# Harei 28/01/2019 (nan lac harei 23 bilan Mat thun sak sau), Tổng Bí thư, akaok negar Nguyễn Phú Trọng saong Tổng Bí thư, Akaok negar Trung  Quốc Tập Cận Bình hu payua ka gauk blah Thư tadhau ayuh Thun bahrau tukvak bhap bani dua negar Việt Nam saong Trung Quốc  caga uan raok Tết Nguyên đán Kỷ Hợi. Dalam thư, Tổng Bí thư, Akaok negar Nguyễn Phú Trọng brei mboh kadha bui sambai tuk hu mboh talei rohim pambuak bruk siam mekre nao mai di negar jaik taphia, pambuak bruk taong abih gah di dua Đảng, dua negar mek hu rilo jak jeng dalam thun tapa. Bruk taom gaok pakat glaong hu patui khik, pambuak bruk taong abih gah hu jhul tagok, giao lưu hữu nghị di bhap bani dua negar hu patagok, rik daong ba talei pambuak bruk taong abih gah Việt Nam - Trung Quốc patagok siam mekre, khang kajap.

# Dalam mbang xử  harei 28/1 di  TAND ban Hà Nội, Vũ "nhôm" ndom lac "Drei hu 8 binah ngak njauk, 2 binah ngak suan min oh thei  mboh bruk njauk. Drei ngak hu rilo bruk siam ka ngành, ka mintri  Công an, ka  xã hội min oh thei công nhận. Drei cong khin  HĐXX pasang iek, hu meta mong njauk kayua lac bruk ngak suan di drei nyu tok hu tanut di nyu”. Di  tòa, Vũ "nhôm" likau jao veik  2 dự án oh ka ngak lac  319 Lê Duẩn (Đà Nẵng) song  dự án Việt du lịch tapen tasik meng Vegas Resort tal  labik du lịch Bến Thành Non Nước (quận Ngũ Hành Sơn, Đà Nẵng). Dok dom dự án dok pambuak bruk song dom  đối tác dok ngak meteh dhi , Vũ "nhôm" brei thau: "Likau  HĐXX pasang iek , tong yaom atau hu jalan ngak siam di abih ka bị cáo hu peih ngak”.

#  Công ty cổ phần Pajeng ba jalan pasei Sài Gòn brei thau bruk\ radaih puiu SE1 balat baoh di ga Sông Lòng Sông, tỉnh Bình Thuận hu pasiam veik. Yau nan min, dalam dua harei tapa, dom radaih pui pajeng tuai damuai tabiak meng ga Sài Gòn jeng suai tukvak jang. Piah pakatut tukvak suai jang nan, page ini (29/1), Công ty cổ phần pajeng ba jalan pasei Sài Gòn meda pandar ôtô pajeng yaok rituh tuai damuai meng ga Sài Gòn tabiak ga Bình Thuận salih ka bruk njauk daok cang radaih pui SE22 meng Hà Nội tame pajeng tuai di ga.

# Dok di  tỉnh Tây Ninh, dom  doanh nghiệp, hợp tác xã pajeng ba hu tagok rilo radeih, pabak njauk tuk vak ka bruk pajeng ba tuai damuia, khik caga bruk mbuan lagaih, siam mekre ka bhap bini, oh caik brei gar tui dalam dom harei tabung glong  Tết Nguyên đán 2019. Tal tuk vak ni, dom doanh nghiệp ngak mbang gah pajeng ba  oh ka brei thau bruk tagok harak vé dalam tuk Tết. Sở Giao thông pajeng ba Tây Ninh song dom  ban dom gah chức năng dok tagok bruk pasang iek, duah thau di dom mblang radeih piah khik siam mkere ka radeih dahlau di tuk peih tabiak saong hu panuac ieu urang jakar, nhân viên dom mblang radei, urang peih radeih paglong hatai sahaneng  dalam bruk duh ka tuai damuia dalam tuk dahlau, dalam song hadei Tết.

# Ủy ban Mặt trận negar Việt Nam tỉnh Ninh Thuận bahrau peih bruk pataom mbaok labaih 100 urang lambaok dom nhân sĩ, trí thức, halau janeng dom agama saong urang hu angan je dalam bhap bani urang bangsa takaik. Dalam thun bloh, dom halau janeng, urang tui dom agama saong urang hu angan je dalam bhap bani urang bangsa takik hu pambuak haong mikva dalam puk palei peih ngak siam jalan diuk rai “Siam ka rdunya, mekre ka agama”; abih hatai pachreih tui dom bruk yau padang ngak palei pala bahrau, padang ngak mblang hamu prong bhum urang bangsa Chăm, dak padang mô hình "Palei agam siam mekre salamat", dak padang rai diuk ilamo di bhap bani, abih hatai ngak mbang pala drak, patruh eik patrun kathaot, yam tagok ngak kaya meda.

Khaw tin dunya:

# Urang lan padam pui song gah cứu hộ  Bra-xin jeng dok kham merat duah dom urang dok duik hadei di mbang pacah binek ia chất thải rah tabiak harei 25/1 meng bloh di  bang Mi-nát Giê-ra-ít (Minas Gerais), Đông Nam Bra-xin. Gah chức năng harei kabroi (28/1) duah mboh sa sruh radeih buýt hu mong lac pajeng tui rilo urang dalam tuk rah tabiak bala. Lin padam pui njauk pandar dom blah kapan kayau piah nao tapa labik gluh baok prong yaok rituh mét piah gaok radeih buýt song duah menuac metai dok dalam radeih. Menuac sia pak ni hu duah mboh sa sruh radeih buýt tuk dok kham daong sa drei limo  gar dalam gluk. Kuhria tal harei 28/1 hu 60 urang metai  hadei di mbang pacah binek ia chất thải. Urak ni dok labaih 300 urang dok lihik song rilo meng lac oh dok duik.

# Dalam sa mbang nao dã ngoại di bhum Samaria (Bờ Tây), sa anek saih hu duah mboh jien xu yao klak quý hiếm hu meng jaman patao Herod Agrippa  atah di ini 2000 thun, pak labik ini. Tui gah roh duah khảo cổ Israel, sa mbaok di đồng xu hu sarak thaik binguk 3 bingu padai saong mbaok gah diah sarak thaik binguk baoh papan patao ndih ngan haong talei akhar “patao Agrippa” vin taom dhal. Đồng xu hu jao veik ka jabat iek gah roh duah khảo cổ di Jabat khik iek dân sự Israel. Tui jabat  nan, đồng xu hu ba tame bộ sưu tập dom janih pandap quý hiếm di Jabat khik iek pandap yao klak di Israel.

      # Mintri Y tế Singapore brei thau  dữ liệu bí mật di 14.200 urang njom HIV njauk co klaik song ba tagok  mạng, dalam nan, rilo meng lac urang negar langiu. Langiu di bruk ruak kik, số chứng minh thư, thông tin liên lạc, labik daok di tong abih labaih 14.000 urang ni njauk  batabiak.Urang jakar Singapore kham merat cakak dom  thông tin njauk phát tán dalam mbang ni, min urang duh hatai lac dom urang chủ mưu dok khik mek tong abih dữ liệu./.