# Dalam tukvak nao rivang pakat karja Negar Campuchia, melam 25/2, Tổng Bí thư, akaok negar Nguyễn Phú Trọng hu mbaok dalam van payak di Patao Campuchia Norodom Shihamoni. Tổng Bí thư, akaok negar Nguyễn Phú Trọng brei thau, Việt Nam saong Campuchia lac dua negar jaik tahpia, bhap bani dua negar hu talei rohim pambuak bruk meng kan mai, tuk halei jeng pambuak gauk, klah rabha yamen plak, daong gauk dalam bruk mesruh metak khik caga palei negar, dak padang saong cakrok patagok yaok taneh aia. Sajarah hu pambuak pagam dua negar, talei rohim Việt Nam - Campuchia hu jeng biểu tượng thiêng liêng, drap ar hu yaom glaong di dua bangsa; tapa nan jeng caik tabiak ka dua negar njauk ba gauk yam tapa taong abih cuang kandah, patui jalan ba talei rohim Việt Nam - Campuchia oh padeih cakrok patagok, brei ka bruk cakrok patagok di yaok negar; nan gam lac trách nhiệm di rai rah dam dara harei ini, gam lac hatai caong khin, kadha caong khin ba tabiak ka dom rai rah hadei di dua taneh aia.

# Page harei 26/2, Akok negar Triều Tiên Kim Jong-un klao sambai tuk yam takai trun radaih pasei pak ga Đồng Đăng, Lạng Sơn saong samar nao tal Hà Nội meng tadaih ôtô di ông. Akok negar Triều Tiên Kim Jong-un mai Việt Nam piah hu mabok piah hu mbaok tame Nyaom biai Thượng đỉnh Mỹ -Triều mbang ka 2 dalam dua harei 27 saong 28/2 saong rivang sirah Viet Nam.

 # Jeng dalam page ini 26/2, Mentri ngak nong saong patagok palei pala dang tabiak pambuak haong Gilang pariak Karja, Bộ Công thương saong tỉnh Đồng Tháp peih Nyaom biai jhul patagok bruk pala, ngak saong pablei padai brah ka bhum padai miền Tây. Tui panuac khan di Mentri ngak nong saong patagok palei pala brei mboh bruk pablei brah tabiak negar langiu bilan 1 meng blaoh hu labaih 437 ribau tấn ngan haong yaom jien labaih 195 triệu USD, trun 10,9% gah khối lượng saong 18,2% gah yaom jien dut haong tukvak ini thun dahlau. Tui kuhria mboh dahlau, bruk blei brah di dunya dalam thun ini jeng oh hu trun saong bruk pablei brah tabiak negar langiu di Việt Nam jeng daok mek hu tui tanut ba tabiak, rik daong tame bruk pablei brah saong grap tanat yaom kaom padai brah dalam negar.

# Anak bruk jit ruak pabui Chau Phi daok mbuan pambak praong, Mentri Ngak nong saong patagok palei pala Nguyễn Xuân Cường hu payua công điện drah samar tal dom mentri,dom gah, Akok UB bhap bini dom tỉnh, ban di T.Ư peih bruk pasang iek catang bruk pablei salih, sik ngak rilo, pajeng ba pabui, pandap ngak meng rilo pabui tabiak truh tỉnh hu jit ruak, abih di nyu nan lac njauk brei pakauk pajeng ba pabui saong saong dom pandap nagk meng rilo pabui di bhum hu jit ruak, tui njauk quy định di Hukum Thú y. Peih brukdut iek jit ruak tả pabui châu Phi di dom labik pajeng ba, pataom, sik ngak rilo, pablei rilo pabrui saong dom janih ngak meng rilo pabui; dom baoh sang urang raong pabui, trang trại raong pabui hu jit ruak atau medil lac ruak. Urak ini, dom jit ruak pabui châu Phi hu rah tabiak  di Thái Bình, Hưng Yên, Hải Phòng saong Thanh Hóa. Birau di abih, harei 24/2, huyen Yên Định, tỉnh Thanh Hóa hu brei thau pabui ruak tả châu Phi. 

# Sa urang kamei umo 38 thun daok di tỉnh Long An njauk gar talang ada dalam jalan suak yava, yau nan min hadei di labaih 10 bilan patuk gam gam saong chẩn đoán viêm jalan suak yava, sa-ai njauk hội chứng suy tuyến thượng thận thứ phát. Nao tal Sang iek ruak Tangi idung tarakon bal raya HCM, urang ruak hu brei nao chụp CT scan phổi saong hu mboh sa dị vật phế quản thùy trung di phổi gah hanuk, viêm phổi thùy kreh, thùy ala mjauk nhập viện. Bác sĩ Trần Phan Chung Thuỷ, akaok Sang iek ruak tangi idung tarakon kakei lac: hu rilo urang njauk dị vật jalan suak yava min oh thau nan ye nao iek ruak viêm phổi, viêm phế quản, pandar dom janih jru kháng viêm hu corticoid mbuan ba tal biến chứng suai lavik tagok tuyến thượng thận, tủy, khớp biak jhak ka pren yava. Ngan haong dom urang ini, tok hu chụp CT scan atau nội soi nding lamin, nding khang meng mboh hu. 

Khaw tin dunya:

# Harei kbroi 25/2, Tổng thống Xy-ri Ba-sa An Át-xát (Bashar al Assad) hu mai tal ban ine Tê-hê-ran negar Iran piah rivang taneh ia ini. Ini lac mbang rivang camereip di Tổng thống An Át-xát taneh ia jaik taphia abih dalam bhum khu vực meng tuk rah tabiak mesruh metak di Xy-ri thun 2011. Di var taom gaok nan, dauh gah hu brei gauk thau pakhang bruk pambuk takei rohim. Tổng thống Xy-ri Át-xát lac, khik hu kein laba ka bhap bini dalma bhum, rajaei njauk brei ngak tui dom caong khin di taneh ia phương Tây. Gah negar Iran ông Kha-mơ-ni sanya lac, Iran patui veik bruk daong Xy-ri dalm bruk pacang khủng bố.

# Kapul nyaom Công nghiệp hàng không Israel (IAI) bahrau brei thau, tàu đổ bộ hu angan lac Beresheet, meda hu cuh tagok saong par trun Aia Bulan dalam harei 11/4 tới. Beresheet hu cuhg tagok meng tên lửa jhuk SpaceX di Mỹ saong mblang cuh daok di bang Florida. Meyah bruk ngak ini rah tabiak siam mekre, Israel meda hu jeng taneh aia ka 4 hu tàu đổ bộ  tagok Aia bulan hadei di Liên Xô, Mỹ saong Trung Quốc.

# Sa táo án hành chính pakat glaong di Ai Cập harei 25/2 brei atah klak bruk ngak ngan saong duah hang taxi công nghệ Ubơ saong Ca-rem. Dahlau di nan di bilan 3 thun 2018, sa toa án hành chính pakat ala jeng hu brei mek veik harak ba-ar di dua hang taxi nan, hadei tuk 42 urang peih adeih pok harak tagok pathau lac U bơ saong Ca-rem ngak suan./.