# Page ini (18/1), pak Hà Nội, Ban Tổ chức Trung ương peih Nyaom biai pakat negar pataom iek veik bruk dak padang Đảng thun 2018, ba tabiak jalan ngak thun 2019. Nyaom biai hu peih ngak trực tuyến di 64 điểm cầu dalam negar. Mong iek veik thun 2018, bruk njauk caik hatai nan lac gah dak padang Đảng hu peih ngak catang, siam, hu kein laba Sarak Trung ương 6 khóa 12 ka bruk pakhang, pasiam, rami ramik veik bộ máy pambuak haong tinh giản biên chế saong rami ramik veik kapul urang jakar, công chức, viên chức.. Min gah chất lượng, cơ cấu kapul nyaom urang jakar saong bruk  urang jakar jeng daok dom cuang kandah, tavak tave saong suai hu pasiam veik. Thun 2019 lac thun kuhria caga ka nyaom roya đảng bộ dom pakat yam tal nyaom roya  13 di Đảng. 

  # Biar harei kabroi 17/1, di Hà Nội, Jabat Rajaei, Gilang pariak dunya saong kapul sahneng duah Việt Nam peih ginum biai, taong yaom bruk dak caga ka Chính phủ số saong Dữ liệu mở di Việt Nam. Kadha ini daok dalam bruk daong ilamu kỹ thuật di Gilang pariak dunya brei ka Rajaei Việt Nam piah jhul patagok Rajaei điện tử di Việt Nam hu siam lagaih, kein laba. Brei panuac di nyom biai, Akaok mintri, Chủ nhiệm Jabat Rajaei Mai Tiến Dũng brei thau, anak tal meda taong yaom tani tanat bruk hạ tầng, dak padang cơ sở dữ liệu negar pambuak tal taneh riya, menuac sia, je, hải quan... Abih di nyu nan lac, thun 2019 meda pataom tame thanh toán điện tử.

  # Tỉnh Đắk Lắk daok duah thau bruk bhap bani njauk lah pachot tuk tut angan bac peih radaih angaok Facebook. Tui panuac khan, sa blah mạng xã hội Facebook brei thau ka "Sang bac pato peih radaih ô tô hu angan je, yaom lap abih di Đắk Lắk" ngan haong dom panuac ieu daa biak pachreih hatai. Jien bac mek harak adat peih radaih ô tô B2 tok meng 6 - 8 triệu, bằng C meng 8 - 10 triệu saong abih di nyu nan lac manuac urang tame bac di labik ini thei jeng mek hu bằng. Labik pato ini khan lac drei daok dalam Sang bac Đại học Pacang khauh padam khuah, min tapa duah thau ye oh njauk yau nan. Urak ini, cơ sở ini daok kareik pabah mbang, dom số phon vak angaok bảng hiệu jeng oh iew hu.

  # Danak dak “Tết ngak bruk siam” Xuân Kỷ Hợi 2019 kayua Kapul urang ngak nong TPHCM peih tabiak piah rik pataom jien daong ka urang ngak nong kan kathaot saong jaik si kan kathaot bahrau rah tabiak di melam 17/1. Patui jalan patagok ilamu anit ranam gauk, daong brei gauk di dom jabat, đơn vị, doanh nghiệp saong dom urang ngak pahla, Kapul urang ngak nong ban raya peih danak dak “Tết ngak bruk siam” Xuân Kỷ Hợi 2019 piah daong ka urang ngak nong kan kandah 2.100 paok pandap tết, 100 sổ tiết kiệm, 1.500 pok jien bac Lương Định Của saong 300 pandap ngak nong… rik daong jalan ka urang ngak nong tabiak truh kathaot khang kajap. Abih tih yaom jien jak ba hu, lac 12 tỷ đồng. 

# Lebanon dit mbang CHDCND Triều Tiên 4-1, min jeng oh tame hu bo caik meta maong Đội tuyển Việt Nam tame vòng 1/8 Asian Cup 2019. Yaom lac jayal 4-1 anak CHDCND Triều Tiên piah gam hu 3 điểm, hiệu số -1 yau Đội tuyển Việt Nam, min Lebanon oh tame hu vòng 1/8, tuk njauk rilo thẻ vàng jang. Yau nan, Đội tuyển Việt Nam  lac đội bóng puac abih tame hu vòng 1/8 Asian Cup 2019. Đối thủ di gru saih Park Hang Seo nan lac Jordan, kapul caoh daok ngak ka urang caik hatai sangka, dut dit mbang Australia, Syria saong hòa Palestine di giải caoh thun ini. Mbang caoh di Đội tuyển Việt Nam saong Đội tuyển Jordan rah tabiak di harei 20/1 tal. 

Khaw tin dunya:

# Pathau khan angaok harak tạp chí khoa học Advances in Atherheric Sciences brei mboh lac tasik praong daok pandiak tagok. Dom urang ilamu mboh lac, dom tasik praong njom rilo pandiak meng khí quyển kayua khí sang camin tabiak meng dom bruk ngak di anek menuac.Bruk tasik praong pandiak tagok daok ngak brei ia tasik tagok glaong, ngak kan kandah tapak tal dom puk palei daok tapen tasik.

#  Dalam kham merat piah langyah bruk nerak thải nhựa, klau công ty hóa chất prong di Nhật Bản harei 17/01 brei thau meda rik daong jaik 10 tỷ yên ( samu 92 triệu đôla Mỹ) ka kadung jien dunya hu angan "Pambuak gauk ngak palahik nerak thải nhựa" hu meng 30 công ty angaok dunya, piah buh jien tame 1,5 tỷ đôla Mỹ ka bruk kham merat khik ramik saong ngak veik nerak thải nhựa siam jang dalam thun anak tal. Nhật Bản lac negar hu nerak thải nhựa kuhria tui akaok manuac glaong dang ka 2 angaok dunya hadei di Mỹ. Negar ini sanya lac meda cakak trun  25% nerak thải nhựa dalam pluh thun anak tal.

# Dom urang ilamu di Đại học Queensland, Australia, hu cakrok công nghệ bahrau bo urang caong lac meda dui katut panak tukvak ngak vaccine, bhian dui atah yaok thun atau pluh thun trun daok 26 adit meyah hu jit rah tabiak di dunya. Kapul roh duah hu cakrok patagok 1 công nghệ ieu lac pacang, khikphân tử ngak brei tani tanat dom protein di virus lac labik mbang tame dahlau abih di hệ miễn dịch. Dom ngak iek tal urak ini brei mboh siam lagaih dalam bruk pacang caga dom virus cúm, Ebola, Nipah saong coronavirrus ba tal hội chứng hô hấp cấp  bhum Trung Đông (MERS)./.