#  Bộ Tư lệnh Bộ đội biên phòng hu tagok jalan ngak ka bruk peih ngak adat pok jao bruk khik iek, pacang khik kabo Đại tướng Võ Nguyên Giáp ka karja puk palei tỉnh Quảng Bình saong baoh sang Đại tướng khik iek. Tukvak pok jao tui kuhria dahlau di Tết Nguyên đán Kỷ Hợi. Hu thau dalam tukvak pok jao bruk khik iek, pacang khik meng bộ đội biên phòng ka puk palei saong sang, tuai damuai mai sirah  kabo di Đại tướng jeng hu taduan raok siam mekre.

# Hệ thống pablei vé di Bamboo Airways hu peih tabiak di tukvak 12 tuk jala pandiak harei 12/1. Tuai meda tame blah website  www.bambooairways.com piah duah dom jalan nao bo drei cong khin  saong yaom  vé lagaih. Langiu di nana, piah  thau thông tin, hadei di tuk quay số 18001611, tuai hu menuac di tổng đài dong drah samar ka bruk blei vé. Bamboo Airways dok  hu dom cổng thanh toán phổ biến piah tuai bayar jien mbuan lagaih di abih. Tui kuhria, mbang par akaok meti di Bamboo Airways lac puac bilan 1 ni.

# Tukvak jaik di ini, hu oh takik urang pandar Facebook Việt gilac sập bẫy lừa đảo tuk gam gam đăng tải sa đoạn status, asal kadha đe dọa meyah oh klah rabha dòng trạng thái ye thaik binguk saong thông tin cá nhân meda njauk uang karei pandar. Asal kadha di status angaok nan brei thau ka quyền riêng tư di Facebook saong ba tabiak dom paka, pandar meyauh caong khin pacang khik thông tin ini, khaol drei njauk đăng gilac ghi chú, meyah oh ngak tui, khaol drei njauk mặc định piah ka thaik binguk saong thông tin dalam trạng thái di drei ka urang karei pandar. Chính Facebook jeng tagok sap piah cảnh báo urang pandar ka dom kadha cagat gauk ini.

# Pasak dong anek saih, sinh viên TP Hồ Chí Minh brei thau, patui bruk ngak hu di danak dak “Sruh radeih  bilan xuân” meng dom thun dahlau, thun ni , Pasak pambuak bruk alin brei 3.000 vé ka sinh viên kan kandah nao palei mbang Tết song amaik ame, gauk gar. Dom sruh radeih hu tabiak meng  TP Hồ Chí Minh nao tal dom  tỉnh gah kreik negar, danak dak biak sangka, dong ka  sinh viên hu rai duik kan kandah, sinh viên hu  hộ khẩu di dom palei gaok khat lahik trak kayua bala meng langik tasik.

# Dalam 137 sinh viên naih gheih dalam negar hu Trung ương Hội Sinh viên Việt Nam pok meyaom, jao brei Giải thưởng “Patuk bilan sa” thun 2018, Đắk Lắk hu sinh viên Ngô Thị Nga. Nga nan lac sinh viên naih gheih mek hu thành tích xuất sắc dalam bac megru 2 thun gam (2016 - 2017 saong 2017 - 2018) di Sang bac Cao đẳng Sư phạm Đắk Lắk; mek hu angan "sinh viên 5 siam" pakat tỉnh thun bac 2017 - 2018.

  Khaw tin dunya:

         # Cảnh sát Hy Lạp hu peih sa bruk duah thau khủng bố ka dom blah thư medhi lac hu payua meng  Ấn Độ tal 12 sang bac đại học di negar bhum Địa Trung Hải ni, hadei di tuk dut iek mboh lac dom phong bì thư nan hu  hu sa janih ba tal dị ứng. Urak ni hu 7 urang  hu dom phản ứng pagam tal jalan suah yava, hadei di tuk gaok sa blah thư payua ka akaok sang bac Đại học Aegean di palao  Lesbos harei 9/1.

      # Gilang pariak trung ương Nga hu ba tabiak jalan nao khang truk bruk pambak tame jien đôla Mỹ tuk chuyển khoảng 100 tỉ USD tapa đồng euro, yen Nhật saong nhân dân tệ. Điện Kremlin hu brei thau yau nan, dom hukum taong phạt saong áp lực di Mỹ daok mek  Nga njauk duah sa janih  jien thanh toán salih ka jien USD piah grap tanat an ninh  ka nền kinh tế di taneh aia.

     # Tổng thống Trump hu panuac lac danieng tapen negar gah merong meda pacang cakak heroin song dom janih ma túy suan hukum tuh tame Mỹ, min ong meda sahaneng suan jalan. Dom chuyên gia an ninh mboh lac, urang pan akaok  Mỹ sahaneng suan tuk ndom lac danieng tapen negar hu kein lagaih dalam dalam bruk pacang cakak ma túy suan hukum. Dom  pabah mabng nhập cảnh njauk adat hukum meng lac jalan siam piah nao mai lagaih jang sa jalan biak kan kandah yam tapa sa mạc, krong chraoh  dalam bruk chap mek di  gah biên phòng. Nan Oh ka ndom tal khol  trùm ma túy tuk halei jeng sahaneng duah ginup jalan karei karei piah plaik nyaih sa danieng ./.