# Taduan panuac daa di Samdech Akka Moha Ponhea Chakrei Heng Samrin, akaok Quốc hội Campuchia, Akaok Diễn đàn Nghị viện châu Á - Thái Bình Dương mbang ka 27 (APPF- 27), Kapul urang lambaok pakat glaong Quốc hội Việt Nam kayua Ủy viên Bộ Chính trị, akaok Quốc hội Nguyễn Thị Kim Ngân ba akaok tapa hu mbaok dalam Nyaom biai bhian thun Diễn đàn Nghị viện châu Á - Thái Bình Dương mbang ka 27 pak Siem Reap, Campuchia meng harei 14 tal harei 16/1/2019.  Bruk daok pamaong ngak di APPF lac piah jhul patagok bruk pambuak gauk dalam khu vực piah ba sron mbon, tự do, dân chủ saong kaya meda; pambuak bruk peih saong samu gauk piah peih prong bruk pablei salih tự do saong đầu tư, patagok khang kajap, dom bruk ngak brei ka môi trường,  taphia di nan caik bruk sangka tal dom kadha pambuak pagam tal an ninh saong hòa bình di khu vực. 

  #Harei ini (14/1), di ban sit Gia Nghĩa, tỉnh Đắk Nông rah tabiak nyom biai xúc tiến đầu tư tỉnh Đắk Nông thun 2019, hu mbaok jaik 1.000 urang, dalam nan hu jaik 700 urang đầu tư. Tapa nan, UBND tỉnh Đắk Nông hu brei harak chứng nhận tut angan đầu tư ka dom dự án praong dalam tỉnh yau: Dự án sang mac điện ia harei hu yaom jien buh tame ngak abih tih 1.108 tỷ đồng di Công ty CP sang mac Điện ia harei Trúc Sơn; Dự án điện ia harei hu yaom jien buh tame ngak jaik 1.250 tỷ đồng di Công ty CP Thủy điện Miền Trung; Dự án ngak nong kong nghe glaong saong du lịch sinh thái Phước Sơn hu yaom jien buh tame ngak 80 tỷ đồng di huyện Đắk R’Lấp… Abih tih phun jien buh tame ngak di dom dự án hu brei harak tut angan đầu tư lac labaih 4.000 tỷ đồng, lac yaom praong abih kuhria meng tuk padang tỉnh tal harei ini. 

# Jeng dalam harei 14/1, mbang nyaom chip di mBan tacei pato pacang caga ribuk ia sua saong doang duah urang njauk bala 2 tỉnh Khánh Hòa saong Bà Rịa – Vũng Tàu piah ba tabiak jalan ngak, piah duah gilai Khánh Hòa gam haong 10 urang taong ikan karam di tasik. Dahlau di nan, harei 11/1, urang taong ikan Bà Rịa - Vũng Tàu hu mboh sruh gilai taong ikan tỉnh Khánh Hòa ndaong binah akaok, pasang duah vil val oh hu manuac, labik nan atah Vũng Tàu jaik 160 hải lý. Dom urang taong ikan ini hu khan brei ka jabat chức năng thau piah pambuak bruk daong duah.

# Tui Mintri Công an, dalam 4 thun jaik di ini, dalam taneh ia rah tabiak labaih 7 rabau 600 bruk phạm pháp hình sự pambuak tal tín dụng đen. Dalam nan hu 56 mbang pametai menuac, 398 taong paoh urang, 629 mbnag blah drap ar, 836 mbang blah mek jien padai. Gam saong nan, hu labaih 2 mbang pachot, ieu pataom phun jien yaok rabau tỷ đồng bloh nduac klak sraiy. Urak ini, gah cảnh sát hình sự daok tui iek, ngak brei cambaih laih labaih 200 băng nhóm pambuak tal bruk tín dụng đen ngan saong jaik 2 urang dreih yau dom bruk chap mek di Thanh Hóa, Bắc Ninh, Đắk Lắk…Tui bruk mesruh pacang kol tội phạm, khik sron mbon ka Tết thun sak pabui 2019, gah công an daok patagok bruk tui iek, duah thau, kaoh tui adat dom kol brei mesraiy trak laba dalam tukvak ini.

