# Piah sangka tal rai diuk mbang ngui, daok dang  di đoàn viên, urang jakar, urang ngak kan kathaot  tuk Tết mai tal, ong Võ Văn Thưởng, Ủy viên Bộ chính trị, Bí thư Trung ương Đảng, akaok ban Tuyên giáo Trung ương hu mbaok dalam van pataom mbaok Tết jum pataom 2019 di tỉnh Sóc Trăng.  Brei panuac di van peih ngak danak dak, akaok Ban Tuyên giáo Trung ương Võ Văn Thưởng taong yaom glaong Tổng Liên đoàn Lao động Việt Nam, Liên đoàn Lao động tỉnh Sóc Trăng hu rilo bruk ngak hu makna sangka ba tết mai ka urang ngak. Danak dak “Tết jum pataom” hu pok brei 11 baoh sang công đoàn saong labaih 1000 pok pandap  tal yaok baoh sang đoàn viên công đoàn, urang jakar, urang ngak kan kandah ka sang daok, urang ngak kan kathaot dalam tỉnh.

          
    # Ong Nguyễn Hòa Bình – Bí thư Trung ương Đảng, Chánh án Tòa án bhap bini pakat glaong di abih, Ủy viên mBan tacei pato pakat negar ka pacang caga tham nhũng hu mai ravang saong alin hadiah pandap  Tết ka bhap bini bangsa takik, họa sĩ Cam Nguyễn Chế Kim Trung saong labik ngak mabng pablei salih gheih abih di tỉnh  Ninh Thuận. Ong Nguyễn Hòa Bình sangka duah thau ka raidiuk di bhap bini. Mikva brei thau, meng hu bruk sangka di Đảng saong kaja, tukvak tapa, raidiuk bhap bini hu rilo salih bharau. Thun ini, langik tasik  siam lagaih jang nan ye bruk ngak nong jeng uu tani tanat jang. Mikva dalam palei ginup mbang, oh kurang mbang, oh eik lipa yau dom thun pandiak bhang, tua riya. Ong Nguyễn Hòa Bình chreih chrai tadhau yuh mikva tapa thun bahrau 2019 hu raidiuk cakrok jang, sang danaok bui sambai, haniem phul.

# Dalam thun 2018, meng bruk ba tangin tame  di taong abih hệ thống chính trị, Kadung jien “Brei ka urang kathaot” dalam bal raya HCM jak ba hu labaih 200 tỷ đồng, dalam nan hu buh tabiak labaih 166 tỷ đồng piah sangka iek glang tal urang kathaot dalam bal raya. Yaom jien ini hu pandar piah padang ngak bahrau, pasiam veik sang ranam, pok brei pok jien bac Nguyễn Hữu Thọ, alin brei radaih juak nao bac, daong bac bruk ngak, daong brei pandap piah ngak mbang duah jien, alin brei harak thẻ Bảo hiểm Y tế…ka urang kathaot.  

# Công an ban sit Biên Hòa, tỉnh Đồng Nai bahrau mboh hu sa labik tram menuk mbang jien, cap mek 24 urang gam saong yaok pluh triệu đồng di sa labik glai tràm dalam Khu phố 7, phường Long Bình, ban sit Biên Hòa. Công an cap mek pak nan yaok pluh triệu đồng, 2 yau menuk tram, 17 radaih patuh saong dom janih pandap karei. Dom urang nan hu ba mai jabat CA piah duh ka bruk pasang iek, duah thau.

# Hadei di mbang jayak di đội tuyển VN anak Jordan piah meblah quyền tame tứ kết Asian Cup 2019, đội tuyển Việt Nam taduan mek hu rilo panuac pok meyaom saong jien thưởng chip. Tui panuac khan meng Cổng thông tin raja-ei, dalam melam 20/1, taong abih jien thưởng meng dom jabat Gilang pariak Ngoại thương Việt Nam (Vietcombank), Gilang pariak Công Thương Việt Nam (Vietinbank), Gilang pariak ngak nong saong patagok palei pala (Agribank), Gilang pariak patagok Việt Nam (VDB), Mentri Ilamo, padhih saong rivang ma-in, haong Kapul nyaom C.T Group tagok tal 6 tỉ đồng.

Khaw tin dunya:

# Salam uan thun bahrau sak pabui, bahrau ini, Đại sứ quán Việt nam di Ả-rập Xê-út hu peih ngak dalam praong prang Tết cộng đồng - 2019 ka taong abih urang jakar Sứ quán, mikva urang ngak, urang Việt daok diukrai, ngak bruk di Ả-rập Xê-út. Đại sứ Vũ Viết Dũng hu payua dom panuac tadhau ayuh siam mekre di abih tal bhap bini urang Việt Nam daok di Ả-Rập Xê-út di tuk thun bahrau. Việt Nam daok paglaong bruk jum pataom gauk, daong ba gauk dalam raidiuk, khik ramik ilamu bangsa,  ngak siam bruk pambuak talei rohim saong pambuak bruk di Việt Nam haong Ả-rập Xê-út.

# Bahrau ini, di pasak pablei salih Hà Nội – Mát-x-cơ-va (Moscow), Uỷ ban Karja ka urang Việt Nam daok di negar langiu pambuak haong Sang daoh tamia bol bala Việt Nam  saong Đại sứ quán Việt Nam di Liên bang Nga hu peih ngak danak dak  daoh tamia “Uan raok thun bahrau Kỷ Hợi 2019”. Bruk parang me-in nghệ thuật “Uan raok thun bahrau  Kỷ Hợi 2019” nan lac bruk ngak ilamo chinh trị ndung bak makna brei mboh bruk sangka di Đảng saong Karja drei ngan haong bhap bani urang Việt Nam daok di negar langiu, rik daong ngak brei kaya mada jang rai diuk ilamo ka bhap bani, khik ramik asal ilamo bangsa, taphia di nan rik daong meyaih khan  ilamo nghệ thuật di Việt Nam tal ayut sahabat Nga. 

# Meng harei 21/1, ban ine Xcô-pê (Skopje) di Ma-xê-đô-nia meda pabak radaih pajeng nao mai oh mek jien ka tuai damuai piah patrun bruk njom nerak lingik tasik dalam ban ine. Tui urang jakar ngak praong di ban ini, taong abih dom labik padang ngak bahrau dalam ban ine jeng pakauk oh brei ngak, saong jien labik pataok radaih tagok jang 2 mbang. Dom bruk ngak ini hu ba tabiak tuk bruk njom nerak lingik tasik dalam taneh ia dak harei dak khang./.