# Dalam tukvak mai rivang pakat karja tal Việt Nam di Tổng thống negar Cộng hòa Ác-hen-ti-na Mau-ri-xi-ô Ma-cơ-ri (Mauricio Macri), melam kabroi (20/2), Tổng Bí thư, akaok negar Nguyễn Phú Trọng hu peih tiệc payiak uan raok Tổng thống Mau-ri-xi-ô Ma-cơ-ri saong Kapul urang lambaok pakat glaong Cộng hòa Ác-hen-ti-na. Pok sap ndom di van payiak, Tổng Bí thư, akaok negar Nguyễn Phú Trọng brei thau, yaom lac daok atah gauk, min bhap bani Việt Nam tuk halei jeng hu pamaong tal taneh aia Ác-hen-ti-na prong prang saong siam gheih, anek manuac salut mbut siam hatai, hadah krah saong năng động. Abih di nyu, dom kham merat di Ác-hen-ti-na hu jeng sa taneh aia hu bruk ngak mbang kinh tế praong ka 3 di Mỹ Latinh ngan haong vị thế saong sap ndom quan trọng di khu vực saong angaok duanya njauk taduan mek hu bruk pachreih saong iek prong di ayut dunya, dalam nan hu Việt Nam.

# Mesup harei  21/2, di Nhà Quốc hội, Ủy ban Thường vụ Quốc hội peih nyaom biai  mbang ka  31 piah mek panuac ka dom asar kadha caga pok tagok  Quốc hội mbang nyaom ka  7, Quốc hội mbang  14. Di nyaom biai ni , Ủy ban Thường vụ Quốc hội hu brei panuac ka dom bruk karei di gauk di  dự án Hukum pasiam veik pabak dom paka  di Hukum  Đầu tư công; dự án Hukum  Quản lý thuế (pasiam veik); pang rajaei pathau khan  ka kết quả mek panuac di bhap bini ka  dự án Hukum pato pakai  (pasiam veik ). Taphia di nan, Uỷ ban Thường vụ Quốc hội hu pasang iek  Đề án tự chủ tài chính di Viện roh duah  lập pháp tuk vak  2019 - 2021; brei panuac ka bruk điều chuyển jalan ngak phun jien ngak mbang tagok kadung jien karja  di Dự án buh jien  padang ngak sang bac  Đại học Quốc gia Hà Nội di  Hòa Lạc.

  # Hadei di tuk  Thủ tướng Nguyễn Xuân Phúc tacei pato, dom doanh nghiệp pablei brah tabiak negar langiu samar peih bruk blei brah tame ka urang nong di dom tỉnh Tiền Giang, Đồng Tháp, Kiên Giang, Cần Thơ…Lambaok Công ty Lương thực Sông Hậu (Cần Thơ) brei thau, công ty hu labaih 700 ha labik nguyên liệu pambuak bruk haong dom hợp tác xã ngak tabiak pajaih padai Jasmine 85 saong urak ini daok ginum biai ka yaom blei tame saong dom hợp tác xã. Công ty Sông Hậu hu blei tame blaoh 10.000 tấn, daok veik 50.000 tấn meda hu peih ngak meng ini tal abih vụ yuak.

 # Drak pasa urang ngak hadei di Tết di  TPHCM thun ni takik kan kandah kayua dom  doanh nghiệp samar hu sarak đãi ngộ piah khik takai urang ngak  Urak ni, ban raya dok khin palih ruah 30.000 urang ngak dalam bilan 3 anak tal  . Tui  ông Trần Anh Tuấn, Phó Giám đốc Pasak  Dự báo nhu cầu nhân lực song khau  tin drak pasa urang ngak  TPHCM, hadei di Tết dom doanh nghiệp hu pataom tame palih ruah rilo urang ngak piah pabak ka bruk  tagok sản xuất song pablei salih. Kayua yau nan ye, ni lac jalan ngak ka dom urang ngak, abih di nyu nan lac sinh viên, học viên bahrau bac tamat bloh duah hu bruk ngak, song urang ngak khin salih bruk karei piah duah bruk lagaih jang.

 # Anak thông tin jit tả pabui châu Phi hu mboh di Việt Nam, gah raong glang tỉnh Đồng Nai hu peih ngak dom jalan ngak pacang caga jit. Tui nan, Đồng Nai meda ba brei ka urang raong glang thông tin ka jit ruak saong dom jalan pacang caga jit; jhul pakhang dom jalan ngak pasang iek dịch tễ, pacang sang iek catang dom canah jalan pajeng ba pabui meng gah barak tame. Langiu di nan, jabat chức năng jeng hu peih ngak dom mbang tiêu độc khử trùng dalam tỉnh, pasang iek catang dom labik thik raih, meyah duah mboh sruh jit ye ba nao am cuh chip tapul pabui nyaom mbak ruak saong dom tapul pabui daok jaik taphia nan mbuan si njaom mbak ruak. Urak ini Đồng Nai nan lac tỉnh hu drei pabui rilo abih dalam negar ngan haong jaik 2,4 triệu drei.

Khaw tin dunya:

# Harei kabroi 20/2, labaih sa ribau mbang par di dom mblang kapan haoh di Mỹ njauk tah klaak kayua bão tuyết laik di gah  timun negar ni dalam nan hu dom ban prong yau  Niu Yoóc, Phi-la-đen-phi-a, Oa-sinh-tơn ….Tui jabat  khí tượng Mỹ, thun ni, negar ni hu  tuyết laik rilo bất thường. Thống đốc bang Niu Giơ-xi (New Jersey), Mơ-phi (Phil Murphy) hu pathau khan jip, kakei urang peih radeih caik hatai sangka dalam bruk tuyết laik rilo

  # Jeng dalam harei 20/2, sa tòa án di bal Yô-cô-ha-ma (Yokohama), Nhật Bản tabiak phán quyết mek raja-ei Nhật Bản saong Công ty điện lực Tô-ki-ô (TEPCO) ba-yar bồi thường 419,6 triệu yên (jaik 3 triệu 800 ribau đô la  Mỹ) ka bhap bani dalam bruk rò rỉ phóng xạ meng sang mac điện hạt nhân Phư-cư-si-ma Đai-i-chi (Fukushima Daiichi). Ini lac mbang ka 5 raja-ei Nhật Bản njauk tuyên phạt kayua  bala megei baoh taneh 9,1 độ Richter ngak jeng riyak prong di gah miền Đông negar ini ba tal bruk sang mac điện hạt nhân Phư-cư-si-ma Đai-i-chi meng thun 2011 njauk rò rỉ phóng xạ.

          # Trung Quốc cong khin , nyaom biai pakat glong Mỹ - Triều Tiên di urang pal akaok  Triều Tiên Kim Châng Ưn song Tổng thống Mỹ Đô-nan Trăm (Donald Trump) hu rah tabiak di  Hà Nội, Việt Nam dalam  2 harei 27-28/2 anak tal meda hu dom salih bahrau. Pathau khan hu urang ba panuac di mintri  Ngoại giao Trung Quốc Cảnh Sảng bahrau batabiak di nyaom biai  Ong Cảnh Sảng ndom lac, Trung Quốc kham merat rik dong ka bruk jak jeng  di nyaom biai./.