# Bộ Kế hoạch saong Đầu tư bahrau payua Raja-ei, Thủ tướng raja-ei Harak khan ka bruk paraba bhum taneh vaktu 2021-2030 piah peih ngak Hukum Quy hoạch. Tui nan, Bộ Kế hoạch saong Đầu tư brei thau dom utrang khoa học thei jeng hu panuac lac njauk peih bruk parabha bhum taneh gilac veik dalam vaktu 2021-2030 kayua jalan ngak urak ini mboh mbo tabiak rilo tavak tavaiy. Bộ ini hu panuac caong parabha bhum taneh vaktu 2021-2030 jeng 7 bhum taneh bahrau salih ka 6 bhum yau urak ini. Tui harak pathau khan ini,  Long An saong Tiền Giang ba tame bhum taneh Đông Nam bộ.

# Diễn đàn Du lịch ASEAN (ATF) 2019 kayua  Việt Nam dang tabiak peih ngak hu rah tabiak  meng harei 14 - 19/1/2019, di Hạ Long, Quảng Ninh ngan saong kadha “ASEAN- pren khang DI bruk yasa” (ASEAN- The Power of One). Diễn đàn Du lịch ASEAN lac bruk yaok thun prong  abih di gah pambuak bruk  ASEAN ka du lịch. Tui bhain randap, dalam dom bruk di ATF meda rah tabiak dom mbang nyaom akaok mintri Du lịch, drak pasa TRAVEX gam song rilo bruk ngak karei karei. Ni lac bruk klah rabha  thông tin, jalan pambuak bruk, patagok siam lagaih pambuak bruk du lịch dalam khu vực khik ramik bruk patagok khang kajap  gah Du lịch ASEAN.

# jalan bingu Nguyễn Huệ Tết Kỷ Hợi 2019 ngan haong kadha “TPHCM – khang kajap yam atah” atah jaik 720m ngan haong rilo đại cảnh, tiểu cảnh hu ngak biak nghệ thuật meblak haong công nghệ. Jalan bingu hu rabha jeng 3 labik, jeng lac 3 kadha sit nan lac: "Bal raya bak hatai ranam", "bal raya thông minh" saong "Đô thị sáng tạo". Dalam nan, njauk ndom tal linh vật di thun Kỷ Hợi – dom drei pabui, hu caik anak pabah mbang saong tapen dua gah jalan bingu ngan haong rilo thaik binguk, praong sit, rilo sắc thái biểu cảm, brei mboh hatai lạc quan, yêu đời. Jalan bingu Tết Kỷ Hợi 2019 angaok jalan nao kabak Nguyễn Huệ meda hu peih tabiak meng melam 2/2/2019, nan lac harei 28 bialn mat tal harei 8/2/2019, njauk tame 4 bingun Tết nguyên đán Kỷ Hợi.

# Dom gah chức năng tỉnh An Giang pambuak bruk song Tập đoàn Sao Mai bahrau peih bruk pasiam veik dom hạng mục prong labik inem krung dak rai Đồi Tức Dụp (huyện Tri Tôn, tỉnh An Giang).Tức Dụp lac angan sa boh mbon  dok tapen ceik Cô Tô, di xã An Tức, huyện Tri Tôn. Dalam dom thun mesruh metak, Đồi Tức Dụp hu mong lac paga pacang khang kajap di  cách mạng. Tui dom chuyên gia gah du lịch, Đồi Tức Dụp hu hang động biak gheih  mekre song dom candaih patau pablak tame ginup kiểu, hu yaok rituh jalan sit sot song không khí hacih, bingi liar. Ni lac dom siam lagaih piah padang ngak Tức Dụp jeng labik du lịch ilamu  tâm linh – dak rai, jeng  labik du lịch hu angan dui pachreih tuai meng grauk labik mai ni.

      # Tukvak 9 tuk harei adit 13-1, angaok kênh HTV9, danak dak daoh tamia bahrau di rayo papar binguk bal raya HCM ngan haong angan “Miền ký ức” hu papar riyak mbang akaok meti, hadei di nan hu ba tagok kênh YouTube HTV Music. Ini lac danak dak daoh tamia định kỳ hu HTV padang ngak, thu hình saong papar riyak tuk page harei adit di adit ka dua yaok bilan, ngan haong tukvak 60 minit. 

# Tui roh duah bahrau  hu khan di TravelSupermarket, Paris-ban ine negar Pháp- hu dak dhi 1 dalam mbang palih ruah ban duikrai khang kadang abih di dunya, hadei di nan lac Chiang Mai di Thái Lan song  Barcelona di Tây Ban Nha. Miami dang dhi ka 6 dunya  song kasa di negar Mỹ dalam tuk London dang dhi ka 67. Bruk dak hạng ni tui tong yaom dom mblang bein, bilik pasram gym, pasak spa, dom nhà hàng chay, pasak yoga, tuk vak ia harei hadah song jien khách sạn sa melam di labaih 100 ban di dunya.

    # Urang jaka ngak praong di Campuchia harei 10-1 tah klaak dom  thông tin meng negar langiu ndom lac negar ini hu brei ka amuk Yingluck Shinawatra, urang dahlau diah ngak thủ tướng Thái Lan, hộ chiếu Campuchia. Dahlau di nan báo South China Morning Post harei 9-1 brei thau dalam bản tin lac amuk Yingluck hu pandar hộ chiếu Campuchia piah đăng ký thông tin ngak giám đốc Công ty PT Corporation Co. di harei 24-8-2018, jaik sa thun hadei di tuk amuk nduac klaak Thái Lan.

# Tỉ phú Jeff Bezos, po Amazon song jeng lac urang kaya meda abih di dunya, ngak ka dunya biak tatuak drei song panuac khan di angaok tài khoản Twitter lac duik pasang ong meda luai gauk hadei di 25 thun dok song gauk. Tỷ phú Jeff Bezos urak ni hu sa drap ar  prong jiak 137 tỉ USD ./.