# Piah khik hu siam mekre salamat bruk nao mai angaok jalan ka bhap bani urang raok tết thun thak pabui 2019, meng harei 21/1, gah Cảnh sát giao thông dalam negar hu tabiak mbaok pasang iek radaih ô tô meng 8 kik daok tagok ngak mbang gah pajeng ba tuai damuai, radaih ô tô pajeng ba pandap panda, piah  pacang caga, samar duah mboh, pacang cakak saong langyah catang dom bruk ngak suan adat hukum nao mai angaok jalan.

# Page mesup harei 21/1, Công ty cổ phần Đầu tư Đèo Cả peih bruk brei radaih nao tapa lubang jalan tapa đèo Cù Mông, di angaok jalan Roya 1A, labik daok jaik 2 tỉnh Bình Định, Phú Yên, brei ka radaih peih tapa hadei di jaik 16 bialn ngak. Tukvak nao tapa đèo Cù Mông daok oh ka tal 10 minit, dut saong dahlau daih abih tal meteh maong.  Lubang Cù Mông lac jalan lubang puac abih dalam bruk padang ngak dom jalan lubang tapa Đèo Cả, dalam nan hu: Đèo Cả, Cổ Mã, Cù Mông, Hải Vân 2. Lubang atah abih tih jaik 7km. Radaih nduac hu 80km sa tuk. Yaom jien buh tame ngak abih labaih 3.900 tỷ đồng tui jalan BOT.

        # Harei 21/1, sang iek ruak Lê Lợi, tỉnh Bà Rịa – Vũng Tàu brei thau, melam 20/1 taduan raok 4 urang taong ikan njauk bala angaok tasik kayua ngạt khí hầm ikan, dalam nan hu dua urang metai dahlau di tuk ba tame sang iek ruak, 2 urang daok veik daok siam veik pren yava saong hu tabiak sang iek ruak. Dahlau di nan, biar harei 20/1, gilai taong ikan BV 99986 TS hu 15 urang taong ikan atah mũi Vũng Tàu jaik 23 hải lý gah đông đông nam ye hu 4 urang trun hầm ikan. Hadei di nan, taong abih 4 urang nan njauk ngạt khí saong var drei. Tal jaik 19 tuk harei nan (20/1), po gilai hu khan brei gah cứu hộ thau piah mai daong. Taduan hu panuac likau daong, Pasak pambuak bruk  daong duah urang njauk bala dalam tasik khu vực 3 hu brei  sruh gilai SAR 413 tabiak nao daong dom urang taong ikan ini. 

# Kayua kein laba glaong jang ngak padai nan ye urak ini urang ngak nong bhum ia ndik di tỉnh Tiền Giang  daok ba gauk tagok taneh ngak hamu piah pala yaok rabau ha bein phun mbang baoh. Bruk njauk biai nan lac di bhum gah brak jalan roya 1A labik nao tapa dom huyện Cái Bè, Cai Lậy, ban sit Cai Lậy saong Tân Phước, urang ngak nong daok pala dom janih phun panat, durian, thanh long… lingiu quy hoạch. Pandar taneh ngak padai pala phun mbang baoh angaok taneh ngak hamu, nyu meda ba tal bruk kurang padai brah saong mbuan gaok khat lahik tuk ia ndik tagok glaong, nan oh ka ndom tal bruk pablei tabiak meda gaok kan kandah. 

# Kapul dit blaongViệt Nam daok tagok hạng angaok bảng xếp hạng Liên đoàn caoh mbal dunya (FIFA) hu mbaok tame angan dom ong prong châu Á hadei di mbang jayak biak anak Jordan di melam 20/01. Tui nan, meng bruk caoh mbang Jordan saong vak angan drei tame vòng tứ kết Asian Cup 2019, kapul caoh mbanh Việt Nam hu pabak tame jang 9.4 điểm. Urak ini kapul dit blong VN yam tagok hạng 99 dunya saong 16 châu Á. 

Khaw tin dunya

  # Akaok Mintri An ninh Mê-hi-cô, harei 21/1 brei thau, Tập đoàn Pê-mex ( Pemex), lac Tập đoàn xăng menyek pakat negar, khik iek jalan nding ba menyek patuh di harei 18/01 meng bloh, oh kreik van di labik sraiy menyek, tuk mbang camereip mboh khut di jalan nding, kayua sahneng lac labik khut tuk nan oh praong di tuk nan. Min bruk patuh jalan ba menyek ini jeng sa bala praong. Mintri Y tế Mê-hi-cô brei thau, dom menuac metai kayau patuh jalan nding menyek di gah kreh negar ini tagok tal 85 urang saong 58 urang karei daok iek ruak dalam sang iek ruak.

# Pulao kaoh Bali di Indonesia daok kuhria kak je 10 USD angaok yaok urang tuai negar langiu piah padang kadung jien pacang khik môi trường saong khik caga ilamo. Urang jakar Bali jia lac je pacang khik môi trường oh ngak ka tuai damuai padeih bruk mai tal pulao. "Tuai damuai dunya meda njauk hatai haong janih je ini kayua khaol dahlak hu danak dak bruk ngak cambaih laih tui njauk adat hukum. 10 USD jeng oh lac yaom jien prong, tuai damuai mboh bui sambai bayar kayua nyu rik daong tame bruk pacang khik môi trường saong ilamo angaok pulao" – urang jakar Bali brei thau yau nan.

# Blah báo The Star di Malaysia brei thau, karja taneh ia ini daok kuhri kuhria bruk ba tabiak adat giới nghiêm ngan saong dom urang ala 18 thun, piah pacang cakak bruk dom urang dalam umo thun ini njom dom tệ nạn xã hội. Tui amuk Wan Azizah, Ủy ban Rajaei ka pacang caga ma túy, peih ngak bruk nan biak lac oh mbuan, min njauk ngak piah daong ka dom dam dara urang ranaih umo thun pliah dom tệ nạn xã hội, abih di nyu nan lac bruk pandar ma túy./.