# Harei 10-1, di Hà Nội, Quân ủy Trung ương, Bộ Quốc phòng hu peih nyaom biai Quân chính toàn quân, taong yaom bruk pan akaok, tacei jalan peih ngak bruk quân sự, quốc phòng thun 2018 saong ba tabiak jalan ngak ka thun 2019. Tổng Bí thư, Chủ tịch nước, Bí thư Quân ủy Trung ương Nguyễn Phú Trọng mai hu mbaok saong tacei pato nyaom biai. 

Thun 2019, Quân ủy Trung ương, Bộ Quốc phòng ba tabiak jalan ngak, bruk ngak praong, lac: Pataom tame tacei pato, taong yaom njauk, kuhria mboh dahlau njauk bruk, caga tham mưu haong Đảng, Nhà nước hu jalan langyah ka nyu jayah dom bruk, dom kadha, oh caik brei bị động, tatuak drei, abih di nyu nan lac di gah chiến lược, địa bàn chiến lược; pambuak bruk haong dom mban, dom mintri, dom gah di Trung ương daong ka mBan Bí thư peih ngak siam nyaom biai pakat negar thau cambaih ka dom jalan ngak gah quốc phòng, an ninh; roh duah, ba tabiak cambaih laih, pasiam dom sarak, adat, hukum piah peih ngak hu kein laba dom bruk, dom jalan ngak dalam tukvak bahrau.

# Beir harei  10/1, di Bến Tre, UBND tỉnh Bến Tre pambuak bruk song Ủy ban bhap bini dom tỉnh Trà Vinh,Tiền Giang song Vĩnh Long peih nyaom biai padang chuỗi giá trị khang kajap  gah liu bhum  tapen tasik gah tinum bhum taneran krong Cửu Long. Nyaom biai piah tong yaom njauk bruk, njauk pren khang saong tavak tavaiy dalam bruk patagok gah liu  di 4 tỉnh, saong ba tabiak jalan ngak piah patagok chuỗi giá trị phun liu. Urak ni,  bhum taneran krong Cửu Long hu labaih 130.000 ha liu. Taeng dom tỉnh bhum tapen tasik gah timum bhum taneran krong Cửu Long hu 120.816 ha, meblah labaih 90% taneh liu bhum taneran krong Cửu Long.

# UBND tỉnh Bình Thuận brei thau, Thủ tướng Chính phủ bahrau brei daong 180 tỷ đồng ka tỉnh Bình Thuận piah peih ngakn 4 dự án pasiam glut jaleih takai tasik saong pabak pabah kraong meng jien caga di kadung jien Trung ương thun 2018. Tui nan, 4 labik glut jaleih takai tasik saong bồi lấp di kraong biak trak di tỉnh Bình Thuận hu Chính phủ hỗ daong 30-60 tỷ đồng sa dự án piah ngak pasiam veik.

# Thun bloh, gah hải quan ban raya Hồ Chí Minh kak je xuất nhập khẩu hu labaih 108 ribau ỷ đồng, tapa tanut ba tabiak. Piah jhul khang bruk salih bahrau  thủ tục hành chính song palagaih ka doanh nghiệp, thun ni Cục Hải quan ban raya HCM hu patrun 70% tuk vak ngak harak gar hải quan dut song adat. Lingiu di nan, Cục Hải quan ban raya  hu padang saong song peih ngak jalan quản trị hải quan tập trung angaok cơ sở đa tích hợp, đa nền tảng, pasiam bruk padang ngak danak dak peih ngak labik pasang iek chuyên ngành- mong ini lac jalan piah peih ngak cơ chế sa pambah mbang negar  ASEAN.

# Jaik abih dom bala meng bloh dom urang peih radaih jeng hu bruk gah pren yava, lingiu dom janih kích thích daok kayua ngak bruk biak rilo. Anak tal, kol dahlak meda hu dom quy định bahrau, kak trách nhiệm di po radaih, langayh biak catangdom lỗi chủ quan di urang peih radaih. Nagn saong dom bala ba tal metai menuac, meda mek veik harak adat peih radaih. Bruk ini hu Bộ trưởng Bộ Giao thông Vận tải  Nguyễn Văn Thể brei thau dalam mbnag ndom biai samar haong báo chí ka dom tavak tavaiy ngak ka bruk dui trun bala angaok jalan dak kan kandah saong jalan ngak piah pasiam dom bruk ini.

  Patui di ni dom khau tin dunya:

    # Ngoại trưởng Đức Hây-cô Ma-átx (Heiko Maas) harei kabroi ndom lac , dom bruk trừng phạt di Mỹ mong tame  Dự án dòng chảy phương Bắc 2 (Nord Stream 2) meda lac jalan ngak suan piah langyah bruk meriak gauk gah pabak năng lượng. Urang jakar  ngoại giao dang akaok di Đức ndom lac, dom bruk pagam tal sarak năng lượng di châu Âu njauk hu peih ngak di châu Âu. Dahlau di nan, blah báo Han-đen-xblát (Handelsblatt) di  Đức brei thau Mỹ meda  áp đặt trừng phạt ngan song  2 nhà thầu châu Âu dok hu mbaok padang ngak jalan nding khí đốt ka dự  án Dòng chảy Phương Bắc 2.

# Chủ tịch Quốc hội Xlô-va-ki-a An-đrây Đan-cô (Andrej Danko) brei thau, taneh ia ini meda peih bruk pilih ruah tổng thống di harei 16/3 tal. Kadha njauk caik hatai nan lac, bruk pilih ruah tổng thống anak tal oh hu mbaok di Tổng thống urak ini, lac ong An-đrây Ki-xca (Andrej Kiska) kayua di bilan 5/2018 ong tabiak panuac lac ong oh nduac pakacah piah duah sa nhiệm kỳ ka 2. 

        # Meng harei 10-1, bruk klaak adat oh brei blei rilo limo Anh di Nhật Bản hu ba tabiak pandar. Bruk klaak adat oh brei blei limo Anh  hadei di  23 thun ( meng tuk mboh limo di Anh njom ruak viêm não thể bọt biển BSE atau dok ieu lac limo gila) hu ba tabiak dahlau di mbang nao rivang Anh di  Thủ tướng Nhật Bản Shinzo Abe. Urang jakar ndom lac, bruk klaak adat oh brei nhập khẩu ni  hu mong yau sa pok pandap bo Thủ tướng Abe alin brei Thủ tướng Anh Theresa. Min, bruk oh brei blei jeng daok hu pandar ngan song limo binai labaih 30 bilan di Anh song dom bộ phận di limo hu mong lac mbuan si njom mbak virus BSE./.