# Pamaong tal bruk pahadar 60 thun harei Bộ đội biên phòng saong 30 thun harei Biên phòng toàn dân (3/3), dom đơn vị dalam gah biên phòng hu peih ngak rilo bruk thau dhar thau phor, menyum ia hadar halau piah thau dhar phor dom sang sarak karja, urang buh pren ka taneh ia, pathau khan, pato pakai urang jakar, urang lin saong bhap bini ka bruk anh hùng di bol bala bhap bini Việt Nam jeng yau di Bộ đội biên phòng. Praong di abih lac bruk ramik pasiam, papraong labik Đài tưởng niệm liệt sĩ Pò Hèn, tỉnh Quảng Ninh; padang ngak rup patau “Urang lin Công an bhap bini pan phao kraong khik caga jalan negar” di labik inem krung 2 gah takai kraong Hiền Lương - Bến Hải, tỉnh Quảng Trị; pasiam, papraong labik inem krung An ninh vũ trang miền Nam di Tây Ninh; tacei pato dom đơn vị padang ngak, ramik pasiam bia tưởng niệm liệt sĩ di dom đồn biên phòng. Dom bruk nan hu ngak salah bloh saong ba tame pandar hu siam lagaih, hu makna pato pakai glaong…

  # Bộ Chỉ huy Bộ đội biên phòng Lạng Sơn pambuak bruk haong Sở Ilamu Thể thao saong Du lịch tỉnh hu peih parang iek rup thaot saong Adit phim ka Bộ đội biên phòng di tuk pahadar 60 thun harei BĐBP 3/3/1959 - 3/3/2019 saong 30 thun harei Biên phòng toàn dân 3/3/1989- 3/3/2019.  Rah tabiak tal 05/3, Parang iek rup thaot saong Adit phim ka Bộ đội biên phòng  hu yaih khan tal bhap bini Lạng Sơn jaik 150 blah rup thaot sambo màu, mbong jhuk haong rilo phim tư liệu ka bruk hadah hadai gah Biên phòng 60 thun tapa,  brei mboh bruk jum pataom, kak kajap ralow darah di bhap bini dom bangsa bhum taphia negar saong gah biên phòng Lạng Sơn dalam bruk tui iek, khik caga chủ quyền, an ninh biên giới taneh ia.

# Di Long An, gam haong ngak siam bruk chính trị hu jao brei, urang jakar, urang lin Bộ đội Biên phòng tỉnh Long An hu peih ngak rilo danak, rilo bruk daong ka bhap bini patagok kinh tế - xã hội. Dalam nan, bruk “yaok adit sa labik daong ka bhap bini” hu taong yaom lac siam lagaih, kein laba, daong kak kajap jang talei rohim di bol bala saong bhap bini bhum taphia negar. Hu jaik 3000 mbang urang jakar, urang lin Bộ đội Biên phòng nao daong ka jaik 600 labik. Dom bruk ngak nan hu daong pakhang jang bruk jum pataom bol bala haong bhap bini, ngak jeng biên phòng toàn dân khang kajap, rik daong dak padang rup binguk siam mekre di sa-aih "Bộ đội Wa Hồ” dalam hatung hatian bhap bini.

# Di đồn biên phòng pabah mbang negar pakat dunya La Lay, huyện Đakrông, tỉnh Quảng Trị, taong abih urang jakar, urang lin jeng ndom biai cambaih sap di bangsa Pa- kô saong sap Lào. Meng thau cambaih sap ndom panuac puac di mikva saong di bhap bini Lào ayut sahabat, Bộ đội Biên phòng pabah mbang negar pakat dunya La Lay paglaong hu bruk jak ba bhap bini, dak padang cơ sở chính trị, daong ka bhap bini cakrok patagok kinh tế, pakhang quốc phòng, an ninh, pabak hu bruk ngak pak nan.

  Likau tapa dom khau tin karei karei njauk caik hatai:

# Anak bruk mboh lac angaok dom website sap Việt brei thau, Đài Loan padeih bruk taduan raok urang ngak Việt Nam meng harei 1/3 tal, Cục Khik iek urang ngak negar lingiu di Mintri Lao động – Thương binh saong Xã hội ndom lac, bruk nan oh njauk, oh biak, ngak srau kadau tal urang ngak saong doanh nghiệp Việt Nam. Urak ini, bruk ba urang ngak Việt Nam tapa Đài Loan saong dom darak pasar karei jeng daok rah tabiak oh hu hagait salih karei.. 

# Pasak bruk ngak ilamu khoa học Văn Miếu - Quốc Tử Giám (Hà Nội) saong Pasak Lưu trữ Quốc gia IV (Cục Văn thư saong Lưu trữ Nhà nước) daok parang tabiak “Quốc hiệu saong Kinh đô negar Việt dalam Mộc bản Triều Nguyễn – inem krung tư liệu dunya” di Văn Miếu - Quốc Tử Giám. Parang iek yaih khan tal urang maong iek labaih 32 thaot binguk, harak gar saong 20 phiên bản Mộc bản Triều Nguyễn. Tapa nan hu daong ka urang maong iek thau ka asal, makna di dom Quốc hiệu saong kinh đô di Việt Nam tapa dom saman dalam sajarah.

#  Meng sa anai kumei sang kan kathaot, daok di bhum atah bayah di tỉnh Cao Bằng, Lương Ngân (ndih tapui thun 1986, urang bangsa Tày) kham merat yam tapa kan kandah, glaih glar, hu jeng 1 dalam dom urang kumei Tiến sỹ, Giám đốc khoa daok ranaih umo di abih di  Đại học Kinh tế Nam Luân Đôn, Negar Anh (London South Bank University). Meng hatai caong rik daong ka puk paga palei negar, akaok thun 2019, Ngân mai Cao Bằng 2 adit, anai vak tabiak saong pato pasram padang mbang ngui ka urang ngak nong; taom gaok, ndom biai nao mai haong doanh nghiệp trẻ ka bruk du lịch; hu mbaok tame taong yaom Đề tài “Patagok dịch vụ Logistics pabak bruk xuất nhập khẩu tapa dom pabah mbang negar di tỉnh". Lingiu di nan, anai daok hu pato sap Anh nâng cao ka anek saih./.