# Harei ini (19/2), Raja-ei nyaom biai ka bruk blei khik piah padai brah di Bhum taneran kraong Cửu Long. Dalam tukvak jaik di ini, yaom padai di bhum taneran kraong CL daok trun yaok harei. Bruk ini hu mboh meng dahlau di Tết Nguyên đán. Dalam tukvak nan, yaom padai  trun jaik 1.000 đồng/kg. Bilan padai Đông Xuân nan lac bilan padai prong abih dalam thun. Bilan padai ini brei rilo padai saong chất lượng siam abih. Rilo urang nong caong khin, bruk ini ngan haong dom mblang taneh yuak kuak hadei di Tết Nguyên đán meda hu pasiam veik. Yau nan min, kuhria tal harei ini, yaom padai jeng daok trun. 

# Xã Phước Bình lac xã bhum ceik atah abih di  huyện Bác Ái, tỉnh Ninh Thuận. Dahlau deih anek saih klaak bac hadei di tết biak rilo, min thun ni karja pak ni song gru pato kham merat jak ba amaik ame, anek saih, hu khan brei thau cambaih laih tuk vak bac meng avar piah amaik ame samar ba anek nao bac. Dom anek saih nao bac dalam dom harei akaok thun bahrau hu labaih 90%. Urak ni, dok kurang mbaok 21 adei, meblah labaih 6%, kayua njauk ruak atau tui amaik ame nao mbang tết atah oh tagok dar, min amaik ame hu ieu phone likau adat, sinya samar ba anek nao bac veik dalam tuk vak anak tal.

# Urak ini hu 43 tỉnh, bal dalam negar hu urang njauk ruak sởi, rilo meng lac di dom tỉnh, bal gah meraong negar. Di tỉnh Đồng Nai, meng akaok thun 2019 tal ini, tỉnh hu labaih 500 urang njauk ruak sởi njauk tame sang iek ruak, dalam nan hu dom urang njauk ruak trak. Daok veik di bal raya HCM, kuhria tal tukvak ini hu labaih 978 urang njauk ruak sởi. urak ini ruak sởi hu mboh di taong abih 24 quận - huyện. Dalam abih tih dom urang njauk ruak sởi hu tal 95%  lac oh ka klauk jru pacang caga vắc xin sởi. Tui taong yaom di dom chuyên gia y tế dự phòng, ruak sởi daok tagok rilo, dom puk palei karei dalam negar saong langiu negar jeng daok patagok manuac urang njauk ruak sởi.

# 10 triệu đồng song 7,5 triệu đồng lac 2 yaom phạt hành chính hu batabiak ka 2 urang di Hải Dương song  Điện Biên, kayua đăng tin suan angaok  mạng xã hội Facebook. Dahlau di nan, harei 22/1, sa urang likei ndih tapui thun 1993 hu đăng thaot binguk di sa urang njauk rambuac, băng di akaok tagok blah Facecook cá nhân, lac urang ni njauk blah tuk nao suak jien di mbaik ATM. Hadei di tuk pasang iek, duah thau,mboh lac bruk ni oh biak, UBND huyện Nam Sách, tỉnh Hải Dương tong phạt 10 triệu đồng ngan song bruk ni ka duh brei thau suan angaok mạng xã hội, ngak srau kadau menuac urang. Dok di Điện Biên, po sa tài khoản Facebook jeng njauk  taong phạt 7,5 triệu đồng kayua ba tagok kadha vak hu asal ndom jhak, pamelau sa urang karei, angaok blah cá nhân di drei.

# Tukvak 10h page harei 18/2, sa bruk patuh khí gas rah tabiak di Quảng Ngãi ngak ka 3 urang njauk rambuis trak. Bruk patuh rah tabiak di Công ty TNHH khí công nghiệp Tuấn Anh, jabat daok di Phân khu công nghiệp Sài Gòn - Dung Quất, xã Bình Thạnh, huyện Bình Sơn. Dalam tuk dom urang ngak sang chiết gas meng bồn padang caik tame bình, jalan nding ba gas nyu patuh prong, ngak ka klau urang ngak njauk rambuis. Makna di bruk patuh daok hu dom jabat chức năng pasang iek duah thau cambaih laih.

Khaw tin dunya:

# Truyền thông Anh brei thau, Hãng ngak radeih ô-tô Nhật Bản Hon-đa kuhria lac dalam harei 19/02 meda brei thau bruk kreik pambah sa sang máy ngak ô tô di Anh. Bruk ni meda ngak ka 3 ribau 500 urang lahik bruk ngak. Meyah bruk ini lac biak, ni jeng lac sa kan kandah tra tong tame gah  kinh tế Anh, daok gaok rilo kan kandah kayua tabiak truh Liên minh châu Âu.

# Sanquan Food, labik ngak pandap mbang prong di Trung Quốc, brei thau lac duah mbohvirus tả pabui châu Phi ASF dalam rilo pandap há cảo ngak la-ar di hãng. Rilo bánh bao medhil lac njaom virus ASF hu ba nao bloh tal dom cửa hàng pablei lẻ, min daok njauk niêm phong saong công ty daok pambuak bruk haong raja-ei piah pasang iek. Sanquan Food oh ka ndom tal bruk pataom mek veik biak rilo bánh bao ngak la-ar ndom angaok nan. Ini lac Bruk bahrau di abih dalam yaok pluh bruk bê bối ka vệ sinh an toàn pandap mbang menyum jaik di ini pak Trung Quốc, yaom lac raja-ei rilo mbang sanya hu peih ngak dom jalan pasang iek biak catang.

# Tui mintri Y tế Philippines, dak harei dak hu rilo uranaih di negar ni njauk ruak  sởi dalam tuk jit ruak oh KA hu pasang iek. Tui kuhria mboh bahrau di abih mboh lac, kuhria tal harei 19/2, dom urang ruak sởi di negar Đông Nam Á ni lac  labaih 8.400 mbang. Hu 136 urang metai meng di tuk dom urang jakar Philippines brei thau lac patuh jit  sởi di harei 6/2 meng bloh. Tui mintri Y tế Philippines, dom urang ruak rilo meng lac uranaih umo ala 4 thun. Sa meteh dom urang ruak song 60% dom urang metai rilo meng lac di ban ine Manila song Calabarzon./.