# Lambaok Thường trực Tỉnh ủy, HĐND, UBND, UBMT negar Việt Nam tỉnh Đắk Nông saong urang pan akaok dom huyện, ban sit hu ba kaok dom kapul nao ravang, alin hadiah pandap ka labaih 7.300 sang uirang buh pren ka cách mạng, gauk gar liệt sĩ saong sang kan kathaot urang bangsa takik daok dalam tỉnh, ngan saong dom pok pandap yaom abih tih lac 2 tỷ 750 triệu đồng. Lingiu di nan, dom kapul hu nao ravang, alin hadiah pandap dom đơn vị bộ đội, công an, biên phòng, jabat ngak bruk di tuk Tết, saong dom pok pandap yaom abih tih 1 tỷ 370 tỷ đồng.

#Công an Ban Tuy Hòa, tỉnh Phú Yên brei peih bruk ngan saong Trung tá Huỳnh Minh Lễ, Phó Công an phường Phú Thạnh kayua taong paoh bhap bini. Dahlau di ini dua harei, sa-ai Lê Hữu Quốc hu da-a tame ngak chứng ka bruk taong paoh gauk rah tabiak di phường. Tuk tame tal labik ngak bruk di phường, sa-ai Quốc ndem khang sap, ndih ngak mrai di công an phường. Trung Tá Lễ mek takai cuah tame sa-ai Quốc. Công an ban Tuy Hòa brei ka Trung tá Lễ padeih bruk saong vak veik bruk hu rah tabiak nan piah kaoh tui hukum.

# Labaih 10.000 urang ngak di công ty takhaok Mỹ Phong hu jabat ngak bruk di tỉnh Trà Vinh bahrau njauk brei padeih bruk pak di tukvak jaik Tết. Piah ba bruk ngak ka dom urang nan, hadei di tuk padeih Tết bloh, Liên đoàn Lao động tỉnh Trà Vinh meda pambuak bruk haong Sở Lao động, Thương binh saong Xã hội peih 2 mbang yaih khan bruk ngak ka dom urang ngak. Tui kuhria, dom doanh nghiệp dalam tỉnh daok caong hu 7.000 urang ngak. Lingiu di nan, Liên đoàn Lao động dom tỉnh Long An, Đồng Nai saong Bình Dương jeng hu nao duah labik caong hu urang ngak biak rilo. Hu thau, dom urang ngak njauk brei padeih bruk hu Cty Mỹ Phong bayar thưởng Tết 2019, bayar jien bilan1, bilan 2 saong dom jien karei karei tui sarak padeih bruk.

# Mblang radaih Miền Đông di Ban raya HCM hu caga labaih 200 sruh radaih piah duh ka urang nao mai dalam tuk Tet, oh luai ka urang halei daok veik kayua oh blei hu harak vé. Urang nao mai di mblang radaih miền Đông urak ini tagok rilo dut saong dom harei dahlau, tui kuhrai hu meng 35.000 tal 40.000 urang yaok harei. Meng ini tal harei 30 Tết thun sak pabui 2019, mblang radaih daok jhul pakhang bruk khik cga brei salamat di labik ini.

# Piah khik caga siam mekre salamat bruk nao mai angaok jalan dalam dom harei jaik Tết, Công an tỉnh Bà Rịa Vũng Tàu hu patagok bruk pasang iek, langyah dom bruk ngak suan gah nồng độ cồn, ma túy, pajeng rilo menuac jang tanut ba tabiak…Tapa 2 mbang tabiak bruk pasang iek dahlau, dalam saong hadei Tết Nguyên đán thun sak pabui, gah chức năng tỉnh Bà Rịa – Vũng Tàu hu ngak biên bản labaih 50 urang ngak suan hukum nao mai angaok jalan, dalam nan hu 3 urang dương tính haong ma túy.

Khaw tin dunya:

#Jabat chức năng Đài Loan brei thau hu ba sa urang tuai Viet Nam camereip abih dalam bruk 148 urang”lahik” tabiak tabiak mblang kapal haok piah gilac veik mai sang di drei mbang Tet thun sak pabui 2019. Urang kumei nan họ Nguyễn, umo jaik 50 thun, lac urang camereip di abih tabiak mbaok cảnh sát hadei di bruk148 urang Viet nduac dauk di Đài Loan. Jabat Di trú Đài Loan brei thau, dalam tukvak daok di Đài Loan, muk Nguyễn oh ngak hagait suan hukum saong pambuak bruk siam haong gah chức năng.

# Sa mbang langik la-an Bắc Cực ba tui nhiệt độ trun biar di abih kuhria meng dahlau mai daok tuh tapa rilo bhum Trung Tây saong la-an yuh di taong abih labik dalam bhum Đông Bắc taneh ia Mỹ harei 30/1. Langik la-an khang ngak ka dom bruk ngak lingiu langik yau: puh pataom mek nerak, pajeng ba thư tín gaok kan kandah. Rilo labik pablei salih njauk kreik pabah mbang. Labik la-an di abih lac di ban International Falls, mbang Min-nét-sô-ta (Minnesota), lac âm 48 độ C. Hu takik di abih 5 urang metai kayau langik la-an biak la-an di Mỹ.

# Dom kapol daong urang njauk bala Braxin hu duah mboh 99 urang metai dalam mbang calah binek padang chất thải di Kapol Va-lê adit dahlau. Labaih 250 urang lahik dalam bruk pacah binek nan urak ini oh ka duah mboh. Manuac metai meda tagok tal 360 urang. Ini lac  bala hầm mỏ ngak metai rilo manuac di abih dalam sajarah Bra-xin. Dom chuyên gia LHQ harei 30/1 hu panuac iew  brei peih bruk duah thau ka bala ini. Tập đoàn Va-lê khan lac meda buh tabiak 1,3 tỷ đô la Mỹ piah mek veik dom binek danao padang chất thải yau nan./.