# Di tukvak 9 tuk 50 minit harei 18/1 (tui tukvak Japon, lac 7 tuk 50minit tui tukvak Việt Nam), Jabat roh duah saong patagok hàng không Vũ trụ Japon (JAXA) hu cuh vệ tinh Micro Dragon di Việt Nam tame quỹ đạo. Labik cuh lac di pasak vũ trụ Uchinoura, Japon. Micro Dragon  lac vệ tinh akaok meti kayua dom urang khoa học kỹ sư Việt Nam roh duah saong ngak tabiak. Bruk di vệ tinh Micro Dragon lac pandap piah pato tacei bruk ngak tabiak thử nghiệm vệ tinh lớp micro. Bruk prong tuk thiết kế Micro Dragon nan lac thaot binguk tui iek chất lượng aia tasik tapen ar piah duh ka gah taong mek ikan, raong pala kaya ikan dalam aia di Việt Nam. 

# Harei 18/1, Sang iek ruak Nhi đồng 1, TP.HCM hu cấp cứu ka 1 uraniah 10 thun njauk pandung kayua patuh bình gas. Hu thau, uraniah nan tame sang iek ruak kayua pandung pui gas cấp độ 3, labik pandung praong tal 80%. Tui panuac khan di tuk camereip, uraniah njauk pandung trak kayua ame njuk pakao ngak brei patuh bình gas, ba tal khuah sang. Gah chức năng jeng daok duah thau piah ngak cambaih bruk ini.

#  Sở Lao động - Thương binh saong Xã hội, Hội LH urang kamei tỉnh, UBND Tp. Đà Lạt, tỉnh Lâm Đồng peih bruk jao brei mô hình “Sang plaih njaik cộng đồng” daok di Phường 6 - Đà Lạt. “Sang plaih njauk cộng đồng” praong 40,8 m2 hu ngak abih 60 triệu đồng meng  jien di danak dak bruk ngak negar ka bình đẳng giới.  Ini lac bruk ngak iek “labik caik hatai jia, sang plaih njaik CĐ” akaok meti di tỉnh Lâm Đồng. Manuac urang hu brei tame daok lac dom urang njauk bạo lực gia đình, anek di dom urang njauk bala dalam phường saong dom labik jaik taphia.

# UBND xã Phước Trung, huyện Bác Ái, tỉnh Ninh Thuận pambuak bruk haong kapul ngak pahla Baha Phước Duyên, tỉnh  Bà Rịa-Vũng Tàu bahrau ba 500 paok pandap ka dom sang jaoh jo, sang kathaot, sang sarak karja lac mikva urang Raglai daok dalam xã. Dom pok pandap gam haong hatai lac “Hala siam papaok hala tahak” saong “Tết ka urang kan kathaot” hu pambuak pagam hatai anit ranam, hu daong ka mikva raok Tết bui sambai, chreih chrai.

# Dalam tuk Tết cổ truyền thun ini, tỉnh Tiền Giang hu peih bruk nao rivang, alin brei pandap ka dom baoh sang sarak karja, urang bruk pren ka taneh ia, sang kathaot saong dom urang kan kathaot karei ngan haong yaom jien labaih 33 tỷ đồng. Tui bruk nan, tỉnh Tiền Giang daok hu kaoh tabiak 1 tỷ đồng meng kadung jien karja piah alin brei pandap ka dom ong taha meng umo 90 thun tagok; peih ngak van lisei puac thun di pasak xã hội, kapul urang sup meta, labik cai nghiện ma túy. 

Khaw tin dunya

# Harei 18/1, Nyaom biai sit Akaok Mintri Ngoại giao ASEAN rah tabiak di Chiang Mai, Thái Lan. Nyaom biai ini hu mbaok dom akaok mintri Ngoại giao 10 taneh ia dalam ASEAN. Ngan saong kadha "Jhul khang talei pambuak bruk ka khang kajap", dalam angan Chủ tịch ASEAN thun 2019, Thái Lan hu ba tabiak rilo jalan ngak piah jhul patagok 1 ASEAN khang kajap di taong abih gah, meng sron mbon hòa bình, tani tanat, an ninh tal bruk kinh tế, ilamu, xã hội saong alam môi trường. 

# Tui akaok Hạ viện Anh, dom nghị sĩ meda caik abih harei 29/1 anak tal, piah ginum biai ka đề xuất bahrau di Thủ tướng dahlau di tuk buh phiếu dalam harei nan. Hadei di tuk yam tapa bruk buh phiếu oh tín nhiệm di Hạ Viện, Thủ tướng Theresa May hu peih ngak dom mbang taom gaok haong urang dang akaok dom đảng phái chính trị karei di gauk di Anh piah jhul patagok bruk thỏa thuận Brexit meda hu dom nghị sĩ brei tapa dalam mbang pathau khan anak tal.

# Tui sa roh duah di Viện Sinh học dalam Đại học Campinas di Brazil (IB-Unicamp) pambuak bruk haong Kadung jien roh duah Sao Paulo (FAPESP) brei thau, bruk pandar chiết xuất meng kanduh di janih nho rup kayau, angan khoa học ieu lac jabuticaba meda pacang caga hu bruk mbuan ba tal njauk ruak me-ik saradang. Tui dom urang ilamu Brazil, roh duah janih takuh mbang rilo pandap hu lamek, chiết xuất meng kanduh yau nho rup kayau, hu hàm lượng hợp chất phenolic glaong yau anthocyanin, nyu ngak patrun bruk tagok kilo, trun takik chất béo saong nồng độ labaih glucose dalam darah, pasiam cholesterol HDL siam ka rup pabhap động vật saong rilo kein laba karei./.