# Page harei 19/2, di sang Quốc hội hu rah tabiak brk taom mbaok saong alin brei pandap di akaok Quốc hội Nguyễn Thị Kim Ngân ka Công ty Cổ phần Đầu tư Văn Phú – Invest kayua dom rik daong di Công ty brei ka bhap bani. Tapa nan, ong Nguyễn Huy Hoàng - akaok Công đoàn Công ty Cổ phần Đầu tư Văn Phú - Invest hu alin pok jien ka dom puk palei saong kapul nyaom ngak bruk brei ka bhap bani tagok tal 23 tỷ đồng. Mboh hu dom ril daong, klah rabh nan di  Công ty Cổ phần Đầu tư Văn Phú – Invest, jeng tapa nan akaok Quốc hội Nguyễn Thị Kim Ngân hu pok brei ka Công ty baoh blong saong ao pakacah ngan haong akhar mboh tangin di dom urang dalam kapul dhit blaong U23 Việt Nam. Ini lac pandap bo kapul dhit blaong U23 Việt Nam hu pok brei ka akaok Quốc hội dalam tukvak mai rivang saong taom gaok Akaok Quốc hội hadei di tuk meblah hu angan Á Quân di giải vô địch U23 Châu Á di bilan 1 thun 2018.

# Jeng dalam harei 19/2, radeih pasei AH2 pajeng pandap peih meng ga Sóng Thần (Bình Dương) tabiak gah brak. Tuk caga tame ga Suối Kiết, huyện Tánh Linh, tỉnh Bình Thuận ye blait  kong tabiak truh jalan pasei. Sa dalam 3 toa radeih pasei njauk bala hu sa toa tableik paleing. Bruk nan ngak ka jalan pasei  Bắc Nam oh nao mai hu, rilo radeih pasei njauk padeih veik. Urak ni gah jalan pasei dok pasiam veik. Ni lac mbang ka 2, di tỉnh Bình Thuận rah tabiak bruk radeih pasei blait jalan pasei. Dahlau di nan harei  27/1, radeih tuai  SE1 jeng blait kong tabiak truh jalan pasei di labik ga Sông Lòng Sông di huyện Tuy Phong, tỉnh Bình Thuận, ngak kan kandah tal bruk pajeng ba tuai dahlau Tết nguyên đán.

# Meng ini tal bilan 3-2019, dom doanh nghiệp dalam tỉnh Đồng Nai caong  palih ruah jaik 30 ribau urang ngak, dalam nan urang ngak phổ thông meblah labaih 90%. Bruk caong khin palih ruah rilo di abih nan lac: jik pet, khaok kalik, pandap meng kayau. Urang caong khin duah bruk ngak di Đồng Nai meda taom gaok haong doanh nghiệp piah nộp hồ sơ atau nao tal dom pasak tacei bruk ngak kayua Karja khik iek piah hu tacei pato.

# Gah y tế Bà Rịa-Vũng Tàu hu pambuak bruk song dom puk palei pasang iek song duah mboh 94 sruh jit pandiak tabiak drah. Meng bilan 1/2019 mbiah tal ni, dalam tỉnh hu labaih 500 mbang pandiak tabiak drah, tagok 25 mbang dut song tuk vak ni thun 2018; dalam nan hu sa 1 urang metai. Ban Vũng Tàu jeng sa labik dalam tỉnh Bà Rịa-Vũng Tàu hu urang ruak glong di abih lac 220 mbang.

# Daok di tỉnh Đắc Lắc urak ini hu ruak sởi saong daok mbuan tamuh veik khang dalam tỉnh Đắk Lắk. Kuhria tal urak ini, tỉnh Đắk Lắk hu labaih 50 urang njauk ruak sởi. Makna ngak ka ruak sởi tamuh veikc nan lac kayua uranaih klauk jru pacang caga ruak oh ka glaong. Tui panuac kakrei di dom bác sĩ, langiu di bruk paglaong hatai saneng pacang caga ruak sởi di bhap bani tui jalan lac brei ka uraniah nao klauk jru vaccine ginup abih, urang kamei daok dalam umo caih menek jeng njauk nao klauk jru pacang caga sởi piah paglaong hệ miễn dịch ka anek kamar.

Khaw tin dunya:

# Jiak di ni, bruk patrun patakik rilaow dalam var mbang dok jeng bhian randap min rilaow di dunya jeng daok hu blei biak rilo saong pataom tame dom negar patagok. Mỹ song Australia dang akaok angan dom negar mbang rilaow rilo abih di dunya ngan song 100 kg sa urang dalam sa thun, samu labaih 50 drei menuk atau meteh drei limo. Jaik abih dom negar Tây Âu mbang meng 80 - 90 kg rilaow sa urang sa thun.

# Sa sang megik Islam di Malaysia bahrau brei pagam  mac ATM piah pabak brah ka urang kathaot. Mong iek gah langiu oh karei hagait dom mac suak jien karei, ghang ATM  ini pabak brah ka dom urang kathaot. Piah mek hu brah, dom urang ini tok gaok tame màn hình cảm ứng saong meda suak hu 2kg brah. Kadha njauk caik hatai tra nan lac mac ini meda daok taduan mek hu jien rik daong. Taong abih jien rik daong di mac ini meda hu pandar ka bruk blei brah ka urang kathaot.

# Viện Y tế song Xã hội Hàn Quốc bahrau peih bruk pasang iek labaih 1.000 urang oh ka hu diuk, oh ka hu pasang. Tapa nan brei mboh hu tal 58,8% urang likei hu tangi sua brei thau urang halan hatain tok duik, dalam tuk bruk nan di urang kamei lac labaih 45,3%. Makna hu dom urang roh duah tacei tabiak lac kayua hatai sahaneng di urang kamei ka bruk tok pasang dak harei dak takik nao, jien pah sang dok song oh hu bruk ngak di urang ranaih umo tagok glong ngak ka rilo urang kamei sangka tal bruk duah jien jang bruk tok pasang./.