       # Meng harei 24 tal harei 26/1 (lac harei 19 tal 21 bilan Mat thun Mậu Tuất), di Palei ilamo - Du lịch dom bangsa Việt Nam (Đồng Mô, Sơn Tây, Hà Nội)  hu peih ngak dom bruk yau “tapaok har bánh chưng xanh gam haong urang kathaot mbang Tết” Kỷ Hợi ngan haong kadha “Brei Klah rabha – taduan mek ranam”. Mban peih bruk hu kuhria caga jaik 700 paok pandap , yaok paok hu 02 har bánh chưng, 01 hộp mứt Tết, 5 kg brah, 2 kg brah ndiuk, 1 kalaok menyek, meteh kg saradang, 1 màn tuyn, khan ao, tapuk siphau... piah brei ka dom urang dalam sarak karja, hu rai diuk kan kandah, urang njauk jru mek kalik kruac dalam tỉnh Quảng Trị saong Hà Nội gam haong dom baoh sang urang bangsa takik kan kandah dalam dom xã kathaot di tỉnh Thái Nguyên.

Khaw tin dunya:

# Dalam bui sambai uan raok Thun bahrau saong uan Tết thun sak pabui 2019, melam 13/1, di ký túc xá sang bac Đại học Hoàng gia Phnom Penh, ban ine Phnom Penh, kapul anek saih Việt Nam di Campuchia hu peih malam ilamu, daoh tamia, taom gaok, ndom biai nao mai uan raokThun bahrau 2019, uan Tết meng kan di bangsa. Tapa nan, dom anek saih Việt Nam hu parang me-in rilo kadha daoh tamia ndung bak ilamu Việt Nam saong Cam-pu-chia. Jeng tapa nan, dom anek saih Việt Nam hu thau ka harei tết jum pataom tapen dom gru pato, dom ayut sahabat Cam-pu-chia saong dunya. Urak ini hu labaih 150 sinh viên Việt Nam daok bac di Cam-pu-chia.

#  Dalam bilan anak tal, dom janih pandap blei  tame meng châu Âu di Nhật Bản meda trun yaom hadei di tuk Hiệp định Đối tác Kinh tế (EPA) hu peih ngak. Dom công ty blei alak di rượu Nhật, dalam nan hu Săn-tô-ri, A-xa-hi, Sặp-pô-rô (Mercian, Suntory, Asahi và Sapporo), meda trun yaom meng 11% tal 20% dom janih alak blei meng châu Âu mai hadei di tuk jien je hu klak abih di harei 1/2. Pak labik pablei lẻ, dom siêu thị Mây-đi-ya (Meidi-ya) peih prong dom quầy pablei alak saong pho mát. Dom janih pandap jik pet jeng hu miễn jien je. Công ty pablei lẻ Xô-gô (Sogo) &  Sêi-bư (Seibu) daok mong iek trun yaom ao khoác ngak di châu Âu, jeng yau pei prong bruk pablei salih dom janih pandap karei.

# Sa mbang megei baoh taneh khang 5,4 độ rích-te bahrau rah tabiak di labik atah di ban An-co-rết (Anchorage), tiểu bang A-lát-xca (Alaska), Mỹ jaik 14 ki-lô-mét nao gah Tây Bắc. Tui jabat pasang iek địa chất Mỹ,  mbang megei baoh taneh di labik dalam 33 ki-lô-mét, hukhu dân cư jaik di abih lac Poi Mác-ken-di (Point MacKenzie) atah di nan 11 ki-lô-mét. Urak ini oh ka thau metai lahik yau habar. Min rilo menuac hu tagok Tuýt-tơ brei thau ka mbang megei baoh taneh dalam harei puac adit./.