấn Độ, meng harei 20 tal harei 26/1, Sang daoh tamia rối Thăng Long hu mbaok tame harei pataom ngan saong danak dak tamia rối ia meng kan. Ini lac mbang tabiak taneh ia lingiu akaok meti di thun 2019; patui di nan, harei 5/2, Sang daoh tamia rối Thăng Long hu nao tal Đài Loan (Trung Quốc) parang me-in meng harei 5 tal harei 11/2./.