# Bilan đông xuân thun ini ĐBSCL trun pajaih jaik 1,6 triệu ha, sản lượng jaik 11 triệu tấn. Dalam nan, padai pablei dalam taneh aia jaik 3,64 triệu tấn, daok veik jaik 7,4 triệu tấn padai pablei tabiak negar langiu. Urang pablei salih saong doanh nghiệp daok mai blei padai rilo jang hadei di tacei pato di Thủ tướng raja-ei saong Nyaom biai jhul patagok bruk blei padai brah ĐBSCL hu peih tabiak di Đồng Tháp bahrau ini. Yau nan min, urak ini yaom padai jeng daok dang veik. Urang nong daok caong khin doanh nghiệp peih ngak catang jang piah blei padai  samar, piah samar hu phun jien trun pajaih vụ padai hè thu.

# Panuac khan meng Vietnam Airlines brei thau, meng harei 28-2, dom mbang par di Việt Nam song châu Âu jeng rah tabiak yau kung. Tuk par tagok meng  châu Âu song meng Việt Nam jeng oh salih hagait karei. Min, tuk vak par di dom jalan par nao mai  châu Âu saong Hà Nội dui atah jang labaih 40 minite, dom jalan par nao mai châu Âu saong TPHCM dui atah jang labaih 60 minite. Makna lac kayua dom mbang par di Vietnam Airlines njauk par tapa Mông Cổ piah nyaih bhum langik Pakistan. Tui kuhria, tuk vak par ni meda dui atah  kayua bruk kreik pambah mbang bhum langik Pakistan. 

# Dự án langyah dauk kayua aia ndik di bal raya HCM  (vaktu ka 1) yaom 10.000 tỷ đồng hu peih ngak veik hadei di 10 bilan padeih ngak. Ong Nguyễn Tâm Tiến, Akaok Công ty TNHH Trung Nam BT 1547 - po đầu tư dự án brei thau, hadei di 10 bilan padeih ngak, công ty khat lahik jaik 200 tỷ đồng. Makna di bruk padeih ngak nan kayua jabat pasang iek hợp đồng khan brei thau rilo kadha ngak ka UBND TPHCM tabiak lệnh padeih ngak piah pasang iek chất lượng pasei, quyết toán saong kiểm toán dự án.

      # Melam ni 2/3, harei pataom Ao tah 2019 hu angan “Gheih mekre aow tah TP Hồ Chí Minh” hu peih tabiak di jalan nao takai Nguyễn Huệ (quận 1); bruk diễu hành aow tah hu rah tabiak di mesup harei 3/3 angaok jalan nao takai,  labik meng jalan Ngô Đức Kế tal anak rup patau Wa. Langiu di nan, kadha prong di bruk ngak ini, lac mbang pakacah chung kết “Gheih mekre aow tah TP Hồ Chí Minh mbang ka 6” jeng hu rah tabiak di beir harei nan di jalan nao takai  Nguyễn Huệ. Bruk ni dok dalam dom bruk  xúc tiến, yaih khan  du lịch ban raya, lac labik nao tal biak siam, biak pachreih saong siam mekre. Sở Du lịch TP Hồ Chí Minh jeng hu peih bilan tabung glong cuh aow tah meng harei 3/3 tal 17/3/2019 dalam tong abih tih urang jakar, công chức, viên chức, urang ngak, bhap bini dok duik rai song ngak bruk di ban raya 

# Festival bruk ngak meng kan Huế, tỉnh Thừa Thiên Huế mbang ka 8 thun 2019 ngan haong kadha “Gheih mekre bruk ngak Việt” meda hu peih tabiak meng harei 26/4 tal harei 2/5. Festival bruk ngak meng kan Huế mbang ka 8 pataom tame meyaih khan pandap panda biak karei di dom bruk ngak, dom palei ngak meng kan di Huế, di dom tỉnh, bal dalam negar yau: Kim hoàn, pet, Pháp lam, Chạm khảm, đúc bal, mộc mỹ nghệ, jik Zèng, pandap mbang menyum... Dalam dom bruk di Festival hu adat tế tổ bách nghệ, adat raok; harei pataom ao atah; harei pataom pandap mbang menyum, harei pataom khinh khí cầu dunya, harei nyaom sambo màu uranaih, dom bruk parang iek, parang me-in nghệ thuật…

Khaw tin dunya:

# Liên hợp quốc (LHQ) dok cong rik pataom hu pok jien 4,2 tỷ USD piah dong ka dom bruk ngak pahla di Yemen, labik bo BRUK mesruh metak nyu ngak ka negar ni dang anak bruk eik lipa. Ni jeng lac bruk njauk ngak chip ka sa negar song pok jien ieu dong prong di abih hu LHQ batabiak, piah peih bruk dong ka 19 triệu urang Yemen. Tui kuhria di Yemen hu labaih 240.000 urang dok dang anak bruk eik lipa khang.

# Dom bhap bani daok di labik dhaong biar rah tui tapen kraong Rắt-xi-ần (Russian River) dalam bang Ca-li-phoóc-ni-a (California) di Mỹ daok njauk aia sua trak. Ini lac mbang aia sua hu mong yau kanjah jhak di abih kuhria meng thun 1995, tuk aia kraong ini tagok glaong  tal 14,6 mét. Karja hạt Xô-nô-ma (Sonoma) njauk panduan ba bhap bani nao labik karei saong duah labik daok siam mekre jang ka yaok ribau bhap bani daok di labik njauk gaok bala di langik tasik.

# Gah Công tố Ai Cập hu tabiak lệnh chap kreik 6 urang dalam tuk vak 4 harei, piah pabak ka bruk duah thau makna ba tal bala radeih pasei song khuah ngak brei takik di abih 20 urang metai song 43 urang njauk rambuac di nhà ga Răm-sít (Ramsis), pasak ban ine Cairo harei 27-2. Tui  dom công tố viên Ai Cập, mong tapa ca-mê-ra an ninh di nhà ga, urang mong mboh urang peih radeih yam trun tuk tal ga song ndom nyai hong sa urang peih radeih karei, meda var dui  phanh tangin. Ni meda lac makna ngak ka akaok radeih oh hu menuac peih di radeih pasei paoh tame bê tông song patuh. Hadei di tuk bruk nan rah tabiak, Akaok mintri pajeng ba Ai Cập Hi-sam A-ra-phát (Hisham Arafat) likau padeih ngak./.