# Daok labaih 10 harei tra tal Tết Nguyên đán Kỷ Hợi 2019, rilo bruk ngak piah ba Tết ka urang ngak hu rai diuk kan kandah daok hu dom puk palei, dom jabat peih ngak:

      # Piah pabak bruk pablei salih, ba bui sambai uan raok tết di bhap bani,  UBND TP. Phan Thiết , tỉnh Bình Thuận hu tabiak bruk padang darak Tết Nguyên đán Kỷ Hợi 2019. Darak tết hu peih tabiak dalam 6 harei meng harei 30/1 tal harei 4/2/2019.  Darak tết lingiu di bruk lac labik pablei salih pandap panda kuhria caga ka thun bahrau bo daok lac sa janih ilamo meng kan di urang Việt. kayua yau nan ye, UBND TP. Phan Thiết pandar dom ngành hàng hu mbaok dalam labik darak tết njauk rami ramik ka nyu siam piah ba mbuan laghaih ka bruk pablei salih, rivang ma-in, blei pandar di bhap bani saong tuai damuai.

    # Piah ba bui sambai saong pabak bruk daoh tamia di urang ngak tuk Tết Nguyên đán Kỷ Hợi 2019, Liên đoàn Lao động tỉnh Bình Dương pambuak bruk song Sở ilamu - Thể thao song Du lịch peih  20 melam doh tako danak dak “Uan Đảng, uan xuân” di dom labik hu rilo urang ngak, dom  khu công nghiệp, urang ngak oh hu jien nao palei mbang Tết. 

# Công ty Điện tử Samsung Vina daok peih ngak danak dak “Mboh Tết prong, uan Tết prong” ngan haong hatai caong khin pambak prong dom bui sambai, không khí Tết mai tal dom urang ruak hu rai diuk kan kandah. Samsung hu alin bei saong pagam 200 Smart TV ka 200 duk iek ruak di  4 sang iek ruak di Hà Nội saong bal TPHCM, nan lac: Sang iek ruak Ung bướu saong sang iek ruak Bhap bani 115 di TPHCM; Sang ruak Bạch Mai saong Sang ruak Trung ương Quân đội 108 di Hà Nội) piah palaghaih ka dom urang ruak hu mong iek danak dak thể thao, giải trí tuk daok ndih iek ruak dalam tuk Tết Kỷ Hợi 2019.

  # Khol hulin likau tapa dom khau tin karei karei njauk  caik hatai

        # Kapul pasang iek liên ngành hacih saat pandap mbang menyum huyện Châu Phú, tỉnh An Giang bahrau pasang iek hacih saat pandap mbang menyum di dom janih pandap hu pandar rilo tuk Tết Nguyên đán Kỷ Hợi 2019 di dom labik ngak, labik pablei salih dalam tỉnh. Kapul hu pasang iek harak adat pablei salih, chứng nhận chất lượng, bruk niêm yết yaom dom janih pandap song peih ngak dom quy định ka bruk hacih saat pandap mbang menyum. Bruk pasang iek nan hupeih ngak meng ni tal harei  31/1/2019.

   # Dalam dom harei ini, bhap bani bal sit Cái Đôi Vàm, huyện Phú Tân, tỉnh Cà Mau daok jar var pambu ikan thu piah pablei tabiak darak pasa. Ong Nguyễn Văn Tùng, daok di khóm 4, bal sit Cái Đôi Vàm brei thau: Tết ini, dahlak pablei tabiak darak pasar 6-8 tấn dom janih ikan thu, tagok jaik 2 mbang dut haong dom bilan karei. Tapa nan, sang ong meda laba hu 40-60 triệu đồng. 

Khaw tin dunya:

# Sang bac Đại học Ót-xphót (Oxford), Anh bahrau brei thau lac padeih taduan bruk dong meng tập đoàn công nghệ Hoa-uây (Huawei Technologies)- lac labik pabak thiết bị mạng viễn thông dang akaok di dunya, hadei di tuk pasang iek talei pambuak bruk di tập đoàn ni song rajaei Trung Quốc. Hãng tin Roi-tơ (Reuters) ba panuac di sang bac Đại học Ót-xphót brei thau , sang bac  đại học ni  tabiak panuac harei 8/1 meng bloh lac oh duah bruk daong bharau meng Hoa-uây dalam tuk vak urak ni.  

# Raja-ei Thổ Nhĩ Kỳ bahrau trục xuất sa urang vak báo Hà Lan daok ngak bruk ka sa blah nhật báo dang akaok gah jien padai di negar ini kayua medhil lac pambuak pagam haong khủng bố. Blah Hét Phi-nan-xi-li Đa-blát (Het Financieele Dagblad) di Hà Lan dahlau di nan brei thau, urang vak báo An Bô-éc-xma (Ans Boersma), 31 thun njauk cap mek di harei 16/1 tuk nao tal văn phòng dom dịch vụ nhập cư di bal I-xtan-bun (Istanbul) piah dui atah thun bilan thị thực. 

# Hãng Reuters brei thau, sa tòa án di ban Lyon, Prang hu klaak harak adat  brei pablei salih dom janih jru pametai hareik mboh lac oh khik hu siam mekre di hãng Monsanto. Phiên tòa nan ndom lac, Jabatsiam mekre pren yava negar  Prang njauk di nyu brei mong iek tani tanat jang ka dom kadha ngak jhak tal pren yava  meng jru pametai hareik Roundup Pro 360 di Monsanto dahlau di tuk brei adat pablei janih jru ini di bilam 3-2017. Tòa án ndom lac, dom roh duah saong ngak iek di anek athur brei mboh  hàm lượng độc tố dalam jru ni  meda ba tal  ung thư ka anek menuac./.