# Tui Mentri Y tế, meng harei 1/3 anak tak, hồ sơ bệnh án điện tử meda hu peih ngak. Hồ sơ bệnh án điện tử hu: hồ sơ bệnh án nội trú, hồ sơ bệnh án ngoại trú saong dom janih hồ sơ bệnh án karei. Yaok urang ruak meda hu sa mã số khik iek, lưu trữ hồ sơ bệnh án điện tử di sa labik pasang iek ruak. Hồ sơ bệnh án điện tử njauk pabak dom bruk yau: njauk cih vak veik taong abih asal kadha dalam thông tin (hồ sơ bệnh án ba-ar, lưu trữ saong truyền tải thaik binguk y tế salih ka bruk in phim, khik piah thông tin xét nghiệm salih ka bruk in tabiak ba-ar), hu chữ ký số di urang hu trách nhiệm asal kadha dalam thông tin.

# Tuk vak ni, yaom pablei thanh long di Bình Thuận meng 15.000 -16.000 đồng/kg. Tui yaom ni, hadei di tuk kaoh abih phun jien urang nong hu laba meng  40-50 triệu đồng/ha. Ong Phạm Hữu Thủ, Chánh Văn phòng Sở NN-PTNT tỉnh Bình Thuận brei thau, hadei di tuk Tết Nguyên đán 2019, yaom pablei boh thanh long dok khik hu tani tanat, hu tagok jang dut song tuk vak thun 2018. Urak ni di  tỉnh Bình Thuận dok hu mong lac pasak thanh long di negar  ngan song taneh pala prong jiak 30.000ha, sản lượng mek hu labaih 500.000 tấn/thun.

# Dalam tuk yaom thanh long di tỉnh Bình Thuận jeng daok khik grap tanat ye urak ini, baoH la-u thu di tỉnh Bến Tre daok trun khang. Sa pluh baoh (12 quả) trun daok ala 30.000 đồng, gaok tuk mai di palei pala atah bayah yaom la-u thu daok di tanut 22-25.000 đồng sa pluh, trun 3-4 mbang dut haong tukvak ini thun dallau. Baoh la-u thu trun yaom nan kayua darak pasar pablei tabiak negar langiu dom janih pandap hu ngak meng baoh la-u thu gaok kan kandah; yaom baoh la-u thu di puk palei ini daok di tanut glaong jang rilo negar karei angaok dunya. Ngan haong yaom pablei yau ini, jien mek tame di urang pala la-u di tỉnh Bến Tre oh ginup jien phun piah pala gilac. Tui Sở Ngak nong saong patagok palei pala tỉnh Bến Tre, dalam tỉnh urak ini hu labaih 70.000 ha phun la-u.

# Urang dang akaok tỉnh Khánh Hòa song dom mban dom gah hu nao tal sang iek ruak Đa khoa tỉnh ni ravang saong daong ka dom urang gaok bala radeih paguak harei 14/2 meng bloh. Pak ni, hadei di tuk tangi sua, klah rabha song dom urang gaok bala, tỉnh Khánh Hòa song Ban An toàn giao thông TP. Nha Trang jao 18 pok jien dong ka dom urang njauk bala trak, yaok pok 1 triệu đồng. Dahlau di nan, tukvak 6 tuk harei 14/2, radeih pajeng tuai khage ndih biển kiểm soát 17B-014.76 peih tui jalan  bắc - nam tal labik palei  Cát Lợi, xã Vĩnh Lương, TP. Nha Trang ye blait tangin, ginuh tame sang di bhap bini. Tui khau tin camereip, oh hu urang hlaei metai dalam mbang bala. Hu 37 urang njauk rambuac dok iek ruak di sang iek Đa khoa tỉnh Khánh Hòa. Urak ni dom urang gaok bala hu tapa kan kandah.

# Yaom lac oh njauk tame tukvak tabung glaong di jit pandiak tabiak darah, min tui kuhria mboh di pasak Y tế dự phòng TPHCM, urang njauk ruak pandiak tabiak darah daok iek ruakị di dom labik y tế dalam bal raya dak harei dak mboh rilo dut haong tukvak ini thun 2018. Njauk duh hatai lac, dom urang njauk ruak ini lac urang prong, min kayua oh sangka nan ye caik veik hậu quả trak ngan haong dom biến chứng nguy hiểm. Kuhria meng akaok thun tal harei 10/2, dalam bal raya hu labaih 6.000 urang njauk ruak pandiak tabiak darah, 978 urang njauk ruak sởi saong 386 urang njauk ruak tangin takai cambuai.

Khaw tin dunya:

# Luật đặc biệt ka bruk patrun patakik song khik ramik asar thur racin hu ba tabiak pandar di Hàn Quốc meng harei 15/2. Tui hukum ni, hu rilo jalan ngak khang hu batabiak. Hukum bahrau hu brei adat ka karja pak ni kreik pambah mbang atau ba tabiak tuk vak ngak bruk ngan song dom sang bac atau sang bac mẫu giáo dalam bruk njom nerak thun mun tagok tal tanut nguy hiểm. Thun racin lac dom asar thun sit jang atau samu 2,5 micrometer. Ni lac janih thun nguy hiểm di abih, meda njom tame rup pabhap di anek menuac, palai pajoa bruk eng drei khik caga song miễn dịch meng gah dalam rup pabhap. 

# Bahrau ini, Kapul nyaom pandap mbang Compass hu pabak dom máy kuhria jien thông minh di 13 nhà hàng pak Pháp. Ngan haong sruh máy ini, tuai damuai tok palih ruah pandap mbang, blaoh caik khay pandap mbang ala máy kuhria jien tự động, mac ini meda quét tapa pandap mbang bo drei palih ruah saong kuhria njauk yaom jien, phần trăm kuhria suan tok 1%. Sruh mac kuhria jien thông minh meda mong iek tabiak hu tal 6.000 công thức pandap mbang saong meda tự động cập nhật. Urang ngak tabiak mac ini brei thau, bruk ngak tabiak máy kuhria jien thông minh nan lac patrun tukvak dang cang tuk kuhria jien.

# Mintri Du lịch Campuchia brei thau, dalam dom harei meng bloh hu labaih sa triệu tuai du lịch dok dalam song langiu negar, tagok labaih 8% dut song tuk vak ni thun 2018. Di dom labik du lịch hu angan je yau Angkor Wat di tỉnh Siem Reap, labik du lịch sinh thái di gah  Đông Bắc, labik du lịch tasik, tuai mai rilo di abih. Dalam thun 2018, Campuchia taduan hu labaih 5 triệu tuai damuai song gah du lịch hu rik tame 32% GDP. Campuchia batabiak tanut tagok tuai mai rivang negar ni hu 12 triệu tuai dalam thun 2025./.