# Nyaom biai pakat glaong Hoa Kỳ  - Triều Tiên mbang ka 2 peih tabiak di Hà Nội nan lac bruk pakat dunya pachreih hu bruk sangka prong abih di rahra saong menuac sia duanya. Grauk labik di dunya daok pamaong tal Hà Nội, pamaong tal Việt Nam. Harei ini (28/2), Tổng thống Mỹ Đô-nan Trăm saong urang pal akaok Triều Tiên Kim Jong Un yam tame harei nyaom ka 2, hu taong yaom lac “biak jan van”. Dalam dom panuac hu ba tabiak di mbang taom gaok akaok meti di Hà Nội, dua urang pal akaok thei jeng chreih chrai ka  nyaom biai harei ini. Tổng thống Mỹ Đô-nan Trăm caong khin nyaom biai mbang ini meda mek hu jak jeng siam mekre samu, atau jak jeng  jang mbang taom gaok ka sa di Xinhgapo. Dalam tuk urang pal akaok Triều Tiên ndom lac meda kham merat piah mek hu kadha siam mekre di abih.

# Pahadar 64 thun harei Gru jru Viet Nam, melam  27/2, di Pasak Papar sap negar labik 58 Quán Sứ Hà Nội, Rayo sap ndem VN pambuak saong Mentri Y tế peih melam daoh tamia “Gru jru yau amaik salut mbut” piah hadar dhar phol dom urang gru jru Viet Nam. Luac danak dak, dom urang hu mbaok mai maong iek hu taom gaok dom urang jakar, y bác sỹ tapa dom kadha vak tavak brei mboh bruk abih hatung htian ka urang ruak, dom kham merat, abih drei ka urang ruak di dom y bac sĩ.

# Bruk “maong baoh taneh” thun 2019 kayua Mentri Công Thương ba tabiak hu rah tabiak grauk labik dalam negar meng 20 tuk meteh tal 21 tuk meteh harei 30/3 anak tal. Pachrei tui bruk ini, UB bhap bani bal Phan Thiết, tỉnh Bình Thuận bahrau hu panuac tacei ba dom phòng ban, jabat pambuak pagam tal dalam bal ka bruk peih ngak dom bruk  piah rik daong paglaong akaok saneng patak pataom điện saong pacang khik môi trường. Dalam nan, tacei Công ty CP Môi trường saong Dịch vụ đô thị Bình Thuận hu jalan ngak piah padam patrun takik abih 1/2 dom điện truac hadah jalan mbak ka nyu laghaih saong yaok jalan, dom labik bo gah Công ty CP Môi trường saong Dịch vụ đô thị Bình Thuận khik iek dalam tukvak rah tabiak bruk “maong baoh taneh”.

# Kuhria tal harei ini, tỉnh Đồng Nai hu labaih 1 ribau doanh ngiep hu mbaoh tangin tame harak pambuak bruk ngak haong taong abih urang ngak dalam doanh nghiệp di drei. Dalam nan, thun 2018, dom công đoàn cơ sở hu mbaoh tangin birau saong mbaoh tangin veik 272 harak pambuak bruk. Asar kadha di dom harak pambuak bruk  nan, langiu di dom paka tui  hukum daok hu pabak tame rilo  điều khoản langiu hukum  ba mai kein laba  ka urang ngak yau: urang kumei ngak bruk hu daong jien phụ cấp piah raong anek sit, hu tukvak pedeih padei saong hu rami ramik bruk ngak tui prein yawa tuk metian anek,  hu blei pandap tani tanat yaom min bayar jien hadei oh mek laba...Tapa nan, padang hu talei pambuak bruk khang kajap di urang ngak  saong công ty, doanh nghiep, patrun patakik bruk đình công, meriak gauk . 

# Meng akaok thun 2019 tal ini, gah Biên phòng, Công an saong Khik iek darak pasa tỉnh Long An gam gam nao pasang iek, duah mboh saong chap mek 320 ribau pok pakao hala ba tame meng negar langiu. Piah pacang cagar saong langyah hu siam mekre bruk pablei salih lậu, gah chức năng tỉnh Long An daok patagok bruk pambuak gauk haong gah chức năng bhum tapen negar saong Công an dom tỉnh Tây Ninh, TPHCM.

Khaw tin dunya:

# Harak mbao saong dom chuyen gia Mỹ daok pataom tame lanyah di angak  Tweet piah ba tabiak dom panuac ka bruk taom gaok harei ini 28/2, pagap yau Mỹ atah klak bruk taong phạt piah Trieu Tien patagok kinh te, dua gah ba tabiak da tuyen bố brei padeih mesruh metak Trieu Tien, atau brei padang jabat pambuak dua taneh ia piah ka Trieu Tien brei padeih danak dak vũ khí hạt nhân di drei. Yau nan min,  truyen thong saong urang chuyen gia Mỹ jeng hu dom sahaneng jeng yau caong khin bruk ginum biai mbang ini hu siam mekre.

# Takik abih sa urang metai saong 2 urang karei njauk rambuis dalam sa mbang taong bom rah tabiak di tỉnh Yala, gah Meraong Thái Lan. Tui cảnh sát pak nan, 1 baoh bom hu padauk dalam mbuk hareik tapen jalan patuh tuk kapul urang jakar kiểm lâm hu 6 urang nao gar tapa. Mbang patuh ngak ka sa urang dalam kapul ini metai saong sa urang karei njauk rambuis trak di mbaok saong rup babhap. Lingiu di nan daok ngak ka sa urang kamei nao tapa jalan njauk rambuis. Gah chức năng Thái Lan hadei di nan hu palai khut baoh bom ka 2. Cảnh sát Thái Lan ndom lac phiến quân di bangsa takik dang lakuk bruk ini.

    # Harei kabroi 27/2, sa mbang khuah  praong rah tabiak di mblang ga praong di thủ đô Cairo, Ai Cập, ba tal takik abih 20 urang metai saong 40 urang njauk rambuac. Apui khuah rah tabiak dalam ga Ramsis pasak thủ đô Cairo. Apui khuah tu radaih pui thaok tame haluk dalam ga, ngak patuh thùng nguyen lieu dalm akok radaih. Tui gah jalan pasei Ai Cập, apui kayua bala oh njauk khủng bố halei. Urak ini, urang gah bruk ini daok peih bruk duah thau ka apui khuah nan.