# Ngan saong kadha "Sắc xuân hội tụ",  Harei pataom Ilmau - Thể thao dom bangsa takik tỉnh Bình Phước mbang ka 6 hu peih tabiak meng harei 26/3 tal harei 29/3/2019 di mblang bein 23/3. Dalam 4 harei nan, hu rilo bruk chreih chrai yau: Diễu hành radaih pathau khan, peih me-in dom kadha me-in meng kan di bhap bini, dom ilamu meng kan di dom bangsa; harei pataom pandap mbang meng kan, adat padang phun nêu saong danak dak daoh tamia, parang iek khan ao ngui cuk meng kan di dom bangsa, pakacah dom jnaih Thể thao… Ini lac bruk ngak piah padang veik saong patagok dom bruk ilamu, dom adat cambat, khan ao ngui cuk, dom janih pandap mbang, dom kadha me-in meng kan, dom janih thể thao di bangsa, rik daong ngak brei ginup meda jang bruk mbang ngui, daok dang  ka bhap bini dom bangsa takik daok dalam tỉnh Bình Phước .

# Tết Nguyên tiêu di urang Hoarah tabiak di bhum Chợ Lớn (quận 5, TP Hồ Chí Minh) pachreih hu yaok rabau menuac mai pataom mbaok. Jaik 1.000 diễn viên hu padang adat raok gom bingu, gam saong dom kapul lân sư rồng parang me-in angaok dom jalan Hải Thượng Lãn Ông – Châu Văn Liêm – Lão Tử – Lương Nhữ Học – Nguyễn Trãi – Trần Xuân Hòa – Trần Hưng Đạo. Bruk ini hu peih ngak yaok thun, lac sa janih ilamu mekre di TP Hồ Chí Minh di tuk ia bulan bak baoh bilan 1 tui saka ia bulan.

# Tui mBan khik ramik Ging mbang anit ranam ka urang ruak kan kathaot tỉnh Đắc Nông, yaom lac daok gaok oh takik kan kandah, min tui jalan “bhong pui ka urang ruak kan kathaot”, dom pakat, dom gah, dom urang ngak pahla, dom kapul nyaom dalam tỉnh hu ba tangin tame daong khik ka ging mbang hu peih tabiak ngak gam gam.Tỉnh hu jak ba 43 kapul nyaom, menuac urang, dom urang ngak pahla dalam tỉnh daong ka Ging mbang anit ranam yaom jien labaih 320 triệu đồng. 11 kapul nyaom, doanh nghiệp saong menuac urang daok hu daong brei brah yaok bilan, yaok quý ka ging mbang jaik 2 tấn.

  # Ban sit Sa Đéc, tỉnh Đồng Tháp bahrau peih quán lisei anit ranam hu angan ieu lac “Đồng Hành” di labik 83, jalan Nguyễn Tất Thành, phường 1, pablei lisei huak var jala pandiak ka urang ngak, urang gaok kan kandah saong yaom 2.000 đồng sa phần. Quán lisei kayua ong Phạm Minh Thiện, Giám đốc doanh nghiệp tư nhân Cỏ May padang tabiak. Yaok phần lisei hu 4 janih pandap mbang. Hu thau, pandap mbang hu salih karei yaok harei. 

# Jaik 200.000 menuac hu mbaok di Lễ hội Chingay Parade 2019 di Singapore peih tabiak dalam 2 harei kreh bilan 2 ini.. Harei pataom diễu hành jalan phố Chingay Parade di Singapore hu mbaok parang me-in di jaik 6.500 nghệ sỹ dalam taneh ia saong lingiu dunya. Kapul nghệ thuật Việt Nam kayua Sở Ilamu, Thể thao saong Du lịch Thành phố Hồ Chí Minh padang tabiak hu mbaok dalam bruk ini. Lễ hội Chingay Parade thun ini njauk di  tuk Singapore pahadar 200 thun peih padang taneh ia. Kayua yau nan ye, “giấc mơ ” hu pilih ruah ngak kadha di dom bruk parang me-in di lễ hội. Tui nan, lễ hội lac labik pataom dom “giấc mơ” ka sa taneh ia Singapore gheih mekre saong cakrok patagok jang di anak tal.

     # Di ban sit Riviera  dalam ban Nice, negar Prang, bhap bini saong tuai damuai daok chreih chrai haong harei pataom Carnival mbang ka 135. Ini lac sa dalam dom harei pataom hu asal meng lavik rai, chreih chrai abih di dunya, rah tabiak meng kreh bilan 2 saong dui atah tal akaok bilan 3 yaok thun. Dalam luac 2 adit rah tabiak, tuai damuai hu ba drei tame ilamu jalan phố chreih chrai, hadah tanjak samo màu. Hu 3 kadha praong dalam harei pataom Carnival Nice, nan lac lễ hội hoá trang Corso, trận chiến ribau bingu saong diễu hành ánh sáng.

         # Viện Hàn lâm điện ảnh Mỹ brei thau, meda papar binguk ginup abih bruk jao giải thưởng điện ảnh Oscar mbang ka 91 hu peih tabiak di harei 24/2 tal. Yau nan, taong abih 24 hạng mục daok hu papar binguk ginup abih yau dom mbang jao giải dahlau daih. Dahlau di nan, mbang peih bruk kuhria cakak klaak  dom hạng mục Quay phim, Biên tập phim, Phim hành động katut, Trang điểm saong ngak mbuk piah dui katut tukvak trun daok 3 tuk. Tui nan, bruk jao giải dom hạng mục ini hu papar binguk veik hadei di nan. Min rilo urang ngak phim saong diễn viên hu angan je hu panuac phản ứng khang saong hu payua sa blah thư ngỏ tal mban peih bruk. Anak sức ép meng rilo gah, mBan peih bruk jao giải Oscar brei thau, oh cakakt hạng mục giải saong tukvak yaih khan dom bruk ngak hu di ứng cử viên jeng yau urang mek hu  giải. /.