# Gah pandap panda kaya nong di Liên hợp quốc pak Việt Nam (FAO Việt Nam) brei thau meda hu daong ka Cục Thú y negar drei pacang caga jit tả pabui châu Phi, khik caga siam mekre ka urang raong glang. Jit tả pabui châu Phi nan lac ruak njaom mbak di pabui saong pabui glai saong nyu ngak brei metai tal 100%, ngak khat lahik ka bruk pablei salih saong khat lahik jien padai ka gah raong pabui angaok dunya. Yau nan min, oh dreh yau cúm pabui, jit tả pabui châu Phi oh njaom mbak saong oh ba  ruak ka manuac  urang. 

# Di nyaom biai "yasa dom jalan ngak Chip Piah pacang caga jit tả pabui châu Phi" peih tabiak di Hà Nội harei 28/2, Phó Thủ tướng Trịnh Đình Dũng hu panuac ieu dom mintri, dom gah, dom puk palei peih ngak khang dom jalan pacang caga jit. Tui mintri ngak nong song patagok palei pala kuhria tal harei 27/2 jit tả pabui  châu Phi hu mboh di 96 boh sang, 33palei, 20 xã, 13 huyện di 5 tỉnh, ban. Abih tih pabui njom ruak hu ba nao am cuh lac labaih  2.300 drei.

# Mentri ngak nong saong patagok hu panuac ieu Gilang pariak karja, mentri jien padai, mentri Công Thương pambuak bruk haong gauk piah ba tabiak dom cơ chế sarak peih, daong ka dom doanh nghiệp ngak saong pablei tabiak neggar langiu brah Việt Nam hu phun jien mesre samar di abih, rilo di abih piah dang ka yaok pluh triệu urang nong di bhum taneran kraong Cửu Long pablei abih padai saong kein laba glaong. Dom gilang pariak pablei salih hu njauk gauk ka jien jhung brei ka dom doanh nghiệp mesre phun jien katut panak tukvak, peih bruk blei brah tame khik piah nan lac 6% sa thun, taong abih phun jien brei mesre nan lac 100.000 tỷ đồng.

   # Dalam tuk bruk pablei  padai  đông xuân dok pandiak di bhum taneran krong Cửu Long  ye hu sa bruk biak karei nan lac, bruk blei pong dok rah tabiak dalam chreih chrai. Piah blei hu pong, dom thương lái dok caga di dom mblang hamu tuk padai oh ka yuak. Di huyện Hồng Ngự, tỉnh Đồng Tháp, rilo jamriak mek pong ngak bruk gam gam. Urang nong pak ni brei thau, urak ni yaom blei pong tagok tal 500.000 đồng/hecta.

# Hãng thông tấn negar Triều Tiên harei ini (1/3) brei thau, urang pal akaok negar ini Kim Châng Ưn saong Tổng thống Mỹ Đô-nan Trăm hu sanya patui veik dom mbang ginum biai  piah langyah hu dom kadha, hu ba tabiak blaoh di nyaom biai pakat glaong pak Hà Nội; piah mek hu bruk phi hạt nhân hóa  jeng yau ngak jeng bước ngoặt ka talei rohim Mỹ – Triều.

Hãng tin brei thau, di nyaom biai pakat glaong Mỹ – Triều mbang ka 2, dua urang pal akaok Mỹ – Triều jeng mboh lac dom kham merat saong bruk ngak di dua gah, hu ngak brei trun căng thẳng di dua negar, jhul patagok bruk sron mbon, yam tal phi hạt nhân hóa. Saong nyaom biai pakat glaong mbang ka 2 di Hà Nội lac jalan peih tabiak praong piah ka 2 gah padang hatai jia saong paglaong talei rohim pambuak bruk di dua negar tagok sa tal glaong bahrau.

Khaw tin dunya:

# Labik pablei pandap lưu niệm gah langiu Nhà Trắng hu tabiak mbaok jien xu lưu niệm bahrau meng di tuk nyaom biai pakat glong Mỹ-Triều Tiên mbang ka 2 hu peih tabiak di Hà Nội. Jien xu lưu niệm ni hu yaom 100 USD song tok ngak tabiak 1.000 xu. Jien xu hu sap Anh song sap Triều Tiên. Bruk njauk biai nan lac, sa mbaok di jien xu hu thaot binguk Phủ Chủ tịch di Hà Nội dok di kreik.

# Harei 28-2, Hội đồng bảo an Liên hợp quốc hu buh phiếu ngan haong dua Sarak ka Vê-nê-zuê-la kayua Mỹ saong Nga ngak tabiak. dom  sarak ini piah langyah  bruk srau dhau urak ini di taneh aia Nam Mỹ ini.

# Urang pal akaok đảng Bảo thủ đối lập Anh, muk Andrew Scheer bahrau hu panuac ieu Thủ tướng Justin Trudeau likau padeih bruk hadei di tuk urang dahlau deih ngak akaok mintri Tư pháp Jody Wilson-Raybould brei thau lac rilo urang dalam rajaei gam gam kateik greik muk dalam tuk vak meng bilan 9-12/2018 piah ba tangin tame bruk truy tố SNC-Lavalin. Tập đoàn padang ngak SNC-Lavalin hu trụ sở di Montreal ni  njauk buộc tội hối lộ dom urang jakar Libya dalam tuk vak meng thun  2001 tal thun  2011 piah  salih mek dom hợp đồng./.