# “Việt Nam brei hu dang hạng glaong ka “công nghệ truyền thông – thông tin” (ICT) ini lac caong khin di Thủ tướng Nguyễn Xuân Phúc tuk hu mbaok dalam Nyaom biai peih tabiak jalan ngak thun 2019 di mentri Thông tin saong Truyền thông dalam biar harei 15/1. Tui Thủ tướng, Mentri  TT-TT njauk patagok khang gah  an ninh mạng, Việt Nam njauk lac taneh ia khang gah bruk ngak ini, oh caik ka Việt Nam njauk taong yaom lac taneh aia mbuan laik hok thông tin dang akaok. Jeng dalam nyaom biai ini, Thủ tướng Nguyễn Xuân Phúc jeng brei thau oh ka yasa Sở Thông tin saong Truyền thông tame haong sở halei, tal tuk Thủ tướng hu sa Nghị định bahrau ka tổ chức, bộ máy.

# UBND ban sit Huế , tỉnhThừa Thiên Huế bahrau peih pakak jalan nao takai tauk kayau gỗ lim angaok kraong Hương. Jalan ini atah labaih 380 m, praong 4 m hu padang ngak di gah meraong kraong Hương meng bilan 2 aong yaom jien ngak abih 64 tỷ đồng, dalam nan hu labaih 52 tỷ đồng padang ngak tapak, 12 tỷ đồng piah caga. Ini lac sa bruk ngak iek dalam dự án ramik ngak dua gah takai kraong Hương saong yaom jien 6 triệu USD kayua Jabat pambuak bruk dunya Hàn Quốc daong brei. Bruk ba tame pandar tatua nao takai tauk kayau angaok kraong Hương ngak jeng sa labik me-in bahrau, ba bui sambai chreih chrai ka bhap bini.

# Piah patagok bruk siam mekre nao mai angaok jalan mbak dahlau, dalam saong hadei di Tết Nguyên đán Kỷ Hợi 2019, meng harei ini 16/1 tal harei  15/2/2019, Phòng Cảnh sát giao thông jalan kabak saong jalan pasei Công an TPHCM peih bruk tabiak mbaok taong phạt urang ngak suan adat hukum ka nồng độ cồn, chất kích thích ngan haong urang peih radaih nao mai angaok jalan kabak. Urang pal akaok Phòng Cảnh sát giao thông, Công an TP.HCM brei thau: dom kapul, nyaom daok dalam PC 08 meda peih bruk pasang iek yaok harei, pataom tame vaktu meng 18 tuk tal 2 tuk page mesup, peih bruk pasang iek dấu hiệu vi phạm an toàn giao thông di urang peih radaih pajeng ba tuai damuai, radaih pajeng tapa tải, radaih 4 baoh, radaih patuh 2 baoh.

# Thun ini, Pasak daong anek saih, sinh viên TP HCM daok hu alin hadiah harak radaih ka sinh viên dom tỉnh gah kreh negar nao palei mbang Tết. Tui panuac khan meng Pasak daong anek saih, sinh viên TP HCM, tal urak ini, dom sinh viên kan kandah hu taduan bloh harak radaih nao palei mbang Tết dalam danak dak “Sruh radaih bilan xuân”. Lingiu di bruk alin hadiah labaih 3.000 haradih radaih, thun ini Pasak daok hu peih danak dak “Pataom mbaok sinh viên mbang Tết atah sang” saong yaih khan bruk ngak harei Tết ka sinh viên khin ngak. 

# Page harei kabroi (15/1), di bal sit Dĩ An, tỉnh Bình Dương, dalam tuk peih di labik jalan cua, sruh radaih pajeng mbia tuan BKS: 51C-788.99  plaih sa sruh radaih pajeng pandap karei nduac cagar veik lih tapa làn ngak ka yaok rituh thùng bia tuh trun jalan. Karja palei haong yaok pluh bhap bini daok jaik nan mai daong urang peih radaih pataom mek taong abih bia, plaih njaik gar jalan nao mai. 

Khaw tin dunya: 

# Harei ini (16/1) peih nyom biai sit dom akaok mintri Ngoại giao ASEAN di ban Chiềng Mai (Thái Lan). Rah tabiak meng harei 16 tal harei 18/1, Nyaom biai pataom tame ginum biai dom bruk urak ini di ASEAN, saong lac jalan ka Thái Lan peih meta maong saong sarak ka ASEAN thun 2019 dalam labik dang lac Chủ tịch ASEAN.

# Harei kabroi (15/1), takik abih 6 urang metai tuk sa sruh gilai pajeng tuai tabaleik angaok kraong Nác-ma-đa (Narmada) dalam huyện Nan-đu-ba (Nandurbar), bang Ma-ha-rát-tra (Maharashtra), Ấn Độ. Hu 36 urang patuah hu daong veih chip saong samar ba tame sang iek ruak jaik di nan abih piah cấp cứu. Hu thau, sruh gilai pajeng jaik 60 urang ini njauk tabaleik tuk daok angaok jalan nao peih ngak adat Yang angaok kraong tukvak peih ngak lễ hội Ma-ka Xan-kran-ti (Makar Sankranti). Bruk daong veih urang njauk bala jeng daok peih ngak. Tui pasang iek duah thau akaok mereip, makna ba tal bala nan kayua gilai pajeng biak rilo manuac.

# Bruk catang tagok gah ngoại giao di Trung Quốc saong Canađa meda tagok khang jang hadei di tuk sa tòa án di ban Đại Liên, tỉnh Liêu Ninh, Trung Quốc kết án tử hình 1 urang Canađa, ngan saong tội danh lac pablei salih ma túy. Taong abih dua gah jeng hu ba tabiak panuac kakei bhap bini di drei paglaong hatai sangka tuk nao mai taneh ia ini./.