# Harei 22/1, pak Hà Nội, Ban Nội chính Trung ương hu peih nyaom biai pataom iek veik bruk ngak ngành nội chính Đảng thun 2018, peih ngak bruk ngak thun 2019. Thun tapa, ngành Nội chính hu tham mưu, đề xuất Bộ Chính trị, Ban Bí thư, Ban Chỉ đạo Trung ương ka bruk Pacang cakak tham nhũng saong dom tỉnh ủy, thành ủy patabiak rilo jalan ba, jalan ngak ka nội chính, pacang cakak tham nhũng.  Ban Nội chính dom tỉnh ủy, thành ủy tham mưu pakat ủy pal akaok, tacei pato ngak brei panduan salih biak siam, kham merat dalam bruk pacang cakak tham nhũng di puk palei, xử lý pacang cakak siam bruk nhũng nhiễu, ngak glaih glar bhap bani saong doanh nghiệp dalam bruk giải quyết “tham nhũng vặt”.

# Harei kabroi (21/1), di pasak papar sap pakat negar, labik 58 jalan Quán Sứ, Hà Nội, Rayo sap ndom Việt Nam peih nyaom biai pataom iek veik bruk  Đảng thun  2018, peih ngak jalan ngak prong thun  2019. Thun tapa, Ban thường vụ Đảng ủy rayo sap ndom Việt Nam hu tacei ba bruk bac megru song ngak tui jalan hadah krah di Hồ Chí Minh tui jalan “angaok dahlau, ala hadei dalam dahlau, langiu  hhadei ”, “bac megru nao gam song ngak”, Tổng Giám đốc Đài TNVN Nguyễn Thế Kỷ hu panuac lac, thun ni, bruk padang ngak Đảng khik caga thông pathau njauk tuk, ginup, njauk jalan ngak dom bruk  chính trị prong di taneh ia.

  # Jeng dalam harei 21/1, amuk Trương Thị Mai, Ủy viên Bộ Chính trị, Bí thư Trung ương Đảng, akaok Ban Dân vận Trung ương gam haong kapul urang ngak bruk hu taom gaok, alin brei 50 pok pandap ka urang ngak kathaot, urang ngak hu rai diuk kan kandah di tỉnh Đồng Nai. Ini lac puk palei hu rilo urang ngak dalam negar saong kapul nyaom công đoàn labik ini hu rilo bruk ngak hu mboh di anak meta sangka tal rai diuk di urang ngak. Dalam tukvak ini, hu labaih 600.000 pok pandap saong labaih 4.000 vé radaih hu brei ka đoàn viên saong urang ngak nao palei mbang tết pataom mbaok adei sa-ai dalam sang.

# Sở pajeng ba ban raya HCM brei thau, tui kuhria dalam puac bilan sa ni hu ba tabiak ngak tuyến  jalan radeih buýt meng mblang Tân Sơn Nhất nao  Bà Rịa - Vũng Tàu. Tui  Sở pajeng ba, ni lac  tuyến radeih buýt oh  dong yaom, song yaom vé tui kuhria lac  80 ribau đồng/sa urang song  cự ly ½ tuyến song 160 ribau đồng/urang abih tuyến. Tuyến radeih buýt ni hu cong khin pabak hu hatai khin nao mai di tuai damuai meng  Bà Rịa – Vũng Tàu tal mblang  Tân Sơn Nhất song talap veik.

# Harei 21/1, di Hải Dương rah tabiak sa mbang bala ngak ka 8 urang metai saong rilo urang njauk rambuis. Tui dut iek akaok mereip, urang peih radaih angan Lương Văn Tâm, 28 thun, daok di Hà Đông, Tp. Hà Nội hu dương tính haong ma túy. Akaok mentri pajeng ba Nguyễn Văn Thể pandar công an tỉnh Hải Dương ngak cambaih laih makna di mbang bala angaok jalan mbak. Ngan haong dom jabat daok veik yau Tổng cục jalan kabak, akaok mentri pandar njauk mong iek labik njauk bala ini lac sa labik juk. Canah jalan hu tatua nao kabak tapa quốc lộ nan lac canah jalan  biak nguy hiểm, njauk pasang iek gilac tổng thể. UBND huyện Kim Thành hu daong akaok mereip ka yaok baoh sang hu urang metai 5 triệu đồng saong 3 triệu đồng ka urang njauk rambuis.

Khaw tin dunya:

# Sa mbang patuh pháo dalam harei rija Thaipusam jiak kalan Sri Subramaniar di lubang Batu dalam quận Gombak di Malaysia melam harei 21/1 ngak takik di abih  34 njauk pandung pui. Cảnh sát trưởng quận Gombak lac Samsor Maarof khan lac mbang gaok bala rah tabiak tuk sa urang likei hu mbaok dalam harei rija song 2 urang auyt hu am cuh phao di angaok jalan Middle Ring 2 jiak lubang  Batu melam kabroi.   

# Kapul nyaom phi chính phủ dunya A-men bahrau daong ka uranaih tị nạn Xyri di bal Be-a-ka di Li-băng dom sruh radaih buýt. Dom sruh radaih buýt ini lac sa  mô hình tal bac thu sit, hu ba caik dom pandap caong khin brei ka bruk pato megru. "Tal bac radaih buýt" oh lac tok ba mai cơ hội hu nao bac ka rilo uranaih tị nạn Xyri, bo daok truac hadah hatai jia ka harei hadei siam mekre jang ka dom adei ranaih. Kapul nyaom Dunya A-men brei thau meda patui veik jak ba bruk daong brei piah hu rilo jang sruh radaih buýt tal bac, jeng yau dom tal bac hu peih ngak rilo mbang jang dalam asit.

# Nyaom roh duah di sang bac Đại học Công nghệ Auckland song Đại học Auckland, New Zealand, langyah số liệu duah thau meng tuk iek  tivi atau máy tính di labaih 5.000 uranaih meng 24 tal 54 bilan.  Roh duah jeng tacei tabiak  uranaih umo 2 thun iek tivi song máy tính rilo jang 1 tuk/sa harei mbuan si labaih kilo glong jang, iek ruak bác sĩ rilo jang song dom  kỹ năng vận động  takik sami samar jang, gam song nan lac uranaih gaok tal bruk  tăng động tuk hu umo 4 thun meteh./.