# Harei ini (27/2), pak Hà Nội, Nyaom biai pakat glaong Hoa Kỳ - Triều Tiên mbang ka dua yam tame harei ngak bruk akaok mereip. Dalam dua harei 27 saong  28/2, Tổng thống Mỹ Donald Trump saong urang pal akaok Triều Tiên Kim Jong-un meda mek hu dom kadha siam gheih pamaong tal bruk phi hạt nhân hóa saong sron mbon suai lavik angaok pulao kaoh Triều Tiên. Tui tukvak kuhria dahlau, dua urang pal akaok meda hu mbang taom gaok karei, hadei di nan mbang melam gam haong kapul nyaom 2 gah dalam melam ini. Dut haong nyaom biai thượng đỉnh rah tabiak dalam sa harei di Singapore di bilan 6-2018, pak Hà Nội, 2 urang pal akaok tui kuhria meda hu rilo tukvak jang piah ginum biai ka dom bruk prong. 

# Salam uan bruk nan, harei kabroi 26/2, pak Ha Noi, Mentri Thông tin saong Truyền thông pambuak bruk saong Metri Ngoại giao peih bruk patabiak bộ tem “Salam uan Nyaom biai pakat glaong Hoa Kỳ - Triều Tiên di Ha Noi”. Tapa bộ tem nan, hu brei mboh bruk chap pan tangin di dua urang pan akaok di dua negar Mỹ - Triều di ngaok nền hu cih phun kreim hijao sron mbon, salamat, anit ranam di Việt Nam. Bộ tem hu 01 mẫu tem hu yaom 4.000 đồng, atah 43mm saong praong 32mm saong 1 blo61c. Tem ini hu pablei di gah bưu chính công cộng meng harei 26 bilan 2 thun 2019 tal harei 31 bilan 12 thun 2020.

# Pahadar 64 thun harei Gru jru Việt Nam (27/2/1955-27/2/2019) ala bruk pan akaok di Thủ tướng Raja-ei, Mentri Y tế pambuak haong Mentri pato megru, Mentri ilamo padhih saong rivang ma-in gam haong  dom mentri, ngành pambuak pagam tal peih tabiak danak dak Pren yava Việt Nam. Ini lac sa danak dak praong hu peih ngak dalam negar piah ieu pataom, patagok kein laba labik dang, bruk ngak di karja dom pakat, dom mentri, ngành, puk palei saong dom kapul nyaom xã hội gam dak padang bruk daong brei, ieu pataom bruk hu mbaok di bhap bani, peih ngak siam bruk khik ramik, iek glang pren yava, rup pabhap, umo thun saong chất lượng rai diuk di urang Việt Nam. 

# Jeng piah salam uan bruk ini, tỉnh Bà Rịa –Vũng Tảu hu padang kapol  kayua muk Nguyễn Thị Yến, Phó Bí thư Thường trực Tỉnh ủy, Trưởng Đoàn Đại biểu Quốc hội tỉnh dang akok nao rivang saong tadhau ayuh: Sở Y tế; Bệnh viện Bà Rịa; Bệnh viện Lê Lợi (TP.Vũng Tàu) và Bệnh viện Tâm thần tỉnh (huyện Châu Đức), gam brei thau hatai caong khin dom urang y sĩ, bác sĩ, urang daok ngak bruk duk ka gah iek ruak patui veik patagok bruk sami samar, hadah krah, rik daong tame ngak brei hu rilo siam mekre dalam bruk khik caga pren yawa ka bhap bini.

# Tal 16 tuk biar harei (26/2), gilai cứu nạn SAR 413 jeng daok tacei pato pak labik rah tabiak bala, pambuak haong dom gilai EVEREST 6, Phú Mỹ 5 saong dom sruh gilai hu ieu pataom peih bruk duah urang lahik. Gam haong bruk duah angaok mbaok aia, gah daong duah urang njauk njauk bala jeng hu brei urang njuk aia piah duah urang njauk bala meda daok gar dalam sruh gilai taong ikan BV 94005 TS. Dahlau di nan, tukvak 16h20 haei 25/2, gilai EVEREST 6 paoh tame gilai taong ikan BĐ 94005 TS (angaok gilai hu 15 urang taong ikan) di labik atah di mũi Vũng Tàu jaik 6 Hải lý gah Đông Nam, tapa nan ngak ka gilai taong ikan BĐ 94005 TS karam. Hadei di tuk bab rah tabiak, giali EVEREST 6 saong 1 sruh gilai taong ikan daok jaik taphia nan sraong veih hu 14 urang taong ikan, daok sa urang taong ikan oh ka duah mboh. 

Khaw tin dunya:

# Urang brei panuac di Jabat Tổng thống Hàn Quốc Kim Eui-kyeom hu brei thau hatai caong khin jia tame dom bruk hu palagaih jang dalam nyaom biai pakat glaong di Tổng thống Donald Trump và Chủ tịch Kim Jong-un. Tui ong Kim Eui-kyeom, dalam dua harei ginum gauk hu biak rilo bruk, tui nan dua urang ngak praong ini taom gaok guak takik di abih lac 5 mbang, meda ba mai rilo bruk praong siam mekre. Ong hu padar veik, Tổng thống Donald Trump saong akok negar Trieu Tien Kim Jong-un meda brei thau padeih abih Bruk mesruh metak Triều Tiên ( 1950 -1953) di nyam biai mbang ini.

# Thủ tướng Anh Theresa May mbang akaok mereip tabiak panuac lac meda brei kadhul likuk bruk peih ngak Brexit di harei 29/3 tal sa vaktu karei kayua thỏa thuận Brexit mboh lac kan hu Hạ viện Anh brei tapa. Yau nan min, brei panuac anak dom nghị sĩ Anh, amuk Theresa May daok ba tabiak dom jalan piah pachreih Hạ viện Anh brei tapa thỏa thuận Brexit dalam mbang buh phiếu dalam harei 12/3 anak tal ngan haong panuac lac, bruk dui atah tukvak Brexit jeng oh meda salih hu hagait rilo tal bruk di Brexit urak ini.

# Dom urang khoa học Nga hu duah tabiak sa jalan ngak birau piah duah mboh ruak ung thư não meng tia bức xạ tê-ra-héc (terahertz). Tui jalan ngak ini meda hu daong bác sĩ samar hu thau khối u ác tính trak atau njol tuk blaic raih. Jlan ngak birau ini brei pasalih hu siam jang bruk jru ruak saong daong urang ruak. Langiu di nan, bruk pandar bức xạ nan daok ngak brei katut veik tukvak blaic raih jeng yau patak pataom jien r\iek ruak. Dom urang ilamu hu brei thau, jaln ngak ini hu ngak iek di dom khôi u di glao akok urang saong jia lac siam rilo./.