# Thun 2019, tỉnh Long An padang ngak hu 4 mô hình hợp tác xã (HTX) điểm ka bruk pandar công nghệ glaong. Dom HTX điểm ka bruk pandar công nghệ glaong peih ngak angaok 3 phun, 1 drei nan lac padai, njam patam, thanh long, ralaow limo.  Tỉnh meda padang ngak salah abih meng bộ máy tổ chức, jalan ngak, peih bruk pala ngak, pambuak gauk, blei abih pandap panda ngak tabiak di HTX. Urak ini, Long An hu 16 HTX, 34 tổ hợp tác peih ngak đề án pandar công nghệ glaong. Gah ngak nong tỉnh daok  pasang iek bruk ngak piah palih ruah HTX njauk mô hình tui jalan ngak hu ba tabiak. 

# “Meda hu 600 câu hỏi, oh lac 450 câu dalam bộ đề thi mek harak adat peih radaih”  nan lac sa dalam dom salih bahrau hu ba tame danak dak pato pakai saong pakacah mek harak adat peih radaih meng bilan 1 thun 2019. Bộ giáo trình bahrau nan pataom tame 5 gah praong, dalam nan njauk caik hatai lac hu pabak bruk Đạo đức di urang peih radaih saong ilamu nao mai angaok jalan.

# Gah chức năng bahrau bhap khik sa bruk buôn lậu yaok rituh tấn har kẹo brei ka uranaih tauk angan Thái Lan, Hàn Quốc. Angaok nhãn mác hu vak mai meng  Thái Lan, Hàn Quốc min biek di nyu taong baih har kẹo ini, tui panuac khan di urang pajeng ba, nyu mai meng Trung Quốc. Labaih 1 tấn pandap daok angaok jalan pajeng ba nao pablei ka dom cửa hàng di Hà Nội ye njauk cap khik. Urak ini gah  chức năng daok peih prong bruk pasang iek, duah thau.

 # Pasak ngak bruk negar lingiu, Mintri Lao động - Thương binh saong Xã hội daok pilih ruah  400 điều dưỡng viên nao bac megru, ngak bruk dii Đức dalam gah điều dưỡng iek glang urang taha saong urang ruak. Urang hu pilih ruah, lac likei, kumei, umo meng 21 tal 28 thun, bac tamat bloh atau daok lac sinh viên thun puac hệ cao đẳng, đại học gah điều dưỡng. Tuk hu pilih ruah, urang nan hu brei jien dahlau di tuk tabiak negar lingiu, bac sap Đức saong jien harak kapal haoh par meng Việt Nam tapa Đức. Urang nan daok hu taduan jien bac bruk 1.100 Euro sa bilan dalamg 2 thun, hadei di tuk bac tamat khoábac bruk ngak, hu brei chứng chỉ negar Đức, hu ngak bruk suai lavik dii Đức saong yaom jien bilan lac 2.600 Euro sa bilan. Tukvak taduan mek hồ sơ meng ini tal abih harei 11/3/2019.

  # Jaik 500 baoh sang dalam taong abih jaik 1 triệu baoh sang hu mbaok tame danak dak patak pataom điện thun 2018 bahrau hu bal raya HCM pok brei harak meyaom kayua hu dom sahneng duah, jalan ngak patak pataom điện kein laba ka baoh sang. Taong abih dom baoh sang patal pataom hu jien blei điện jaik 800 tỷ đồng, trun 300.000 tấn CO2 phát thải tabiak môi trường.

       Khaw tin dunya:

# Tui kuhria, bruk gar jalan di dom taneh ia daok cakrok patagok di châu Á dalam 10 thun tal meda ngak brei abih yaok pluh tỷ đô la Mỹ .Tui kuhria mboh bahrau hu Tổng thống Indonesia Joko Widodo brei thau, Indonesia khat lahiki 4,7 tỷ USD yaok tyhun kayua gar jalan. Dalam tuk nan di Philippines, gar jalan khang di Manilla saong dom bhum jaik taphia yaok thun ngak khat lahik labaih 23 tỷ USD. Urang duah hu jien takik di Manila abih 20% jien duah hu ka bruk nao mai, glaong jang rilo dut saong jien blei.

# Nhật Bản hu yah klaak adat pakauk blei ralaow limo meng negar Anh hadei di 23 thun. Adat pakauk blei ralaow limo meng Anh tok hu pandar ngan haong limo binai labaih 30 bilan di Anh saong dom bộ phận di limo mbuan ba tal njaom mbak virus limo maharoi (BSE). Taphia di nan, Nhật Bản jeng yah klaak adat pakauk blei ralaow pabo di Anh. Tui kuhria, taong abih yaom jien pablei ralaow limo tabiak negar langiu di Anh tapa Nhật Bản labaih 127 triệu Bảng Anh dalam 5 thun tal.

# Dii Argentina, dom urang metai kayua njom virus Hanta, sa janih virus nguy hiểm njom mbak meng takuh tapa menuac, di gah mertaong negar ini tagok tal 9 urang kuhria meng di tuk tamuh tabiak di bilan 12/2018. Tui panuac khan di Mintri Y tế Argentina, 3 urang bahrau metai hadei di tuk njom virus Hanta lac 2 urang kumei saong 1 urang likeu daok di tỉnh Chubut. Lingiu di nan, jeng daok hu jaik 30 urang njom virus Hanta daok hu iek ruak./.