# Meng harei 6/4 tal harei 14/4/2019, Harei pataom bingu mban daong takai yam uraniah tal sang bac hu peih tabiak di Miuyim Hà Nội.  Tapa nan piah pok meyaom, khik ramik inem krung ilamu dom bangsa, patagok bruk jum pataom bangsa, jhul du lịch dom tỉnh, ban bhum ceik Tây Bắc cakrok patagok, kak khik ramik ilamu bangsa saong patagok pren khang du lịch, rik daong patagok kinh tế - xã hội. Danak dak hu parang iek, yaih khan 300 phun bingu mban ba meng bhum ceik Tây Bắc mai. Lingiu di bruk palagaih ka bhap bini saong tuai damuai ravang iek, thau ka harei pataom bingu mban di Hà Nội, Ban tổ chức daok hu peih ngak dom danak dak ilamu mbang huak di bhum ceik Tây Bắc saong dom tỉnh, ban piah padang angan du lịch Điện Biên.

# "Yau bingu bilan xuân" lac angan ieu di bruk Bilan 3 hu peih ngak meng ini tal harei 31/3 di palei Ilamu - Du lịch dom bangsa Việt Nam (Đồng Mô, Sơn Tây, Hà Nội). Danakdak hu dom bruk ngak yau: yaih khan ka tasik pulao taneh ia tal tuai damuai, abih di nyu lac rai rah dam dara tapa sap ndom, rup binguk, pandap panda, phim tài liệu; yaih khan 21 phiến đá brei mboh quyền ngak po pulao Trường Sa; Cột mốc chủ quyền saong rilo pandap panda di urang lin, urang vak… ka Trường Sa saong chủ quyền tasik pulao di taneh ia.  Lingiu di nan daok hu dom bruk ngak tui kadha yau padang ngak veik adat Trỉa hạt di dom bangsa daok di Tây Nguyên pak di palei bangsa Ê Đê tal palei bangsa Xơ Đăng, saong dom bruk ngak ba drei tame  “Baoh sang haong gauk”. 

# UBND huyện Hoàng Su Phì, tỉnh Hà Giang hu peih ngak adat paling yang glai "Mo Đổng Trư" di bangsa Nùng dalam harei 12/3, lac harei 7/2 saka ia bulan di labik glai pakauk daok dalam  palei Pố Lồ, xã Pố Lồ. Tapa nan hu dom bruk ilamu, thể thao di bangsa Nùng, hu mbaok dom diễn viên, vận động viên, nghệ nhân xã Pố Lồ saong 22 xã, ban sit bhum bhap bini bangsa Nùng.  Adat paling yang glai “Mo Đổng Trư” di bangsa Nùng saong dom bruk ilamu huyện Hoàng Su Phì hu peih ngak piah pok meyaom, khik ramik dom yaom glaong ilamu, sajarah di dom bangsa, duh ka bruk patagok du lịch dalam huyện.

# Ban sit Thanh Hóa bahrau peih bruk brei thau jalan du lịch ravang iek palei klak Đông Sơn, phường Hàm Rồng, ban sit Thanh Hóa, tỉnh Thanh Hóa.  Palei klak Đông Sơn hu taong yaom lac 1 dalam 10 palei klak mekre abih di Việt Nam. Meng akaok abap XX, angan taneh, angan palei Đông Sơn hu jeng angan ieu ka 1 nền văn hóa khảo cổ học dane angan di dunya - văn hóa Đông Sơn. Lingiu di bruk lac hu mbaok meng rabau thun saong cakrok patagok gam gam, palei klak Đông Sơn daok ngak pachreih tuai damuai ngan saong bruk padang ngak tui jalan lac palei harat bruk ngak nong, ndung bak mbaok meta làng quê Bắc bộ. Palei klak Đông Sơn hu ginup 5 inem mek ka khảo cổ, danh thắng, sajarah ilamu,, cách mạng kháng chiến saong kiến trúc.

#Bahrau ini, tạp chí Forbes Vietnam bahrau brei thau hoa hậu H’Hen Niê lac 1 dalam 50 urang kumei hu ảnh hưởng abih di Việt Nam thun 2019. Ini lac mbang ka 2 tạp chí Forbes Việt Nam ba tabiak angan ini, dalam nan hu dom urang kumei hu angan dalam dom gah: chính trị, ngak mbang palei salih, , ilamu, pato megru, ngak bruk xã hội, truyền thông, nghệ thuật, thể thao. Tui nan, hoa hậu H’Hen Niê lac lambaok gah Giải trí – Thể thao.

#Harei pataom Cà phê Buôn Ma Thuột mbang ka 7 thun 2019 ngan saong kadha “Tinh hoa đại ngàn” daok rah tabiak di ban sit Buôn Ma Thuột saong dom huyện dalam tỉnh Đắk Lắk. Harei pataom cà phê thun ini hu rilo bruk ilamu, nghệ thuậtt…biak chreih chrai. Dalam nan, njauk caik hatai yau Harei pataom pakacah lamen Buôn Đôn; pakacah ghaiy độc mộc; ngak iek dom adat cambat meng kan di dom bangsa takik daok dalam tỉnh; harei pataom pakacah ngak pandap mbang huak Tây Nguyên; Harei pataom urang ngak nong pakacah gauk…Harei pataom ca phê Buôn Ma Thuột rah tabiak tal harei 16-3. 

#  Harei pataom har bhap bini Nam Bộ thun ini hu angan ieu lac "Hương sắc phương Nam" hu peih tabiak meng harei 12 tal harei 16/4 di Cần Thơ ngan saong 200 gian hàng parang tabiak labaih 100 janih ahar meng kan di bhum kraong ribaong miền Tây gam saong rilo bruk bahrau, chreih chrai. Harei pataom thun ini hu 3 labik bahrau, lac labik ngak iek brei mboh veik Nam Bộ meng kan ngan saong dom pandap ngak ahar meng kan yau cối xay, khuôn đúc, gánh hàng rong; labik chè quê saong thức uống dân gian ngan saong 10 janih tea meng kan; danak dak dạ hội áo bà ba saong melam parang iek 100 bộ áo tapa dom saman.

# Tui panuac khan meng Nhà hát Tuổi trẻ: Nghệ sĩ Satoshi Gogo – lambaok ka dòng fingerstyle guitar Nhật Bản meda hu tour parang me-in di 3 ban praong di Việt Nam meng harei 5 tal harei 7/4. Dalam mbang mai parang me-in di VN mbang ini,  Satoshi Gogo meda ba mai ka khán giả dom ragu ragam bahrau, chreih chrai kayua sa-ai paneh tabiak. Tour parang me-in di sa-ai meda lac 1 bruk kan klaak tapa hu ngan saong urang takre nhạc saong lac kadha praong di urang takre fingerstyle guitar di Việt Nam dalam thun ini./.