# Mbang nyaom ka 31 di Ủy ban Thường vụ Quốc hội khóa XIV tui kuhria meda peih tabiak dalam 2 harei, 21 saong 22/2 tal. Di mbang nyaom ini, Ủy ban Thường vụ Quốc hội meda brei panuac ka dom kadha daok hu panuac karei di gauk di dự án: Hukum pasiam veik, pabak dom paka di Hukum Đầu tư công; brei panuac ka dom kadha daok hu panuac karei di gauk di dự án Hukum khik iek thuế (pasiam veik); đề án tự chủ jien padai di Viện Nghiên cứu lập pháp tukvak 2019-2021; brei panuac ka bruk điều chuyển kế hoạch phun jien đầu tư patagok kadung jien karja di dự án đầu tư padang ngak Sang bac Đại học Quốc gia Hà Nội di Hòa Lạc saong pang Raja-ei khan brei thau ka bruk pataom mek hatai saneng di bhap bani ka dự án Hukum Pato megru pasiam veik.

# Hareik di bhap bini oh hu pataom mek meyah oh phân loại. Ni lac sa dalam dom jalan ngak khang di TP.HCM piah ka bhap bini paglong akaok sahaneng dalam bruk  phân loại hareik. Tui nan, chất thải rắn hu neh jeng  3 nyaom dalam nan chất thải hữu cơ mbuan ralai, pandap klaak meda pandar veik, ngak veik saong dom janih hareik daok veik. Langiu di bruk oh pataom mek, bruk sang halei oh neh hareik tabiak dok njauk phạt jien meng  15 tal  20 triệu đồng. TP.HCM urak ni dok jhul pakhang bruk pathau khan ka bhap bini piah tal Quý II/2019, bruk neh hareik di sang hu peih ngak di grauk labik dalam ban raya.

# Amariak kalu tasak bhong bak bein min bhap bani oh pah hu manuac paik gam haong yaom pah urang paik tagok dua mbang nan ye raja-ei huyện Châu Đức, tỉnh Bà Rịa – Vũng Tàu hu jak ba jaik 600 urang dalam nan hu lực lượng dân quân, dam dara saong dom kapul nyaom bhap bani daong mikva paik amariak kalu. Huyện Châu Đức hu jaik 7.500 ha, urak ini mblang taneh daok paik baoh nan lac 6.500 ha. Dom thun dahlau yaom amariak kalu biak glaong meng meng 150 – 200 ribau đồng/kg min dua klau thun ini yaom amaik kalu laik saong dalam tukvak ini daok meng 45 – 47 ribau đồng/kg.

# Melam bloh (17/2), Kapul ngak bruk hu Đội đặc nhiệm di Jabat pacang caga ma túy song tội phạm (Bộ đội Biên phòng tỉnh An Giang) song Đồn Biên phòng Nhơn Hưng khik iek di labik mốc biên giới 270 song duah mboh dom urang cakon rilo thùng carton meng gah Campuchia mai Việt Nam. Kapul ngak bruk pandar, dom urang ni padeih takai piah pasang iek min dom urang ni klaak abih pandap panda bloh nduac klak nao gah Campuchia. Pasang iek dom pandap panda klaak veik, kapul ngak bruk mboh dalam dom  thùng carton hu 3.500 pok pakao ngoại nhập lậu dom janih. Urak ni di  Đồn Biên phòng Nhơn Hưng hu ngak  biên bản khik mek dom pandap nan song ngak  harak gar piah duah thau, pasang iek langyah tui adat hukum.

# Công an tỉnh Bình Định daok duah thau, ngak brei cambaih bruk dua diuek pasang daok di xã Hoài Phú, huyện Hoài Nhơn, tỉnh Bình Định njauk  điện giật metai di  paga pasei darui tuk nao tabiak bein patei ngak bruk. Tui panuac khan tuk akaok mereip, biar harei 16/2, duik pasang ong L.Q.Đ., urang hadiuk lac amuk P.T.T, daok di thôn Lương Thọ 3) tabiak bein patei di sang daok di labik danao Cự Lễ (daok iew lac danao Bà Ký) piah ngak bruk. Kayua hadiuk pasang ong Đ. Oh thau hala page pasei darui hu điện nan ye mek tangin pal tame paga njauk điện giật. Dua urang metai chip di labik.

Khaw tin dunya:

# Bruk pakacah gauk ngak Tổng thống Indonesia thun 2019 daok pandiak tagok song bruk ndom biai nao mai mbang ka 2 di Tổng thống Joko Widodo song đối thủ Prabowo Subianto. Melam kabroi (17/2), bruk ndom biai nao mai rah tabiak  pataom tame 5 kadha lac: năng lượng, môi trường, cơ sở hạ tầng, pandap mbang song tài nguyên thiên nhiên. Bruk ndom biai nao mai nan lac tuk piah ka dom  ứng cử viên ba tabiak meta mong song jalan ngak di drei dalam 5 kadha hu ndom tal. 2 ứng cử viên hu abih tih 5 mbang  ndom biai nao mai tapak dalhau di tuk hu palih ruah dalam harei 19/4 anak. Bruk ndom biai nao mai tapak mbang 3 hu rah tabiak dalam harei 17/3.

# Ai Cập daok kuhria ba bal ine hành chính bahrau jeng bal oh pandar jien mbaok akaok meti dalam negar. Akaok mentri Truyền thông saong Công nghệ thông tin Ai Cập Amr Talaat hu van taom gaok haong Phaok Akaok Tập đoàn Mastercard Michael Froman piah ginum biai ka dom jalan ngak di công ty dịch vụ tài chính ini pak Ai Cập ka bruk thanh toán raja-ei điện tử. Bruk ngak ini meda pachreih thương mại điện tử, yau sa bineh dalam jalan ngak piah ba puk palei Kim tự tháp jeng sa pasak jien padai xuyên khu vực saong jhul patagok bruk tăng trưởng toàn cầu tapa dom bruk ngak mbang pablei salih.

  # Jakarta meda hu jalan radeih điện ngầm cao tốc bahrau song rajaei Indonesia daok caong lac, ini jalan ngak camereip piah langyah bruk gar jalan di Jakarta. Tuk camereip hu peih tabiak dalam bilan 3 ngan song 14 mbang radaih pasei peih meng 5 tuk mesup tal kreik melam. Radeih pasei kayua Công ty Nippon Sharyo di Nhật Bản ngak, yaok mbang meda pajeng 1.950 menuac song  tốc độ meng 80km/tuk di jalan pasei glong  song 100km/tuk ala haluk. Jalan atah  15,7km meng Lebak Bulus pambuak ngoại ô gah merong song pasak Jakarta./.