# Page harei 28/2, Tổng thống Mỹ Đô-nan Trăm saong Chủ tịch Triều Tiên Kim Châng Ưn yam tame dom mbang ginum biai prong di Nyaom biai pakat glaong Mỹ - Triều Tiên mbang ka 2 di Hà Nội. Meng dom minit akaok mereip di mbang taom gaok, Chủ tịch Triều Tiên Kim Châng Ưn ndom lac “khaol dahlak mek hu rilo jak jeng. Dahlak saneng ini lac tukvak taom gaok gauk, ngak jeng sa nyaom biai biak siam mekre. Dahlak sanya lac kham merat abih drei piah ba mai siam mekre di abih ka nyaom biai ini”. Tổng thống Mỹ Đô-nan Trăm ndom lac: "Hu Biak rilo kadha siam gheih hu rah tabiak. Khaol dahlak meda hu sa nyaom biai pakat glaong jak jeng, saong Triều Tiên meda jeng sa negar khang gah kinh tế".


# Pasak Khik ramik lamen tỉnh Dak Lak pambuak saong Kapol khik ramik alam dunya daok peih ngak Danak dak khik ramik taphon limen glai praong abih di Viet Nam. Tui nan, Danak hu daong 1 ty 5 rituh trieu dong piah padang ngak du lieu ka taphon limen saong jalan nao mai di lamen glai. Tukvak peih ngak Danak dak meng ini tal bian 12 thun 2020. Urak ini, Dak Lak hu taphon limen glai ralo abih dalam negar ngan saong 80 tal 100 drei, kayua rilo taneh glai jak tak mek taneh ngak apuh, ngak brei labik daok, labik duah pandap mbang di lamen takik veik. Bruk khik ramik lamen ini daok gaok biak ralo kan kandah.  

# Đồn Biên phòng Mũi Né, tỉnh Bình Thuận pambuak haong Chi cục pacang khik kaya ikan dalam aia peih bruk pathram ka 50 urang taong ikan lac po dom sruh gilai taong ikan atah ar. Pak ini, dom urang taong ikan hu khan brei thau dom asal kadha: Hukum tasik Việt Nam thun 2013; brei thau ka toạ độ, ranh giới ka bhum tasih chủ quyền di Việt Nam. Urang taong ikan tuk tabiak tasik njauk ba tui ginup dom harak gar njauk tui quy định; juai pajeng ba, pablei salih, pandar suan adat hukum chất patuh, phao ndao, dom chất độc hại njauk pakauk…Langiu di nan, urang taong ikan daok hu brei thau số điện thoại jalan talei pandiak di Bộ Chỉ huy Bộ đội Biên phòng tỉnh; dom  đồn biên phòng dalam tỉnh saong balai daong duah urang njauk bala Phú Quý, jeng yau tần số trực canh di biên phòng, Đài Thông tin Duyên hải Phan Thiết piah liên lạc tuk hu bruk caong khin.  

# Pasak Xúc tiến Thương mại saong Đầu tư An Giang pambuak saong Hội Doanh nghiệp pandap Việt Nam asar glaong peih Nyaom darak pasar Pandap Viet Nam asar glaong thun 2019 di Ban Long Xuyên. Nyaom darak pasar rah tabiak meng harei 5 bilan 3 tal harei 10 bilan 3 thun 2019 di Khu đô thị Golden City An Giang, ngan saong 350 gian hàng di 150 doanh nghiệp mai meng ban raya Hồ Chí Minh saong dom tỉnh, ban bhum taneran kraong Cuu Long. Mai tal nyaom darak, tuai damuai lingiu di bruk blei pandap daok hu thau ka bruk cakrok patagok di dom doanh nghiep hu angan dalam taneh ia rilo thun tapa. Meng nan, hu meta maong cambaih jang, njauk jang saong jia tame jang dom pandap hu ngak dalam taneh ia.

# Rilo thun ini mai, mblang bein 23-9 (hu mong lac “hala phổi hijao” di bal raya) daok njauk cakak sit jeng yaok binah, ngak jeng labik pablei salih. Gaok tuk mai, bhap bani oh daok jalan nao kabak di mblang bein ini kayua lac labik ini hu jeng pasak praong piah parang iek, pablei salih pandap panda rilo janih. Piah ba-yar veik “hala phổi hijao” ka bhap bani, karja bal raya HCM hu tacei pato brei padeih bruk brei pah mặt bằng di Mblang bein 23-9, panduan ba taong abih labik pablei salih, nhà hàng siêu thị, công sở, bến bãi… tabiak truh mblang bein dahlau di harei 30/4/2019. Ini lac jalan ngak njauk haong hatai bhap bani, hu rilo bhap bani pachreih tui.

Khaw tin dunya: 
# Karja Tổng thống Mỹ Đônan Trăm daok yam jaik tal bruk brei dui atah tukvak Puac abih ka sa thỏa thuận pablei salih saong Trung Quốc. Lambaok gah pablei salih Mỹ Rô-bớt Lai-thi-dơ harei 28/2 brei thau, bruk brei kadun atah veik tukvak puac abih lac harei1 bilan 3 meda samar hu brei thau, min ông kakei dahlau juai sahaneng mbuan. Tui ong Rô-bớt Lai-thi-dơ, dom tavak tavaiy jeng daok nan, dalam nan hu bruk ngak suan quyền sở hữu trí tuệ saong kateik greik jao brei công nghệ.  

# Ấn Độ brei kaeik pabah mbang 4 mblang kapal haok di gah barak negar ini hadei di tuk dom sruh kapal haok di Pakistan par tapa jalan biên giới tame labik Ca-sơ-mia (Kashmir) kayua Ấn Độ pasang iek. 4 mblang kapl haok njauk kareik pabah mbang nan lac Pa-than-kốt (Pathankot), Lê (Leh), Xri-na-ga (Srinagar) saong Giam-mu (Jammu). Dalam sa bruk hu pambuak pagam tal, gah Pakistan brei thau lac cuh laik dua sruh kapal haok trực thăng di Ấn Độ kayua bruk daok catang tagok di bhum Ca-sơ-mia. Bruk catang tagok nan rah tabiak tok sa harei hadei di tuk Ấn Độ cuh meluk tame sa labik pato pathram quân sự daok gah dalam Pakistan.

# Harei 27/2, sa anek saih tal 7di sa sang bac tiểu học gah timun X-lô-va-ki-a njauk rambuac di akaok tuk njauk sa auyt bac song gauk cuh tame rup dalam tuk pasram janih thể thao bắn súng. Panuac khan di sa cảnh sát di ban Cô-xít-xe (Kosice) labik rah tabiak bruk nan brei thau, uranaih umo 13 thun njauk rambuac di akaok hu sơ cứu chip pak di labik song hu pajeng tal sang iek ruak di ban meng trực thăng piah blaic raih glow akaok. Urang brei panuac ni brei thau urak ni oh ka hu khau tin halei ka bruk njauk rambuac di uranaih likei nan, min nyu oh ngak brei metai lahik./.