# Thủ tướng rajaei bahrau brei pabak, pasiam veik saong salih angan palei biak kan kandah, xã bhum III, bhum II, bhum I dalam bhum urang bangsa takik saong bhum ceik tukvak 2016-2020. Tui nan, Thủ tướng brei pabak 67 palei biak kan kandah kayua bala meng lingik tasik, kaoh tabiak, padang bahrau; pasang iek, brei ka 104 palei tabiak truh angan biak kan kandah; saong brei ramik veik angan xã di bhum III, bhum II, bhum I di 24 xã hu pasang iek, brei tapa bloh.

  # Labaih 2.500 sinh viên sang kan kathaot daok tui bac di dom sang bac đại học ban raya HCM hu alin harak vé oh abih jien ndih dom radaih Chuyến xe mùa xuân - Tết sum vầy nao palei mbang tết meng harei kabroi 26/1. Hu jaik 50 ribau sinh viên sang kan kathaot hu daong harak vé nao palei mang Tết meng camereip peih ngak di thun 2002 mbiah tal harei ini. Luac dom thun tapa, danak dak hu sinh viên pachreih tui, ngak brei xa hoi mboh jka gauk daong tame. Ngan saong dom urang sinh vien daok veik oh hu jien nao palei ye hu pataom mbaok tame danak dak “ Pataom mbaok sinh viên mbang Tet atah sang” raha tabiak di biar harei nan. Langiu bruk hu mbaok tame rilo kadha ngak jum pataom ngan saong urang nghệ sĩ hu angan je, labaih 2 ribau sinh viên atah sang daok tadaun hu paok pandap tet 900 ribau đồng.

# Piah ka urang kan kathaot hu mbang Tết bui sambai,  tỉnh Quảng Ngãi hu kaoh tabiak meng kadung jien karja tỉnh 11 tỷ đồng blei brah daong ka bhap bini bhum ceik. Thun ini, tỉnh Quảng Ngãi oh pok panuac likau Thủ tướngrajaei daong brah ka sang kathaot mbang Tết Nguyên Đán. Tỉnh caga hu labaih 928 tấn brah piah daong ka labaih 20 rabau sang kathaot, ngan saong jaik 62 rabau menuac. Urak ini, dom palei daok samar ngak ka nyu salah bruk brei brah ka dom sang kan kathaot dahlau di harei 25 bilan mat.

  # Kadung jien Doanh nhân saong an ninh trận tự tỉnh Đồng Nai birau hu alin brei 360 trieu đồng ka 12 urang ngak suan gilac veik diukrai siam min sang kan kathaot di tỉnh mesre piah ngak mbang, pablei salih piah padang veik jalan diuk rai siam jang. Kuhria  meng tuk hu padang tabiak di thun 2010 mbiah tal ini, Kadung jien Doanh nhân saong an ninh trận tự tỉnh Đồng Nai jak ba urang rik daong labaih 19,5 tỷ đồng meng 466 doanh nghiệp saong menuac urang dalam tỉnh. Tapa nan, hội đồng khik jien quỹ hu brei mesre phun jien oh bayar laba ka labaih 1.000 urang hoàn lương ngan saong jien yaom jien labaih 25 tỷ đồng. 

# Peih bruk jak ba “Urang Việt Nam dahlau di abih njauk pandar pandap Việt Nam” piah pok meyaom saong ngak jeng bruk pachreih ba dom doanh nghiệp padang angan pandap Việt hu angan je, chất lượng, dak padang ilamu nlei pandar di urang Việt, Báo Sài Gòn Giải Phóng hu peih bruk alin giải Angan pandap Việt  hu urang takre di abih thun 2019 ka 27 angan. Ini lac thun ka 14 Báo Sài Gòn Giải Phóng peih bruk pilih ruah saong jao giải ini. Dalam dom angan hu jao giải thun ini hu 18 angan mek hu angan pandap Việt hu urang takre di abih dalam rilo thun gam hu mban peih bruk oilih ruah saong jao pabak brei giải Angan ameh yau ye Coopmart, Big C; SaiGontourist...  Tapa 14 thun peih bruk jao giải, rilo doanh nghiệp hu pok meyaom hu dang kajap, tagok khang jang, rilo doanh nghiệp meng mbiah tagok jeng dom tập đoàn praong.

Khaw tin dunya:

  # Tui kuhria mboh birau di abih meng mbang calah binerk ia harei 25/1 di thị trấn Bu-ma-đi-nô, negar Bra-xin, hu 37 urang metai saong 287 urang lahik. Tui kuhria yaok pluh kapal haok hubrei tame daong  kayua gluk baoh kateik kapan yau nan ye kan ka gah daong urang gaok bala di mbaok taneh. Bol bala hu brei 1 ribau urang lin mai daong. Sa kapol 130 urang Ixraen ngan saong dom pandap panda birau mai daong. Rajaei Braxin hu sanya lac brei peih duah thau ka bruk calah binek ia saong brei thau urang ngak praong pambak tal bruk ini brei taong phạt.

#Đường Sơn, thành phố ngak tabiak thép praong di abih pak negar Trung Quốc, hu ba tabiak bruk kakei dahlau bruk nerak tachrauk alm moi truong pakat 2 kayua thak dhun mun. Dom sang mac ngak thép di labik ini brei trun bruk ngak meng 30 -60%, atau brei kareih pabah mbang tui bruk tathuak tabiak nerak. Dom sang mac cong nghiep karei ngak dang, xi mang, đúc saong jru tavao jeng hu iew brei patrun bruk ngak dalm tukvak tabung glaong. Dom radaih tải hu peih meng diesel jeng njauk brei takik pajeng pandap panmda. Ban Thành phố Đường Sơn thuộc tỉnh Hà Bắc, atah Bắc Kinh labaih 200km gah Đông negar ini.  

  # Tổng thống Mỹ Donald Trump mbaoh tangin brei tapa dự luật daong kadung jien karj aka rajaei ngak bruk ginup veik, tamat bruk rajaei njauk padeih meneing dalam 35 harei tapa. Gah chuyên gia kinh tế mboh lac, yaom lac rajaei hu peih pabah mbang veik, min đảng Dân chủ saong Tổng thống Donald Trump jeng oh ka njauk gauk ka jalan ngak suai lavik, nan ye nyu meda pambak khang tal bruk kinh tế saong darak pasar jien padai Mỹ./.