# Melam 14/1, di bal sit Gia Nghĩa, tỉnh Đắk Nông bahrau rah tabiak Lễ hội ilamo jih dalah Việt Nam mbang ka sa. Mai hu mbaok saong brei panuac, Thủ tướng Nguyễn Xuân Phúc ndom lac, njauk pamaong tal gah kinh tế ngan haong dom pren khang njauk ngak brei medeih tagok dalam yaok blah jih dalah bo mikva ngak tabiak ngan haong taong abih niềm tự hào ka asal ilamo, dom janih biak karei hu  brei mboh meng dom chất liệu khan bai.

# Bruk tamat Thun du lịch negar 2018 Hạ Long - Quảng Ninh saong Gala salam uan jak jeng ginum biai ATF 2019 saong Thun du lịch negar 2018 hu peih tabiak tuk melam 18/01/2019 di labik ravang me-in, padeih padei Sinh thái FLC, ban sit Hạ Long, tỉnh Quảng Ninh. Bruk ini tui kuhria pachreih hu 1.900 urang lambaok dalam taneh ia saong lingiu negar mai taom gaok, ndom biai nao mai... brei mboh bruk jum pataom saong pambuak gauk patagok di dom negar dalam ASEAN saong dom taneh ia karei di duya. Gam saong bruk pataom iek veik Thun Du lịch negar 2018 saong adat pok dok luân lưu Thun Du lịch negar 2019 ka tỉnh Khánh Hòa, danak dak daok hu rilo kadha daoh, tamia biak gheih salam uan jak jeng Diễn đàn Du lịch Asean 2019 saong Thun Du lịch Negar 2018. 

 # Harei 14/1, tui panuac khan meng rilo sang iek ruak di bal raya HCM saong Hà Nội, ruak sởi daok tamuh khang  veik di urang prong saong uranaih. Di sang iek ruak Bệnh Nhiệt đới TPHCM, dom urang ruak  lac urang ruak prong daok ndih iek ruak kayua njauk sởi meblah tal meteh dom urang njauk ruak. Tui Bác sĩ chuyên khoa Huỳnh Thị Thúy Hoa – akaok khoa Nội A, Sang iek ruak  Bệnh Nhiệt đới TPHCM, urak ini urang njauk ruak sởi mboh biak rilo dut haong tukvak ini thun dahlau. Cambaih laih, tabung glaong abih dalam thun 2018 nan lac bilan 12, sang ruak hu iek ruak ka  269 urang njauk ruak sởi; min urak ini, yaok harei hu 65 – 70 urang mai iek ruak. Manuac urang ruak tame ndih iek ruak dak harei dak rilo, yaok harei hu jaik 20 urang. Daok pak sang iek ruak Bạch Mai, Hà Nội, dom harei jaik di ini, yaok harei hu meng 3 tal 5 urang ruak tame sang iek ruak dalam nan hu gam urang metian.

# Công an huyện Long Thành saong Chi cục Thú y huyện Long Thành, tỉnh Đồng Nai bahrau am cuh klaak labaih 3 tấn ralow, tai jai tung pruac pabui ruak, pabui metai hu duah mboh di sa labik sik ngak ralow di xã Long Phước, huyện Long Thành. Dahlau di nan, tuk jala pandiak harei 13/1, di labik sik ngak ralow di ong Lê Tấn Đạt (39 thun) daok di ấp 5, xã Long Phước, gah chức năng vaih tame pasang iek saong mboh hu yaok pluh drei pabui ruak, pabui metai daok caga sik ngak ralow. Pak ini, kapul daok mboh hu rilo ralow, tia jai, tung pruac pabui mbau bruk daok caga ba nao pablei, taong abih ralow nerak nan tagok tal labaih 3 tấn. 

# Biar harei kabroi (14/1), jaik sa rituh baoh sang dalam hẻm 145 jalan Lê Hồng Phong, Phường 3, thành phố Sóc Trăng, tỉnh Sóc Trăng oh hu aia pandar kayua  kapul ngak jalan tathuak aia nerak ngak pacah jalan mbrong ba aia ka taong abih dom baoh sang di labik ini. Ini lac mbang ka klau dalam sa bilan tapa di labik hẻm ini njauk pacah mbrong aia, mbang jaik abih nan lac sa adit dahlau jeng ngak aia dauk rilo baoh sang. Rilo bhap bani dalam hẻm 145 jalan Lê Hồng Phong biak duh hatai kayua lac meng tuk thi công tal ini, bruk nao mai biak kan kandah, radaih patuh oh nao tame dalam sang hu njauk payua gah langiu sang bac anak hẻm blaoh nao kabak tame sang.

Khaw tin dunya:

# Harei kabroi (14/1), ban ine Băng cốc di Thái Lan daok me-om bak thur mur saong meng dom công trình padang ngak. Tanut di dom asar thur mur jhk hu ieu lac PM 2.5 daok yam tapa tanut an toàn di 30 dalam abih tih 50 quận di Băng cốc dalam rilo harei. Dalam dom adit jaik di ini, công nhân ban ine hu pruh ia rah tui dom jalan saong pruh tagok langik di Băng cốc piah ngak brei trun takik thur mur, dalam tuk karja ieu menuac sia daok dalam sang.

# Takik abih sa urang metai, 4 urang lahik hadei di tuk sa baoh sang jaleih dalam mbang patuh di bal sit Sác-ty (Shakhty) di Nga harei 14/1. Tui  Hãng thông tấn Nga TASS, dalam abih tih 140 urang daok dalam baoh sang nan, hu 14 urang daok dalam dom baoh sang jaleih abih. Dom urang jakar medhil lac bruk patuh ini kayua khí cuh. Urak ini gah cứu hộ daoh duah menuac lahik hadei di mbang patuh

# Rajaei Mỹ daok mek hu kỷ lục bahrau ka dom harei kreik pabah mbang tal 25 harei. Makna lac kayua Tổng thống Đô-nan Trăm (Donald Trump) jeng daok oh ka brei tapa kadung jien karja meyah dalam nan oh hu jien daong ka bruk padang daning biên giới haong Mexico. Đảng Dân chủ oh njauk hatai yaom jien 5,7 tỷ USD brei ka bruk ini./.